مسلح افواج تمام خطرات سے نمٹنے کی صلاحیت رکھتی ہیں،آرمی چیف

آرمی چیف جنرل سیدعاصم منیرنےکہاہےکہ مسلح افواج تمام خطرات سے نمٹنے کی صلاحیت رکھتی ہیں۔
پاک فوج کےشعبہ تعلقات عامہ (آئی ایس پی آر)کےمطابق آرمی چیف جنرل سیدعاصم منیرنےنارووال اورسیالکوٹ میں ٹریننگ فیلڈ کا دورہ کیا،جہاں اُن کااستقبال کورکمانڈرگوجرانوالہ اور آئی جی ٹریننگ نے کیا، آرمی چیف کو مشق کے مقاصد پر بریفنگ دی گئی۔
آئی ایس پی آرکےمطابق آرمی چیف جنرل سیدعاصم منیرنےجوانوں کے ساتھ دن گزارا اور جوانوں کے تربیتی معیار، پیشہ وارانہ تیاریوں اور بلند جذبے کو سراہا، آرمی چیف نے مشقوں کا معائنہ کیا۔
پاک فوج کے شعبہ تعلقات عامہ کے مطابق آرمی چیف نے دشمن کے کسی بھی حملہ سے نمٹنے کے لیے مسلسل تیار رہنے کی اہمیت کو اجاگر کیا، مشق کا مقصد جوانوں کی پیشہ وارانہ صلاحیتوں کو بڑھانا ہے۔
جوانوں سےگفتگوکرتےہوئےآرمی چیف جنرل سید عاصم منیر کاکہناتھاکہ افواج قوم کی حمایت سے ملکی دفاع اور سلامتی کو لاحق کسی بھی خطرے سے نمٹنے کی صلاحیت رکھتی ہیں، قوم کی حمایت سے افواج ملک کیخلاف ہر سازش کو ناکام بنا دیں گی، مسلح افواج تمام خطرات سے نمٹنے کی صلاحیت رکھتی ہیں۔