شہر کے مختلف علاقوں جلو موڑ، جی ٹی روڈ، گڑھی شاہو، شملہ پہاڑی، لکشمی چوک، مغلپورہ، کنٹونمنٹ سمیت شاد باغ، عامر روڈ کے علاقوں کے پٹرول پمپس کھلے ہیں، جبکہ رات گئے اسلام آباد اور راولپنڈی کیلئے ہڑتال کی منسوخی کے بعد سے پٹرول پمپ مالکان تذبذب کا شکار ہیں۔

صرف راولپنڈی اور اسلام آباد کیلئے ہڑتال کی منسوخی نے دیگر شہریوں کے پٹرول پمپس بھی کھلوا دیئے۔

واضح رہے کہ پاکستان پٹرول ڈیلرز ایسوسی ایشن کے نائب صدر قاضی خالد کے انتقال کے باعث جڑواں شہروں میں رات گئے ہڑتال کی کال منسوخ کی گئی ہے۔

پاکستان ہوم گراؤنڈ پر بنگلہ دیش ۔ انگلینڈ اور ویسٹ انڈیز کے خلاف سات ٹیسٹ میچز کھیلے گا۔

یہ ٹیسٹ میچز کراچی راولپنڈی اور ملتان میں کھیلے جائیں گے۔  پاکستان 21 سال میں پہلی بار سہ فریقی ون ڈے سیریز بھی کھیلے گا۔ شریک ٹیمیں جنوبی افریقہ اور نیوزی لینڈ ہونگی۔ سہ فریقی ون ڈے سیریز کے تمام میچ ملتان میں کھیلے جائیں گے۔

پاکستان 19 فروری سے 9 مارچ تک آئی سی سی چیمپئنز ٹرافی کی میزبانی بھی کرے گا۔ پاکستان کرکٹ ٹیم اس سال کے اواخر میں آسٹریلیا۔ زمبابوے اور جنوبی افریقہ کا دورہ کرے گی۔

محسن نقوی 2024-25 کے ہوم انٹرنیشنل سیزن میں بارہ ٹیموں کی میزبانی پاکستانی قوم کی کرکٹ سے محبت اور پی سی بی کی پیشہ ورانہ صلاحیت کی عکاسی کرتی ہے۔

غیرملکی شائقین آئیں ، کرکٹ سے لطف اندوز ہوں اورخوبصورت پاکستان کی سیر سے بھی لطف اندوز ہوں۔ آئی سی سی چیمپئنز ٹرافی کی میزبانی بین الاقوامی کرکٹ میں پاکستان کی اہمیت کو اجاگر کرتی ہے۔

کرکٹ برادری میں پاکستان اہم ملک ہے اور وہ تمام رکن ممالک اور آئی سی سی کے ساتھ کھیل کے فروغ کے لیے پرعزم ہے۔

پاکستان میں آکر کھیلنے پر خوش ہیں ، بنگلہ دیش انگلینڈ اور ویسٹ انڈیز کرکٹ حکام کا اظہارخیال۔ پاکستان ٹیم کے خلاف اسی کے میدان میں کھیلنا چیلنج سے کم نہیں ہوگا۔ بنگلہ دیشی کپتان نجم الحسین شانتو۔

چیف جسٹس قاضی فائز عیسیٰ کی سربراہی میں سپریم کورٹ کے 3 رکنی بینچ نے سابق ڈپٹی اسپیکر قومی اسمبلی قاسم سوری کی ڈی سیٹ کرنے کے الیکشن ٹربیونل کے فیصلے کے خلاف اپیل پر سماعت کی۔

چیف جسٹس قاضی فائز عیسیٰ نے ریمارکس دیتے ہوئے کہا کہ ریکارڈ کے مطابق قاسم سوری کے بھائی بلال نے نوٹس وصول کرنے سے انکار کیا، قاسم سوری جان بوجھ کر سپریم کورٹ میں پیش نہیں ہوئے، سابق ڈپٹی اسپیکر کی جانب سے نوٹس وصولی سے اجتناب بدقسمتی ہے۔

قاسم سوری سپریم کورٹ کی طلبی پر ایک مرتبہ پھر پیش نہ ہوئے، جس پر عدالت نے قاسم سوری کی طلبی کے اشتہار جاری کرنے کا حکم دے دیا اور طلبی کا نوٹس قاسم سوری کے گھر کے باہر بھی چسپاں کرنے کا کہا۔

