حکومت چھوڑنے میں میرا ریکارڈ بہت خراب ہے،خالدمقبول صدیقی

متحدہ قومی موومنٹ (ایم کیو ایم) پاکستان کے چیئرمین خالد مقبول صدیقی نے وارننگ دیتے ہوئے کہا ہےکہ حکومت چھوڑنے میں میرا ریکارڈ بہت خراب ہے۔
کراچی میں نیشنل ٹیکسٹائل یونیورسٹی میں آئی ٹی لیب کی افتتاحی تقریب سے خطاب کرتے ہوئے خالد مقبول صدیقی کاکہناتھاکہ فیصل واوڈا نے کبھی نہیں کہا وہ ہمارے سینیٹر ہیں، جس حکومت میں بلدیاتی معاملات خود مختار نہ ہوں ایسی جمہوریت کا کوئی فائدہ نہیں۔ نہ جانے کب حکومت چھوڑ دیں، حکومت چھوڑنے میں میرا ریکارڈ بہت خراب ہے۔
اُن کامزیدکہناتھاکہ جب تک خوشحالی کراچی میں نہیں آئے گی ملک خوشحال نہیں ہوگا، دعا کریں کراچی بھی اسلام آباد جیسا ہوجائے۔کراچی شہر کی تعمیر اور اس سے محبت کرنا ہوگی۔
خالدمقبول صدیقی کاکہناتھاکہ کراچی کے بلدیاتی اختیارات ایک دھوکہ ہے، نئے پاکستان کی تعمیر کے لیے نئے انداز سے سوچیں، کراچی چل رہا ہے تو ملک پل رہا ہے، جب کراچی کو بائی پاس کیا، پاکستان کی ترقی بائی پاس ہوئی۔
اُن کامزیدکہناتھاکہ جو ادارے کراچی سے ختم کرنے کی سازش کی گئی وہ کسی صوبے نہیں بنگلہ دیش چلے گئے، کراچی کی ترقی کے لیے کام کریں گے تو ملک ترقی کرے گا۔