انڈر19 ایشیاء کپ: پاکستان نےبھارت کودھول چٹادی

انڈر19 ایشیاء کپ کے افتتاحی میچ میں پاکستان نے بھارت کو 43 رنز سے شکست دےکرایونٹ کے پہلےمعرکہ میں سبقت حاصل کرلی۔
دبئی کے انٹرنیشنل کرکٹ اسٹیڈیم میں کھیلے گئےمیچ میں پاکستان نےٹاس جیت کرپہلےبیٹنگ کرنے کا فیصلہ کیا۔
پاکستان کی طرف سےاننگزکاآغاز عثمان خان اور شاہ زیب خان نےکیادونوں نے 160رنزکی شراکت قائم کی۔
پاکستان کی جانب سےشاہ زیب نےجارحانہ کھیل کامظاہرہ کیاجس میں انہوں 10چھکوں اور5چوکوں کی مددسے159رنزبنائے۔ عثمان خان نے 60 رنز اسکور کیے۔پاکستان نےمقررہ 50اوورزمیں7وکٹوں کےنقصان پر281رنزبنائے۔
ہدف کے تعاقب میں بھارتی ٹیم 47.1 اوورزمیں 238رنزپرڈھیر ہوگئی اور بھارت کو 43 رنز سے شکست کا سامنا کرنا پڑا۔ بھارت کی جانب سےنکھل کمار 67 اور محمد عنان نے 30 رنز بنا کر نمایاں رہے۔
پاکستان کے علی رضا نے36رنزدےکرتین وکٹیں حاصل کیں، عبدالسبحان اور فہم الحق نے دو دو کھلاڑیوں کوپویلین لوٹایا۔ نوید احمد اور عثمان خان نے ایک ایک وکٹ لی۔