امتحانات میں نقل کی روک تھام کیلئے اہم اقدام اور فیصلہ کر لیا گیا

طلبا و طالبات کیلئے اہم خبر،امتحانات میں نقل کی روک تھام کیلئے اہم اقدام اور فیصلہ کر لیا گیا۔
پنجاب حکومت نے میٹرک اور انٹرمیڈیٹ کے امتحانات میں نقل مافیا کے خاتمے کیلئے بڑا اقدام اٹھا لیا۔
پنجاب حکومت نے فیصلہ کیا ہے کہ پہلے سے موجودہ افسران کو 2025 میں منعقد ہونیوالے امتحانات میں تعینات نہیں کیا جائے گا اور رواں سال امتحانات کے انعقاد کیلئے نئے انتظامی افسران تعینات ہوں گے۔اس حوالے سےوزیراعلیٰ ٹاسک فورس کے سیکرٹری نے محکمہ ہائر ایجوکیشن کو مراسلہ جاری کر دیا ہے، جس میں کہا گیا ہے کہ سالانہ امتحانات میں نئے سپرنٹنڈنٹ اور ڈپٹی سپرنٹنڈنٹ لگائے جائیں۔
مراسلے میں مزید کہا گیا ہے کہ صرف عملے کی دستیابی نہ ہونے کی صورت میں پہلے سے موجود افسران تعینات ہوں گے۔اس اہم اقدام کا مقصد تعلیم اور امتحانات کے معیار میں بہتری لانا ہے۔