واٹس ایپ کا نیا سیفٹی فیچر صارفین کو سائبر کرائم اور فراڈ سے کیسے بچائے گا؟

واٹس ایپ کا نیا سیفٹی فیچر صارفین کو سائبر کرائم اور فراڈ سے کیسے بچائے گا؟میٹا کی زیر ملکیت میسجنگ ایپ واٹس ایپ ایک نیا زبردست فیچر متعارف کرانے جارہی ہے، جس کے مدد سے صارفین خود کو سائبر کرائم اور فراڈ سے محفوظ رکھ سکیں گے۔
اس نئے فیچر کو عام صارفین کیلئے کب متعارف کرایا جائے گا؟ اس بارے میں کمپنی نے حتمی تاریخ کا اعلان نہیں کیا۔
واٹس ایپ کا کہنا ہے کہ یہ فیچر ابھی تیاری کے مراحل میں ہے، اگرصارفین اس فیچر کو ٹیسٹ کرنا چاہیں تو واٹس ایپ کا نیا بیٹا ورژن گوگل پلے سٹور پر دستیاب ہے،تاہم بیٹا ورژن کے فیچرز حتمی طور پر ریلیز کیے جانیوالے ورژن سے مختلف ہوسکتے ہیں۔سائبر فراڈ کرنیوالوں کی جانب سے نقصان دہ لنکس پر مشتمل پیغام بھیجے جاتے ہیں، جن پر کلک کرنے سے صارفین کے اکاؤنٹس ہیک ہوسکتے ہیں،لہٰذا واٹس ایپ کی جانب سے ایک ایسا سکیورٹی فیچر متعارف کرایا جا رہا ہے، جو اس خطرے سے صارفین کو تحفظ فراہم کرے گا۔
کمپنی کے مطابق جب بھی کسی نامعلوم فرد کی جانب سے صارف کو پیغام موصول ہو گا، تو اس کی ڈیوائس پر ایک سیفٹی سکرین نمودار ہوگی، جس کے ذریعے اس کے پاس اکاؤنٹ کو بلاک یا رپورٹ کرنے کا اختیار ہو گا۔
سیفٹی سکرین کے اس فیچر کے ذریعے صارفین لنکس کو سرچ کرسکیں گے۔ اس کے علاوہ اس فیچر کی مدد سے صارفین پیغام بھیجنے والے کا نام، ملک کا کوڈ اور دیگر تفصیلات بھی حاصل کرسکیں گے۔