آپ سمیت سب نے بار بار آئین کا حلف لیا،محمودخان اچکزئی

محمودخان اچکزئی نےکہاہےکہ آپ سمیت سب نے بار بار آئین کا حلف لیا کل جس انداز سے پارلیمنٹ اور آئین کی بے عزتی کی گئی ،یہ پیپلز پارٹی اور مسلم لیگ ن کا امتحان ہے۔
قومی اسمبلی میں اظہارخیال کرتےہوئے محمودخان اچکزئی کاکہناتھاکہ شہیدبینظیربھٹو اور میاں نواز شریف نے ہمیشہ جمہوریت کی بات کی۔ پیپلز پارٹی اور مسلم لیگ ن نےپارلیمنٹ کی بالا دستی کیلئے معاہدہ کیا۔ کل جس انداز سے پارلیمنٹ اور آئین کی بے عزتی کی گئی آپ سمیت سب نے بار بار آئین کا حلف لیایہ پیپلز پارٹی اور مسلم لیگ ن کا امتحان ہے۔
محمودخان اچکزئی کامزیدکہناتھاکہ آپ آئین کے ساتھ کھڑے ہوتے ہیں یا غیر جمہوری قوتوں کے دم چھلے بننے کو ترجیح دیتے ہیں۔
سپیکر نے محمود خان اچکزئی کے نامناسب الفاظ حذف کردیے ۔سپیکرنےجواب دیاکہ جب لڑائی گرم ہوگی دیکھتے ہیں کون قربانی دے گا۔
محمودخان اچکزئی کاکہناتھاکہ گرفتار اراکین کے پروڈکشن آرڈر جاری کریں ۔
سپیکرایازصادق نےجواب دیاکہ اس معاملے کو بھی بیٹھ کر دیکھتے ہیں ۔