مستقبل میں سمارٹ فونز کی جگہ کون لے گا؟

0
12

مستقبل میں سمارٹ فونز کی جگہ کون لے گا؟ 

ایلون مسک نے حیران کن پیشگوئی کر دی۔ موجودہ عہد میں بیشتر افراد سمارٹ فونز کے بغیر زندگی کا تصور بھی نہیں کر سکتے، مگر ٹیسلا اور سپیس ایکس جیسی کمپنیوں کے مالک ایلون مسک کے خیال میں مستقبل میں ہمیں ان کی ضرورت نہیں ہوگی۔

ایلون مسک کاماننا ہے کہ مستقبل میں دنیا میں فونز موجود ہی نہیں ہوں گے اور ان کی جگہ ہمارا برین فون کا کام کرے گا۔ ایلون مسک کاکہنا ہے کہ ان کی کمپنی کی تیار کردہ نیورالنک کی برین چپ سمارٹ فونز کا متبادل ثابت ہوگی۔ ان کی کمپنی جنوری 2024 میں نیورالنک کےحوالے سے پہلی بار انسانی دماغ میں کمپیوٹر چپ نصب کرنے میں کامیابی حاصل کر چکی۔

یہ چپ ایک 29 سالہ شخص کے دماغ میں نصب کی گئی تھی، جو چند سال قبل ایک حادثے میں مفلوج ہو گیا تھا۔دماغ میں چپ نصب ہونے کے بعد مریض خیالات کی مدد سے شطرنج جیسا مشکل کھیل کھیلنے کے قابل ہوگیا۔ کمپنی کی جانب سے اس چپ پر کافی عرصے سے کام کیا جارہا ہے اور اس کا دعویٰ ہے کہ چپ سے معذور افراد پھر حرکت اور بات کرنے کے قابل ہوجائیں گے،مگر اب ایلون مسک اسے اسمارٹ فونز کا متبادل بھی قرار دے رہے ہیں۔

نیورالنک اب دوسرے کسی شخص میں چپ نصب کرنے کی تیاری کررہی ہے۔ کمپنی کی جانب سے ایسے فرد کی تلاش جاری ہے، جو چپ نصب ہونے کے بعد اپنے خیالات کمپیوٹر اور فونز دونوں کو کنٹرول کرسکے۔ایلون مسک نے اس ڈیوائس کو ٹیلی پیتھی کا نام دیا ہے اور کچھ دن پہلے ایک ایکس پوسٹ میں انہوں نے کہا تھا کہ ٹیلی پیتھی سے آپ اپنے فون اور کمپیوٹر کو صرف خیالات سے کنٹرول کرسکیں گے۔

Leave a reply