بین الاقوامی – Pakistan Today

آبنائے ہرمز کھلنے کے بعد ایران جنگ جلد ختم ہو جائے گی،ٹرمپ کا دعویٰ

Omer Zaheer — Fri, 07 Aug 2026 11:52:02 +0000

امریکی صدرڈونلڈٹرمپ نےدعویٰ کرتےہوئے کہاہےکہ آبنائے ہرمز کھلنے کے بعد ایران جنگ جلد ختم ہو جائے گی۔
امریکی صدر ڈونلڈ ٹرمپ نے کہا ہے کہ ایران کے ساتھ جاری جنگ بہت جلد اپنے اختتام کو پہنچ سکتی ہے، جبکہ امریکا، ایران اور عمان کے درمیان آبنائے ہرمز کو دوبارہ بحری آمدورفت کے لیے کھولنے سے متعلق عبوری معاہدے کے امکانات بھی روشن ہو گئے ہیں۔
دوسری جانب جنگ بندی کی کوششوں کے باوجود خطے میں کشیدگی برقرار ہے۔

بدعات کا خاتمہ کریں، ہمارا ملک بدعات سے بھر چکا ہے،بنگله دیشی آرمی چیف جنرل وقار الزمان

Omer Zaheer — Thu, 06 Aug 2026 13:25:43 +0000

بنگلہ دیش کے آرمی چیف جنرل وقار الزماں، جنہوں نے حال ہی میں سنتِ نبوی ﷺ کے مطابق داڑھی رکھنا شروع کی ہے، نے ایک تقریب سے خطاب کرتے ہوئے معاشرتی اور مذہبی اصلاحات کی ضرورت پر زور دیا۔
ان کا کہنا تھا کہ ملک میں بدعات کے بڑھتے ہوئے رجحان کے خاتمے کے لیے دعا، نماز اور اسلامی تعلیمات پر عمل ناگزیر ہے۔
انہوں نے کہا کہ وہ ایسا اسلامی معاشرہ تشکیل دینا چاہتے ہیں جو درست عقائد، مضبوط اخلاقی اقدار اور حقیقی اسلامی اصولوں پر استوار ہو۔
جنرل وقار الزماں نے مزید کہا کہ جدید علوم اور اسلامی تعلیمات کے امتزاج پر مبنی ایک جامع تعلیمی نظام متعارف کرایا جائے گا، تاکہ نئی نسل کو دینی و عصری تعلیم سے یکساں طور پر آراستہ کیا جا سکے اور قوم اس سے بھرپور استفادہ کر سکے۔

ایرانی صدر مسعود پزشکیان نے استعفیٰ کی افواہوں کو مسترد کر دیا

Omer Zaheer — Wed, 05 Aug 2026 11:48:00 +0000

صدر پزشکیان نے سپریم لیڈر آیت اللہ سید مجتبیٰ خامنہ ای سے اختلافات کی خبروں کی بھی تردید کی ہے۔
اپنی انتظامیہ کو 2 سال مکمل ہونے پر ٹی وی انٹرویو میں صدر مسعود پزشکیان نے کہا کہ وہ عہدے پر برقرار رہیں گے اور بحثیت صدر کام جاری رکھیں گے۔
صدرپزشکیان نے کہا کہ ان کی حکومت اور مسلح افواج میں مکمل رابطہ ہے۔اپنے استعفے کی خبروں سے متعلق سوال پر صدر پزشکیان نے کہا کہ اگر انہوں نے کبھی استعفے کا فیصلہ کیا تو وہ اس کا خود اعلان کردیں گے تاہم ان کا مستعفی ہونے کا ارادہ نہیں اور وہ اس بات پر قائم رہیں گے۔

یکم ربیع الاول سے عمرہ زائرین کیلئے سعودی عرب کا بڑا اعلان

Omer Zaheer — Tue, 04 Aug 2026 12:28:13 +0000

سعودی عرب نے پاکستان سمیت چار ممالک کے عمرہ زائرین کے لیے یومیہ تقریباً 20 سعودی ریال مالیت کا لازمی “نسک فوڈ واؤچر” متعارف کرا دیا۔
نئی پالیسی کے تحت ہوٹل، ٹرانسپورٹ اور کھانے کی سہولیات کو نسک ایپ سے منسلک کر دیا گیا ہے، جبکہ ہر زائر کو ویزا سے منسلک ایک منفرد کوڈ جاری کیا جائے گا، جس کے ذریعے منظور شدہ ریسٹورنٹس سے کھانا حاصل کیا جا سکے گا۔
یہ پالیسی پاکستان، بھارت، مصر اور بنگلادیش کے عمرہ زائرین پر یکم ربیع الاول سے نافذ ہوگی، جبکہ اس کے باعث عمرہ پیکجز کی لاگت میں اضافے کا امکان ہے۔

