یوٹیوب نے لائیو سٹریمنگ براہ راست کمانے کا نیا طریقہ متعارف کرا دیا

یوٹیوب کے صارفین کیلئے بڑی خوشخبری، دنیا بھر میں معروف ویڈیو شیئرنگ ایپ نے لائیو سٹریمنگ براہ راست کمانے کا نیا طریقہ متعارف کرا دیا۔
اس نئے فیچر کے تحت یوٹیوب پر لائیو ویڈیوز چلانے والے مواد تخلیق کار اب اپنی سٹریمنگ سے براہ راست پیسہ کما سکیں گے، جس سے انہیں ناصرف زیادہ آمدنی حاصل کرنے کا موقع ملے گا، بلکہ ان کے مداحوں کے ساتھ روابط میں بھی بہتری آئے گی۔
یوٹیوب کی جانب سے اعلان کیا گیا ہے کہ یہ نئی کمائی کی سہولت لائیو سٹریمنگ کے دوران مختلف ’’منافع بخش‘‘ فیچرز کے ذریعے فراہم کی جائے گی، جیسے کہ سپر چیٹس اور سپر سٹیکرز، ان فیچرز کا مقصد سٹریمرز کو اپنے ویوئرز سے براہ راست مالی مدد حاصل کرنے کی سہولت دینا ہے۔ اور لائیو ویڈیوز کے دوران ویوئرز کو پیغام بھیجنے اور خاص پیغامات یا ایموجیز کے ذریعے سٹریمر کی حمایت کرنے کی اجازت دینا ہے۔
ان کے ذریعے سٹریمرز لائیو سیشنز کے دوران زیادہ روابط قائم کر سکتے ہیں اور اپنی کمائی میں اضافہ کر سکتے ہیں۔یوٹیوب نے اس بات کا بھی اعلان کیا ہے کہ یہ فیچرز سٹریمرز کو اپنی تخلیقات کے بدلے زیادہ تیزی سے آمدنی حاصل کرنے کا موقع دیں گے، خاص طور پر ان صارفین کیلئے جو لائیو سٹریمز اور انٹرایکٹو سیشنز کرتے ہیں۔