اسرائیلی دہشتگردی جاری:بمباری سے مزید 100افراد شہید

امن کےدشمن اسرائیل کی دہشتگردی میں کمی نہ آسکی،نہتےفلسطینیوں پرہزاروں پاؤنڈوزنی بم گرادئیےبمباری سےمزیدسوافرادشہیدجبکہ متعددزخمی ہوگئے۔
گزشتہ سال7اکتوبرسےمظلوم فلسطینیوں پراسرائیلی دہشتگردی کاسلسلہ جاری ہے،جس میں اب تک ہزاروں افرادشہیدہوچکےہیں،جن میں زیادہ خواتین اورمعصوم بچوں کی ہے،اسرائیلی جارحیت سےغزہ کوکھنڈرمیں تبدیل کردیاگیا،اسرائیلی بربریت کےنتیجےمیں غزہ میں خوراک اورادویات جیسےسنگین مسائل پیداہورہےہیں۔اسرائیل غزہ میں نسل کشی کررہاہے۔
عرب میڈیاکی رپورٹ کےمطابق شمالی غرہ میں پناہ گزینوں کےکیمپ پراسرائیل نےاس وقت حملہ کیاجب تقریبا250کےقریب فلسطینی نمازفجراداکرہےتھے،اسرائیل نےنہتےمسلمانوں پردوران نمازبمباری کردی، میزائلوں کے حملے میں 100 فلسطینی شہیدہوئے جن میں بڑی تعداد میں خواتین اور بچے بھی شامل ہیں۔
غیرملکی میڈیاکےمطابق صیہونی فوج نےپناہ گزینوں کےکیمپ پرتین بم گرائے، ہر بم کا وزن 2 ہزار پاؤنڈ تھا، اسرائیلی حملے کا نشانہ بننے والےسکول میں بےگھرفلسطینیوں نے پنا ہ لے رکھی تھی۔
دوسری جانب دہشتگر داسرائیل نےدعویٰ کیاہےکہ سکول حماس کا ہیڈ کوارٹر تھا جہاں دہشت گرد موجود تھے جبکہ غزہ کے حکام کا کہناہے کہ اسرائیل نے جان بوجھ کر سکول کو نشانہ بنایا، فلسطینی مزاحمتی تنظیم اسلامی جہاد نے الدرج کےسکول پراسرائیلی بمباری کومکمل طورپر جنگی جرم قراردیدیا۔
یاد رہے کہ گزشتہ برس اکتوبر سے غزہ پر اسرائیلی حملوں میں اب تک39 ہزار 700 فلسطینی شہید اور 91 ہزار 700 سے زائد زخمی ہو چکے ہیں۔