ممکنہ آئینی ترامیم کامعاملہ ،وزیراعظم سمیت سیاسی شخصیات کی مصروفیات کی وجہ سےکم ازکم دوہفتےکےلئے التواکاشکارہوگیا۔
ذرائع کاکہناہےکہ وزیراعظم شہبازشریف 21ستمبرکوسرکاری دورےپربیرون ملک روانہ ہورہےہیں ،اور30ستمبرکوواپس آئیں گے۔
ذرائع کےمطابق سربراہ جمعیت علمااسلام(ف)مولانافضل الرحمن جنوبی پنجاب کےدورےپرروانہ ہوگئےہیں،جہاں پرمولانا سیرت کانفرنس اور جمعیت کی مرکزی مجلس شوریٰ کے اجلاس میں شرکت کریں گے،اس کےعلاوہ رہنماپیپلزپارٹی خورشیدشاہ بھی 23 ستمبر کو علاج کے لئے لندن روانہ ہو رہے ہیں۔
ذرائع کاکہناہےکہ آئینی ترامیم کا مسودہ اب میثاق جمہوریت کے مطابق بنانے کی تجویز ہے جس پربانی پی ٹی آئی عمران خان بھی ماضی میں اتفاق کر چکے ہیں۔
ذرائع کا کہنا ہے کہ وفاقی آئینی عدالت کے قیام پر اتفاق رائے ہو رہا ہے، اسی طرح انیسویں آئینی ترمیم کو ختم کر کے جوڈیشل کمیشن کی تشکیل نو کی تجویز کوبھی آگے بڑھایا جا رہا ہے، پہلے مرحلے میں کم سے کم متفقہ نکات پر مشتمل آئینی ترمیم کی منظوری کا امکان ہے تاہم پہلے مرحلے کی آئینی ترمیم پر بھی اب اکتوبر کے پہلے ہفتے میں مزید پیش رفت متوقع ہے۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