پیٹرولیم مصنوعات کی قیمتوں میں ردوبدل

مہنگائی سےپریشان شہریوں کے لئے اہم خبر،یکم جولائی سےپیٹرولیم مصنوعات کی قیمتوں میں اضافے کا امکان ہے۔
پاکستان میں ہرپندرہ روزبعدپیٹرولیم مصنوعات کی قیمتوں میں ردوبدل کیا جاتا ہے جس میں کبھی عوام کو ریلیف دیاجاتاہےاورکبھی پیٹرولیم مصنوعات کی قیمتوں میں اضافہ کرکےعوام کی مشکلات میں اضافہ کیا جاتاہے۔
اس باربھی آئندہ پندرہ روزکےلئےپیٹرولیم مصنوعات کی قیمتوں میں 15 روپے فی لیٹر تک اضافے کا امکان ہے۔
ذرائع پیٹرولیم ڈویژن کے مطابق ڈیزل کی قیمت میں 15 روپے فی لیٹر جبکہ پیٹرول کی قیمت میں 11 روپے فی لیٹر تک اضافہ متوقع ہے۔
اوگرا آج سمری وزارت پٹرولیم کو بھجوائے گا جس کے بعد پیٹرولیم مصنوعات کی نئی قیمتوں کا اعلان آج رات کیا جائے گا۔
وزیر خزانہ وزیراعظم کی مشاورت سے نئی قیمتوں کا حتمی اعلان کریں گے۔
واضح رہےکہ عالمی منڈی میں خام تیل کی قیمتوں بڑےپیمانےپرکمی ہوئےہے۔
یاد رہے کہ ماہ اپریل کے پہلےپندرہ روزکےلئےحکومت نےپٹرول کی قیمت میں ایک روپیہ فی لیٹرکمی کااعلان کیاتھاجس کےبعد پٹرول کی نئی قیمت 254روپے 63پیسےمقرر کی گئی تھی، جبکہ ڈیزل کی قیمت 258 روپے 64پیسےفی لیٹرپر برقراررکھی گئی تھی۔پھرحکومت نےاپریل کےآخری پندرہ روزکےلئے پیٹرولیم مصنوعات کی قیمتوں میں ردوبدل نہ کرنےکافیصلہ کیاتھا۔مئی کےآخری16روز کےلئے حکومت نے پیٹرول کی قیمتیں برقرار رکھیں جبکہ ڈیزل 2روپےاور مٹی کا تیل 5 روپے 4 پیسے فی لیٹر سستا کیا گیا تھا۔پھرجون کےآخری پندرہ دنوں کےلئےپیٹرول کی فی لیٹرقیمت میں 4 روپے 80 پیسے کااضافہ کیاگیاجس کےبعدپیٹرول کی فی لیٹر قیمت 258 روپے 45 پیسے ہوگئی ،جبکہ ہائی اسپیڈ ڈیزل کی قیمت 7 روپے 95 پیسے فی لیٹربڑھادی گئی،جس سےہائی اسپیڈ ڈیزل فی لیٹر 262 روپے 59 پیسے میں فروخت ہوگا۔