ارشدندیم نےمحنت سےدنیاکودنگ کردیا،وسیم اکرم

پاکستان کرکٹ ٹیم کےسابق کپتان وسوئنگ کےسلطان وسیم اکرم نےکہاہےکہ اولمپک گولڈ میڈلسٹ ارشدندیم نےاپنی محنت اوراپنےمواقع سےجوکیااس سےپوری دنیادنگ رہ گئی۔
میڈیاسےگفتگوکرتےہوئےسابق کپتان وسیم اکرم کاکہناتھاکہ قومی ہیروارشدندیم نےجو کارنامہ انجام دیا اس سے پوری قوم کو ایک امید ملی ہے کہ ہمارے ہاں جو ٹیلنٹ ہے اسے مواقع اور سہولیات دی جائیں تو وہ مزید کارنامے انجام دے سکتا ہے، پاکستان میں مسئلہ یہ ہے کہ سہولیات نہیں ہیں، ٹیلنٹ کو نکھارا نہیں جاتا اس کیلئے تمام اسپورٹس باڈیز کو مل کر سوچنا ہو گا کہ کیسے فنڈز لانے ہیں، ہمیں چاہیے کہ اکٹھے بیٹھیں، پلان کریں اور مخصوص اسٹیڈیمز بنائیں، اگر نوجوانوں کو مواقع نہیں دیں گے تو وہ فون پر ہی لگے رہیں گے۔
سوئنگ کےسلطان کامزیدکہناتھاکہ ہمارے ملک میں ٹیلنٹ ہے، بس ٹیلنٹ کو مواقع نہیں ملتے لیکن ارشد ندیم نے اپنی محنت اور اپنے مواقع سے جو کیا اس سے پوری دنیا دنگ رہ گئی ہے، ہم پاکستانی ہونے کی حیثیت سے تو فخر کر ہی رہے ہیں لیکن پوری دنیا اس کے کارنامے پر فخر کر رہی ہے۔
گفتگوجاری رکھتےہوئےوسیم اکرم کاکہناتھاکہ ارشدندیم اورنیرج چوپڑاکی ماؤں نےبہت اچھاپیغام دیاہے،سپورٹس سیاست سےالگ ہے،لوگوں کاآپس میں رابطہ اہم ہے،دونوں کےوالدین نےپوری دنیامیں مثبت تاثربھیجا۔ارشدندیم نےاچھاکھیلاانکومبارکباددیتاہوں۔نیرج چوپڑا نےبھی ااچھا کھیل پیش کیاوہ بھی مبارکبادکےمستحق ہیں۔
اولمپکس میں کرکٹ کی شمولیت پر وسیم اکرم کا کہنا تھا کہ اولمپکس میں کرکٹ کو شامل کر لیا گیا ہے، امید ہے کہ اگلے اولمپکس میں کرکٹ ہو گی اور یہ ٹی 20 فارمیٹ میں ہی ہو گی اور ہونی بھی ٹی ٹوئنٹی فارمیٹ میں چاہیے، بریک ڈانس آگیا ہے تو کرکٹ کو بھی اولمپکس میں آنا چاہیے۔
سابق کپتان کاآئندہ برس پاکستان میں چیمپئنزٹرافی سےمتعلق کہناتھاکہ پاکستان میں چیمپئنزٹرافی کاہونابڑی بات ہے، اس کے لیے چیئرمین محسن نقوی اسٹیڈیم اپ گریڈ کر رہے ہیں، میرا ماننا صرف یہ ہے کہ فینز کو پیار سے اسٹیڈیم پہنچائیں اور سہولتیں دیں، سیکیورٹی بہت ضروری ہے لیکن فینز کو تکلیف نہیں ہونی چاہیے تاکہ وہ اسٹیڈیم آئیں اور انجوائے کریں۔