چیف جسٹس قاضی فائز عیسیٰ نے قاسم سوری کے وکیل نعیم بخاری سے مکالمہ کرتے ہوئے کہا کہ آپ کے موکل میڈیا اور سوشل میڈیا پر بہت متحرک ہیں، جس پر نعیم بخاری نے جواب دیا کہ پتہ نہیں جناب میں تو ٹی وی نہیں دیکھتا۔

چیف جسٹس نے ریمارکس دیے کہ آپ خود ٹی وی کی شخصیت ہیں اور ٹیلی وژن نہیں دیکھتے، کیا آپ ایکس یا ٹویٹر سے واقف ہیں؟ جس پر نعیم بخاری نے کہا کہ سوشل میڈیا استعمال کرتا ہوں نہ ہی مجھے استعمال کرنا آتا ہے۔

چیف جسٹس پاکستان نے مزید کہا کہ آپ خود کو بوڑھا کیوں سمجھ رہے ہیں جوان اور اپ ٹو ڈیٹ رہیں، جس پر نعیم بخاری نے جواب دیا کہ بوڑھا تو اب ہوچکا ہوں۔

جسٹس عرفان سعادت نے ریمارکس دیے اور کہا کہ ایک ٹی وی پروگرام میں آپ نے کہا تھا میرے دوست مجھے بوڑھا نہیں ہونے دیتے۔ وکیل نعیم بخاری نے کہا کہ میرا قاسم سوری سے کوئی رابطہ نہیں ہے۔

جسٹس قاضی فائز عیسیٰ نے ریمارکس میں کہا کہ آئندہ سماعت جولائی میں رکھیں گے، عدالتی حکم میں آئندہ تاریخ مقرر کر دی گی۔ بعدازاں عدالت عظمیٰ نے سماعت آئندہ ماہ تک ملتوی کر دی۔

آج صبح لاہور کے مختلف علاقوں شملہ پہاڑی، مال روڈ، ماڈل ٹاون، کوٹ لکھپت، لکشمی چوک، ڈیوس روڈ، کینال روڈ، اچھرہ ، قرطبہ چوک ، چوبرجی و اطراف سمیت دیگر علاقوں میں بادل برسے جس سے درجہ حرارت میں نمایاں کمی ہوئی ہے۔

محکمہ موسمیات کے مطابق لاہور میں آئندہ تین روز تک وقفے وقفے سے بارشوں کی پیشگوئی کی ہے۔

دوسری جانب کشمیر میں تیز ہواؤں اورگرج چمک کے ساتھ بارش جبکہ بعض مقامات پر موسلادھار بارش بھی متوقع ہے۔ جبکہ گلگت بلتستان میں مطلع جزوی ابر آلود رہے گا، ملک کے بیشتر علاقوں میں موسم گرم اور شدید مرطوب رہا تاہم شمال مشرقی پنجاب،اسلام آباد، بالائی خیبر پختونخوا ، کشمیر اور زیریں سندھ میں چند مقامات پرآندھی اور گرج چمک کے ساتھ بارش ہوئی۔

ترجمان سابق وزیراعظم عمران خان کو فی الفور غیر قانونی قید سے رہا کیا جائے اور اقوامِ متحدہ کے ورکنگ گروپ کے مطالبات کی روشنی میں انہیں ہرجانہ ادا کیا جائے۔

ترجمان تحریک انصاف نے اقوام متحدہ ورکنگ گروپ کی رپورٹ نے عمران خان کی غیرقانونی حراست کے محرکات کو مکمل طور پر سیاسی قرار دیا جن کا مقصد عمران خان اور تحریک انصاف کو انتخابات کی دوڑ سے باہر رکھنا تھا۔ بانی چئیرمین عمران خان کو سائفر اور توشہ خانہ کیس میں بغیر کسی قانونی جواز کے گرفتار کیا گیا جس کی تائید عالمی دنیاسے اٹھنے والی ہر دوسری آواز کر رہی ہے۔

