نجی سکولوں کے طلبا سے ایڈوانس اضافی فیس نہ لینے کی ہدایت

طلبا و طالبات کیساتھ والدین کیلئے بڑی خوشخبری،نجی سکولوں کے طلبا سے ایڈوانس اضافی فیس نہ لینے کی ہدایت،محکمہ تعلیم سندھ نے نجی سکولوں کے طلبا و طالبات سے ایڈوانس اضافی فیس نہ لینے کی ہدایت کردی۔
ڈائریکٹوریٹ آف انسپیکشن اینڈ پرائیویٹ انسٹیٹیوشن نے تمام نجی سکولوں کو سرکولر جاری کردیا، تعلیمی سال 26- 2025 یکم اپریل 2025 سے شروع ہوگا۔
سرکولر کے مطابق والدین اور طلبا کے سہولت اور انہیں مالی مشکلات سے بچانے کیلئے میٹرک کے طلباسے ٹیوشن فیس اپریل تک کی وصول کرنے کی ہدایت کی گئی۔
سرکولر میں کہا گیا ہے کہ پرائمری سے کلاس نویں تک اور وہ طلبا جو نویں سے دسویں کلاس میں پروموٹ ہوئے ہیں، ان سے جون جولائی کی فیس اپریل اور مئی کے مہینوں میں وصول کی جاسکتی ہے۔
سرکولر میں واضح کیا گیا ہے کہ طلبا کو ہر ماہ کے الگ الگ فیس واؤچرزجاری کیے جائیں، جون کے فیس وائوچرز 30 جون ،جبکہ جولائی کے 31 جولائی تک قابل ادا ہوں گے۔