انسان جیسی ذہانت والا اے آئی سسٹم کب تک تیار ہوجائے گا؟

انسان جیسی ذہانت والا اے آئی سسٹم کب تک تیار ہوجائے گا؟ایسی آرٹی فیشل انٹیلی جنس (اے آئی) ٹیکنالوجی جو کسی بھی ٹاسک میں انسانوں کی طرح کام کرسکے گی، بہت جلد حقیقت بن جائے گی۔ گوگل کے اہم عہدیدار نے بڑی پیشگوئی کر دی۔
گوگل کی اے آئی کمپنی ڈیپ مائنڈ کے چیف ایگزیکٹوڈیمس حسابیس( Demis Hassabis )کا کہنا ہےکہ ہمارے خیال میں آرٹی فیشل جنرل انٹیلی جنس (اے آئی آئی) جو انسانوں سے زیادہ ذہین ہوگی، آئندہ 5 سے 10 برسوں میں ابھرنا شروع ہو جائے گی۔
ان کا مزید کہنا ہے کہ’میرے خیال میں آج کے سسٹمز بہت زیادہ اچھے نہیں، مگر اب بھی وہ ایسے کافی کام کرسکتے ہیں، جو ہم کرنے سے قاصر ہوتے ہیں۔انہوں نے مزید وضاحت کرتے ہوئے کہا کہ اے جی آئی ایک ایسا سسٹم ہوگا ،جو وہ تمام پیچیدہ کام کرنے کے قابل ہو،گا جو انسان کرسکتے ہیں، تاہم ابھی تک ہم اے جی آئی کو تیار نہیں کرسکے، ابھی بھی اے آئی سسٹمز مخصوص کاموں کے حوالے سے متاثر کن کارکردگی کا مظاہرہ کرتے ہیں، مگر ایسے متعدد کام ہیں، جو وہ کرنے سے قاصر ہیں۔
ڈیمس حسابیس واحد فرد نہیں، جنہوں نے اے جی آئی کے ابھرنے کی پیشگوئی کی ہے، بلکہ کئی دیگر ٹیکنالوجی کمپنیوں کے عہدیداران بھی اس بارے میں پیشگوئیاں کرچکے ہیں۔ٹیسلا اور سپیس ایکس کے مالک ایلون مسک نے 2024 میں پیشگوئی کی تھی کہ اے جی آئی سسٹم 2026 تک دستیاب ہوسکتا ہے، جبکہ اوپن اے آئی کے چیف ایگزیکٹو سام آلٹمین کے خیال میں ایسا سسٹم مستقبل قریب میں سامنے آسکتا ہے۔
ماہرین کے مطابق اے جی آئی کے بعد آرٹی فیشل سپر انٹیلی جنس (اے ایس آئی) کی آمد کی توقع ہے، جو انسانی ذہانت کو بہت پیچھے چھوڑنے والا سسٹم ہوگا۔