ترجمان کے مطابق ملک پر مسلط مینڈیٹ چور محض عمران خان کو قید میں رکھنے کیلئے پاکستان کے دنیا سے تعلقات خراب کرنے کی کوششیں کر رہے ہیں، اقوام متحدہ ورکنگ گروپ کی جانب سے عمران خان کے حوالے سے پیش کردہ سفارشات کو سنجیدگی سے نہ لے کر مینڈیٹ چور ملک کیلئے عالمی سطح پر مشکلات میں اضافے کا سبب بن رہے ہیں، بانی چئیرمین عمران خان کے خلاف قائم کردہ تمام 203 مقدمات جھوٹے، من گھڑت اور بے بنیاد ہیں۔

ترجمان ان تمام جھوٹے اور بے بنیاد مقدمات میں سے درجنوں کیسز میں عمران خان عدالتوں سے باعزت بری ہو چکے ہیں، سیاسی بنیادوں پر بنائے گئے جھوٹے توشہ خانہ اور سائفر کیسز میں سنائی گئی غیرآئینی سزائیں عدالتوں کی جانب سے معطل کی جا چکی ہیں۔ اس سے قبل امریکی کانگریس کے 97 فیصد سے زائد اراکین پاکستان میں جاری انسانی حقوق کی سنگین خلاف ورزیوں، سیاسی انتقام، لاقانونیت اور انتخابات میں بدترین دھاندلی کے خلاف نہایت اہم اور غیر معمولی قرارداد منظور کر چکے ہیں۔

ترجمان کا یہ بھی کہنا ہے کہ پاکستان پر قابض غیر آئینی اور غیرمنتخب سرکار عمران خان کی غیرقانونی قید کے خلاف اٹھنے والی آوازوں کو سنجیدگی سے نہ لے کر عالمی سطح پر ملکی ساکھ اور تشخص کو نقصان پہنچانے کے درپے ہے، ترجمان تحریک انصاف ملک کو عالمی سطح پر پہنچنے والے مزید کسی بھی نقصان کے ذمہ دار اپنے ذاتی مفادات کی خاطر سابق وزیر اعظم کو ناحق قید میں رکھنے پر بضد مینڈیٹ چور حکمران ہوں گے۔

چیئرمین فیڈرل بورڈ آف ریونیو ملک امجد ٹوانہ کا کہنا ہے کہ اس 18 فیصد جی ایس ٹی کی مد میں حکومت کو 75 ارب روپے ملیں گے۔ یہ رقم بجٹ میں ارکان اسمبلی کی اسکیموں کیلیے مختص رقم کے برابر ہے۔

ٹیکس لگنے کے بعد دودھ کی قیمتوں میں اضافے سے متعلق شہریوں کا کہنا ہےکہ حکومت نے تو ڈبے والے دودھ پر18فیصد جی ایس ٹی ٹیکس لگایا ہے، تاہم دکانداروں نے قیمتیں 30 فیصد سے بھی زائد بڑھا دی ہیں جنہیں کوئی پوچھنے والا نہیں۔

دوسری جانب دکانداروں کا کہنا ہےکہ کسی بھی کمپنی کے ایک پاؤ والے دودھ کے ڈبے کی قیمت 70 روپے سے بڑھ کر 95 روپے ہوگئی ہے، ایک کلو والے ڈبے کی قیمت 380 روپے جب کہ ڈیڑھ کلو والا ڈبے کی قیمت 510 روپےہوگئی ہے۔

دکانداروں کا کہنا تھا کہ اسی طرح بچوں کا پینے والا خشک دودھ بھی 2100 سے بڑھ کر 2600 روپےکا ہوگیا ہے۔

ڈالر مزید مہنگا ہونے کے بعد انٹربینک میں ڈالر 278.40 روپے سے بڑھ کر 278.50 روپے کا ہو گیا۔ خیال رہے کہ پاکستان سٹاک ایکسچینج میں کاروبار کےآغاز پرصبح زبردست تیزی دیکھی گئی ،اوپن مارکیٹ کی بات کریں تو ڈالر 2 پیسے کمی سے 280.23 روپے کا ہوگیا ۔

دوسری جانب سٹاک مارکیٹ نئی بلند ترین سطح پر پہنچ گئی تھی، 100 انڈیکس 49 پوائنٹس اضافے سے 80 ہزار 282 کی نئی بلند ترین سطح پر پہنچ گیا۔ آج کاروبار کے دوران 19 ارب روپے مالیت کے 49 کروڑ شئیرز کا کاروبار ہوا۔

