راکھی ساونت نےمفتی قوی کی شادی کی پیشکش مسترد کردی

بالی ووڈ کی معروف اداکارہ راکھی ساونت نےمفتی قوی کی شادی کی پیشکش مسترد کردی۔
آج کل بھارتی اداکارہ راکھی ساونت اورپاکستان کےمفتی قوی کی شادی کے چرچےعام ہیں۔دونوں شادی کی وجہ سےخبروں کی زینت بھی بنےہوئےہیں۔
اب اداکارہ نے شادی سے متعلق نیا پیغام دیا ہے جو سوشل میڈیا کی زینت بنا ہوا ہے۔
بھارتی میڈیا سے بات کرتے ہوئے راکھی ساونت کاکہناتھاکہ میں نہیں جانتی کہ مفتی قوی کی 100 بیویاں ہیں یا 900، لیکن میں اکیلی ایک لاکھ عورتوں کے برابر ہوں اور وہ مجھے سنبھال نہیں سکیں گے۔میں اس شادی کےلئےسنجیدہ نہیں ہوں۔ میں شادی کی یہ پیشکش مستردکرتی ہوں۔
اداکارہ کا مزید کہناتھاکہ وہ ابھی تک سچے پیار کی تلاش میں ہیں، جو انہیں بھارت میں ابھی تک نہیں ملا۔ بہت سے لوگ میرے پیچھے ہیں مگر وہ صرف مجھے اور میری شہرت کو استعمال کرنا چاہتے ہیں۔

صحافی نےاداکارہ سےپاکستان آنےکےبارےمیں سوال کیاتوجواب میں راکھی ساونت کاکہناتھاکہ ’اگر مودی پاکستان کا دورہ کر سکتے ہیں تو میں کیوں نہیں کر سکتی؟ جب ایک جوڑا راضی ہو جائے تو قاضی کیا کر سکتا ہے؟‘
یاد رہے کہ اس سے قبل مفتی قوی نے ایک پروگرام میں دعویٰ کیا تھا کہ راکھی ساونت کے ساتھ ان کی شادی 14 فروری کو مقرر ہے، انہوں نے شو کے میزبان کو بطور گواہ شادی کی تقریب میں شرکت کی دعوت بھی دی تھی۔