امریکا کے ساتھ کوئی مذاکرات نہیں ہو رہے“ایرانی وزارت خارجه

Omer Zaheer — Mon, 03 Aug 2026 13:20:34 +0000

ایران نے امریکا کے ساتھ کسی بھی حالیہ مذاکرات کی تردید کرتے ہوئے کہا ہے کہ آبنائے ہرمز میں عارضی محفوظ راستے کے قیام کے حوالے سے عمان کے ساتھ بات چیت جاری ہے۔
ایرانی وزارتِ خارجہ کے ترجمان اسماعیل بقائی نے کہا کہ آبنائے ہرمز کو دوبارہ کھولنے کے لیے صرف عمان کے ساتھ معاہدہ کافی نہیں ہوگا۔
انہوں نے مزید کہا کہ جب تک امریکی جارحیت جاری ہے، اس اہم سمندری راستے کی صورتحال میں کوئی تبدیلی نہیں آئے گی۔

مراکش سے ہزاروں افراد سرحدی باڑ توڑ‌ کر غیر قانونی طورپر اسپین میں‌ داخل ،ویڈیو وائرل

Omer Zaheer — Sat, 01 Aug 2026 06:11:58 +0000

یورپ جانے کی خواہش میں مراکش سے ہزاروں افراد غیر قانونی طور پر سرحد عبور کر کے اسپین میں داخل ہو گئے۔
دنیا میں یورپ جانے کی خواہش بڑھتی جا رہی ہے اور آئے روز جان لیوا اور دل دہلا دینے والے واقعات بھی انہیں نہیں روک پا رہے ہیں۔
سوشل میڈیا پر مراکش سے ہزاروں تارکین وطن کی غیر قانونی طور پر سرحدی باڑ توڑ کر اسپین کے خود مختار ساحلی علاقے سیوٹا میں گھسنے کی ویڈیوز وائرل ہور ہی ہیں۔داخل ہونے والے تمام افراد نوجوان ہیں۔ ان میں بچے، بوڑھے یا خواتین شامل نہیں۔ سیوٹا میں صرف 10 روز کے دوران مراکش سے ایک سے دو ہزار کے درمیان مہاجرین سرحد عبور کر کے داخل ہوئے، جن میں کئی ربڑ کی کشتیوں، تیراکی اور سرحدی باڑ پھلانگ کر اسپین پہنچے ہیں۔یہ پیش رفت اسپین کی سپریم کورٹ کے حالیہ فیصلے کے بعد ہوئی ہے، جس میں سمندر میں پکڑے جانے والے مہاجرین کی فوری واپسی پر پابندی لگائی گئی۔
حکام کا کہنا ہے کہ سپریم کورٹ کے فیصلے سے غیر قانونی نقل مکانی میں نمایاں اضافہ ہوا ہے۔
اطالوی وزیرِاعظم جورجیا میلونی نے تارکینِ وطن کے بڑھتے بحران پر اسپین کے ساتھ سرحدی نگرانی سخت کرنے اور شینگن نظام کے تحت حفاظتی اقدامات بڑھانے کا عندیہ دیا ہے۔

امریکا نے ایران کی بحری ناکہ بندی مزید سخت کردی ، 20تجارتی جہاز واپس موڑنے کا دعویٰ

Omer Zaheer — Thu, 30 Jul 2026 12:25:50 +0000

امریکی فوج نے دعویٰ کیا ہے کہ ایران کی جنوبی بندرگاہوں پر دوبارہ عائد کی گئی بحری ناکہ بندی کے تحت اب تک 20 تجارتی جہازوں کو واپس موڑا جا چکا ہے۔
اس ماہ کے آغاز میں بحری ناکہ بندی دوبارہ نافذ کیے جانے کے بعد گزشتہ روز تک 18 جہازوں کا رخ موڑا گیا تھا، جبکہ گزشتہ 24 گھنٹوں کے دوران مزید 2 تجارتی جہاز واپس بھیجے گئے۔
سینٹ کام نے مزید دعویٰ کیا کہ امریکی افواج نے دو جہازوں کو ناکارہ بنا دیا، جبکہ دو دیگر جہازوں پر چڑھ کر تلاشی اور کارروائی بھی کی۔