واضح رہے کہ گزشتہ روز کاروبار کے آغاز میں انٹر بینک میں امریکی ڈالر 2 پیسے مہنگا ہوا تھا، انٹر بینک میں ڈالر 2 پیسے مہنگا ہو کر 278 روپے 40 پیسے کا ہو گیا تھا۔

ہولوگرام ٹیکنالوجی سے مزین نئے نوٹوں کے اجراء کی افتتاحی تقریب ٹوکیو کے علاقے نیہون باشی میں واقع بینک آف جاپان(بی او جے) کے ہیڈ آفس میں منعقد کی گئی۔

اس موقع پر بی او جے کے گورنر ’’اُو اے دا کازُو او‘‘ نے کہا کہ مارکیٹ سے پرانے کرنسی نوٹ کی واپسی کے لیے بینک 16 کھرب ین یا تقریباً 9 ارب 90 کروڑ ڈالر مالیت کے نئے کرنسی نوٹ جلد از جلد گردش میں لانے کا ارادہ رکھتا ہے۔

پانچ ہزار کے نئے نوٹ پر ’’تُسودا اُمیکو‘‘ کی تصویر ہے جو حصول تعلیم کے لیے بیرون ملک جانے والی پہلی جاپانی خواتین میں شامل تھیں۔

جعلسازی کرنے کو مزید مشکل بنانے کے لیے نئے کرنسی نوٹوں میں جدید ترین ہولوگرام ٹیکنالوجی کا استعمال کیا گیا، ہولوگرام ٹیکنالوجی سے مزین 10 ہزار ین کے نئے نوٹ پر کاروباری شخصیت بابائے جدید جاپانی معیشت’’شیبو ساوا ایچی‘‘ کی تصویر نقش ہے۔

عالمی خبر رساں ادارے کے مطابق 81 سالہ امریکی صدر جوبائیڈن پر بڑھتی عمر اور کمزور ہوتی یاداشت پر پہلے ہی تنقید کی جارہی تھی لیکن سابق صدر ٹرمپ کے ساتھ براہ راست مباحثے میں متاثر کن مقابلہ نہ کرپانے کے باعث ان کی مشکلات میں اضافہ ہوگیا۔

ڈیموکریٹس کے متعدد رہنما اور ووٹرز بھی صدر جوبائیڈن کی ٹرمپ کے سامنے مباحثے میں مایوس کن کارکردگی پر حیران اور پریشان رہ گئے۔ جس کے باعث صدر جوبائیڈن پر ڈیموکریٹ کے ٹکٹ سے دستبردار ہوکر کسی اور رہنما کو موقع دینے کے لیے دباؤ بڑھ گیا۔

صدارتی دوڑ سے پیچھے ہٹنے کی افواہیں اتنی زور پکڑ گئی ہیں کہ وائٹ ہاؤس کی معمول کی پریس بریفنگ میں خاتون ترجمان کو سب سے زیادہ اسی سوالات کا سامنا کرنا پڑا،،وائٹ ہاؤس کی ترجمان کیرین جین پیئر نے یہ بات زور دے کر کہی کہ ابسولیوٹلی ناٹ! صدر جوبائیڈن صدارتی دوڑ سے دستبردار ہو رہے ہیں۔ وہ ایک خواب تھا اور بائیڈن واپس آنا جانتے ہیں اور وہ ضرور اس ریس میں کامیابی کے ساتھ ابھریں گے۔

ایڈوائزری میں عوام سے گزارش کی گئی ہے کہ سیلاب کی صورتحال، موسم کی رپورٹس اور اپ ڈیٹس پر کڑی نظر رکھیں اور مقامی حکام کی جانب سے احکامات جاری ہونے پر فوری انخلاء کریں۔ یہ بھی ہدایت کی گئی ہے کہ سیلابی پانی سے خود کو بچائیں، سیلابی پانی جراثیم کی موجودگی کے باعث بیماریوں کی وجہ بن سکتا ہے۔ مسافر شدید بارشوں اور ممکنہ سیلابی صورتحال میں غیر ضروری سفر سے گریز کریں۔