کرکٹ کی بہتری کامشن،محسن نقوی کی سابق کھلاڑیوں سےملاقات

0
14

کرکٹ کی بہترکےمشن کےلئےچیئرمین پی سی بی محسن نقوی نے سابق کرکٹرز سے لاہور میں طویل ملاقات کی۔سابق کرکٹرز نے ڈومیسٹک کرکٹ کے ڈھانچے کو مضبوط بنانے۔چار روز اور انڈر 19 کرکٹ پر خصوصی توجہ دینے جبکہ سمر سیزن میں بھی کرکٹ کرانے کی تجاویز دے دیں ۔
ورلڈکپ ٹی ٹوئنٹی میں پاکستانی ٹیم امریکااورورلڈچیمپئن بھارت کےہاتھوں عبرتناک شکست کےبعدمیگاایونٹ کےگروپ میچزسےہی باہرہوگئی۔جس سےشائقین کرکٹ مایوس ہوئے۔
ٹی ٹوئنٹی ورلڈ کپ میں قومی ٹیم کی ناقص پرفارمنس پر چیئرمین مین پی سی بی محسن نقوی نےسابق کرکٹرز سے طویل مشاورت کی۔سابق کرکٹرز نے ڈومیسٹک کرکٹ کو مضبوط بنیادوں پر کھڑا کرنے۔4 روزہ میچز اور انڈر 19 کے ٹورنامنٹس کرانےاور ونٹر سیزن کے ساتھ سمر سیزن میں بھی کرکٹ ٹورنامنٹس کرانے کی تجاویز دیں۔ اسلام آباد، پشاوراور دیگر شہروں میں کرکٹ اکیڈمیز بنانے کی سفارشات پیش کی گئیں۔
سابق کرکٹرز نے پاکستانی کوچز کے معیار اور سلیکشن کمیٹی کے اراکین اور پچز کے معیار پر بھی تحفظات کا اظہار کیا۔سابق کرکٹرز نے چیئرمین پی سی بی محسن نقوی سےکرکٹ کی بہتری کیلئے اقدامات کرنے پر بھرپور تعاون کی یقین دہانی کرائی۔چیئرمین پی سی بی نے ان کی تجاویز اور سفارشات پر عملدرآمد کرکے کرکٹ کی بہتری کے لئے اقدامات اٹھانے سے اتفاق کیا اور کہا کہ کرکٹ کی بہتری کےلئے مشاورتی عمل جاری رکھیں گے۔

Leave a reply