آزادی مارچ توڑ پھوڑ کیس، عمران خان کی بریت درخواست پر فیصلہ محفوظ

0
14

ڈسٹرکٹ اینڈ سیشن کورٹ اسلام آباد نے آزادی مارچ توڑ پھوڑ کیس میں سابق وزیراعظم عمران خان، سابق وزیر خارجہ شاہ محمود قریشی اور پی ٹی آئی رہنما فیصل جاوید کی بریت کی درخواست پر فیصلہ محفوظ کرلیا۔

جوڈیشل مجسٹریٹ یاسر محمود نے تحریک انصاف کے رہنماؤں کی بریت کی درخواستوں پر سماعت کی۔ پی ٹی آئی وکلا مرزا عاصم بیگ، سردار مصروف اور آمنہ علی عدالت کے روبرو پیش ہوئے۔

وکیل سردار مصروف نے دلائل دیئے کہ ایف آئی آر مجاز اتھارٹی کی جانب سے درج نہیں کروائی گئی، اگر ٹرائل ہو بھی جائے تو سزا ہونے کے امکانات نہیں ہیں، پراسیکیوشن کے پاس سوائے جھنڈوں کے کوئی ثبوت موجود نہیں۔ عمران خان، شاہ محمود قریشی اور فیصل جاوید کی بریت کی درخواست پر وکلاء نے دلائل مکمل کرلیے۔ بعد ازاں عدالت نے تھانہ آبپارہ کے دونوں مقدمات میں بریت کی درخواست پر فیصلہ محفوظ کرلیا۔

واضح رہے کہ مئی 2022 میں پی ٹی آئی کے لانگ مارچ کے تناظر میں ملک بھر میں پولیس نے پی ٹی آئی رہنماؤں اور کارکنوں کیخلاف دفعہ 144 سمیت دیگر سنگین خلاف ورزیوں پر درجنوں مقدمات درج کئے تھے۔

Leave a reply