مخصوص نشستوں کامعاملہ:ن لیگ نےبڑاقدم اٹھالیا

تحریک انصاف کومخصوص نشستوں کی الاٹمنٹ کےفیصلےپرمسلم لیگ ن نےسپریم کورٹ میں نظرثانی کی درخواست دائرکردی۔
ن لیگ جانب سےدرخواست میں موقف اختیارکیاگیاکہ تحریک انصاف نے مخصوص نشستوں کے حصول کی استدعا ہی نہیں کی تھی،سنی اتحاد کونسل اور پی ٹی آئی الگ الگ سیاسی جماعتیں ہیں، آزاد امیدوار پہلے ہی سنی اتحاد کونسل میں شمولیت اختیار کر چکے ہیں، جن ارکان کو پی ٹی آئی کا قرار دیا گیا انہوں نے کاغذات میں خود کو آزاد ظاہر کیا تھا۔
درخواست میں کہاگیاکہ آزاد ارکان کو پندرہ دن میں شمولیت کا کہنا قانون کے خلاف ہے، آئین اورقانون واضح ہے، آزاد امیدواروں کی شمولیت تین دن میں ہی ہوسکتی، مخصوص نشستیں پی ٹی آئی کو دینے پر عدالت نے فریقین کے دلائل بھی نہیں سنے۔
مسلم لیگ ن نےدرخواست میں استدعاکی کہ سپریم کورٹ مخصوص نشستوں کے فیصلے پر نطرثانی کرے، نظر ثانی درخواست کو جلد مقرر کرنے کی بھی استدعا کی گئی ہے۔