جان کو لاحق خطرات کے باوجو د دسمبرمیں بنگلا دیش واپسی کیلئےتیار ہوں،شیخ حسینہ واجد

Omer Zaheer — Wed, 29 Jul 2026 12:19:10 +0000

بنگلادیش کی سابق وزیراعظم شیخ حسینہ واجد نے جان کو لاحق خطرات کے باوجود دسمبر تک وطن واپسی کے عزم کا اظہار کیا ہے۔
خبر ایجنسی کو ای میل کے ذریعے دیے گئے انٹرویو میں شیخ حسینہ نے کہا کہ انہیں معلوم ہے وطن واپسی پر انہیں گرفتار، جیل بھیجا یا حتیٰ کہ قتل بھی کیا جا سکتا ہے، مگر اس کے باوجود وہ واپس جانا چاہتی ہیں کیونکہ “میرے لوگ مجھے پکار رہے ہیں۔”
واضح رہے کہ شیخ حسینہ گزشتہ برس ملک میں ہونے والے پرتشدد مظاہروں کے بعد بھارت منتقل ہو گئی تھیں، جبکہ بنگلادیش کی ایک عدالت انہیں سزائے موت سنا چکی ہے۔

ایران کا سعودی تیل تنصیبات پر حملوں سے لا تعلقی کا اعلان

Omer Zaheer — Wed, 29 Jul 2026 12:07:13 +0000

ایران نے سعودی عرب پر حملوں سے لاتعلقی کا اعلان کردیا۔
ایرانی میڈیا کے مطابق ایرانی حکام کا کہنا ہے کہ سعودی اہداف پر فائر کیے گئے پروجیکٹائلز سے کوئی تعلق نہیں، ایرانی فوجی ذرائع نے الزامات مسترد کر دیے۔
اس سے قبل ترجمان سعودی وزارت دفاع نے تیل تنصیبات پر حملہ ناکام بنانے کا دعویٰ کیا تھا، ترجمان کے مطابق ایران نواز ملیشیاؤں نے عراقی سرزمین سے حملے کیے، عراق سے داغے گئے ڈرونز کو تباہ کردیا۔
سعودی وزارتِ دفاع کے مطابق عراق اپنی سرزمین کو حملوں کے لیے استعمال ہونے سے روکے، مناسب وقت اور مقام پر جواب دینے کا حق محفظ رکھتے ہیں۔

تہران کا امریکی تجاویز پر دوٹوک انکار ثالثوں کے ذریعے جواب بھیجوا دیا،ایرانی نائب وزیر خارجه

Omer Zaheer — Tue, 28 Jul 2026 12:27:44 +0000

ایران کے نائب وزیر خارجہ کاظم غریب آبادی نے کہا ہے کہ تہران نے ثالثوں کے ذریعے ہونے والے مذاکرات میں امریکا کی تجاویز ان کے “بے جا مطالبات” کے باعث مسترد کر دیں۔
انہوں نے بتایا کہ مذاکرات کے دوران امریکی وفد نے ایک منصوبہ پیش کیا، تاہم ایرانی وفد نے اسے واضح طور پر مسترد کر دیا، جس کے بعد امریکی وفد مذاکرات ختم کرکے واپس چلا گیا۔
کاظم غریب آبادی کے مطابق ایران نے مذاکرات جاری رکھنے پر نہ تو اصرار کیا اور نہ ہی کوئی درخواست کی، جو تہران کی باوقار سفارتکاری کی عکاسی کرتا ہے۔
انہوں نے مزید کہا کہ عمان میں ہونے والی بات چیت کے دوران بھی ایران نے آبنائے ہرمز سے متعلق ایک تجویز مسترد کر دی اور واضح کیا کہ قومی مفادات اور اصولی مؤقف پر کوئی سمجھوتہ نہیں کیا جائے گا۔ ان کے بقول آبنائے ہرمز سے متعلق ایران کی پالیسی بدستور برقرار ہے۔