نرگس فخری کی بہن دوہرےقتل کےالزام میں گرفتار

بالی ووڈ کی اداکارہ نرگس فخری کی بہن عالیہ فخری کودو ہرےقتل کےالزام میں گرفتارکرلیاگیا۔
بھارتی میڈیاکی رپورٹ کےمطابق 2دسمبرکوامریکی ریاست نیویارک میں ایک خوفناک واقعہ پیش آیاجس میں ایک اپارٹمنٹ کوآگ لگادی گئی جس میں اپارٹمنٹ میں موجوددونوں افرادزندگی کی بازی ہارگئے۔
میڈیارپورٹ کےمطابق 43سالہ عالیہ فخری ایک 2منزلہ عمارت کےباہرچیخ رہی تھی کہ ’آج تم سب کا آخری دن ہے، تم سب مرو گے‘جس پرپڑوسی شور شرابا سن کر گھروں سے باہر نکلے تو انہوں نے دیکھا کہ گھر بری طرح آگ کی لپیٹ میں تھا۔
رپورٹس کے مطابق عالیہ کا سابق بوائے فرینڈ 35 سالہ جیکب اور اس کی 33 سالہ خاتون دوست ایٹین اوپر والی منزل میں سورہے تھے، آگ بجھانے کے بعد دونوں کی لاشوں کو باہر نکال لیا گیا، دونوں کی موت گھر میں دھواں بھر جانے اور جھلسنے سے ہوئی۔
اداکارہ کی بہن عالیہ فخری کو پولیس نے گرفتار کرلیا اور ان کے خلاف مزید قانونی کارروائی کی جائے گی۔
دوسری جانب نرگس فخری کا تاحال اس واقعہ پر کسی قسم کا ردعمل نہیں آیا۔
بھارتی میڈیا کے مطابق نرگس اور عالیہ کی والدہ نے یہ ماننے سے انکار کردیا ہے کہ ان کی بیٹی اس نوعیت کا جرم کرسکتی ہے۔
واضح رہےکہ نرگس فخری نےبالی وڈ فلم راک اسٹار میں رنبیر کپور کے ساتھ مرکزی کردار نبایاتھا۔