9مئی مقدمات:عدالت نےاہم ہدایت کردی

9مئی مقدمات کےکیس میں عدالت نےبانی پی ٹی آئی عمران خان کےوکیل کواہم ہدایت کردی۔
لاہورکی انسداددہشتگردی عدالت میں 9مقدمات سےمتعلق کیس کی سماعت ہوئی جس میں عمران خان کے وکیل سلمان صفدرپیش ہوئے۔
عدالت نے بیرسٹر سلمان صفدر کو بانی پی ٹی سے ہدایات لیکر پیش ہونے کی ہدایت کر دی۔
پولیس نے پراسیکیوشن کے ذریعےبانی پی ٹی آئی کےفوٹوگرافی اورپولی گرافک ٹیسٹ کرانے کےلئے عدالت سےرجوع کیا۔ پراسیکیوشن نے انسداد دہشتگردی عدالت میں درخواست دائر کی۔
پراسیکیوشن نے درخواست میں موقف اختیارکیاکہ بانی پی ٹی آئی سے نو مئی کے مقدمات میں پولی گرافک سمیت دیگر ٹیسٹ کرانے ہیں۔
وکیل بیرسٹر سلمان صفدر نے ابتدائی دلائل میں درخواست کی مخالفت کرتے ہوئے کہا کہ دو سال بعد ایسی درخواست دائر کرنا بدنیتی پر مبنی ہے۔
بعدازاں عدالت نےمزید کارروائی 14 مئی تک ملتوی کر دی۔