بین الاقوامی – Pakistan Today

روس،چین نے ایران پر پابندیوں کی امریکی قرارداد کا مسودہ ویٹو کردیا

Omer Zaheer — Fri, 18 Sep 2026 08:42:28 +0000

روس اور چین نے اقوام متحدہ کی سلامتی کونسل میں ایران پر پابندیوں کی نگرانی کرنے والی کمیٹی کی مدت میں توسیع سے متعلق امریکی قرارداد کا مسودہ ویٹو کر دیا۔
سلامتی کونسل کی ایک رپورٹ کے مطابق کونسل کے ان دونوں مستقل رکن ممالک نے اگست کے اواخر میں قرارداد کا متن پیش کیے جانے کے وقت ہی اس مسودے کی مخالفت کردی تھی۔
دونوں ممالک نے ایران کے خلاف بین الاقوامی پابندیاں بحال کرنے کے نام نہاد ’اسنیپ بیک میکانزم‘ پر اپنے شدید تحفظات اور مخالفت کا اظہار کیا تھا۔

جنرل اسمبلی کیلئے ایرانی صدر سمیت وفد کو امریکی ویزہ مل گیا

Omer Zaheer — Fri, 18 Sep 2026 08:38:57 +0000

امریکی حکومت نے ایرانی صدر مسعود پزشکیان اور وزیر خارجہ عباس عراقچی سمیت ایرانی وفد کو اقوام متحدہ کی جنرل اسمبلی کے اجلاس میں شرکت کے لیے ویزے جاری کر دیے۔
امریکی محکمہ خارجہ کے مطابق ایرانی وفد اگلے ہفتے نیویارک میں جنرل اسمبلی کے اعلیٰ سطحی اجلاس میں شرکت کرسکے گا تاہم وفد پر سفری پابندیاں برقرار رہیں گی اور بعض امریکی مصنوعات کی خریداری کی اجازت نہیں ہوگی۔

بھارت میں مسلمان خاتون پولیس افسر کا ‘‘ماشا اللہ’’ کہنے پر تبادلہ کردیا گیا

Omer Zaheer — Thu, 17 Sep 2026 11:19:35 +0000

بھارت میں مسلمان خاتون پولیس افسر ڈاکٹر بشریٰ بانو کا’ماشا اللہ‘ کہنے پرتبادلہ کردیا گیا۔
رپورٹس کے مطابق ڈاکٹر بشریٰ بانو نے ایک ویڈیو پیغام میں علی گڑھ مسلم یونیورسٹی کی تعریف کی تھی،ویڈیو میں ’السلام علیکم‘ اور ’ماشا اللہ‘ کے الفاظ بھی استعمال کیے۔
بھارتی رکن پارلیمنٹ مہوا موئترا نے دعویٰ کیا ہے کہ بشریٰ بانو کو ’السلام علیکم‘ اور ’ماشا اللہ‘ کہنے پر ہٹایا گیا۔

اقوام متحدہ کے سیکرٹری جنرل انتونیو گوتریس کادورہ پاکستان کا اعلان

Omer Zaheer — Thu, 17 Sep 2026 09:19:41 +0000

اقوام متحدہ کے سیکریٹری جنرل انتونیو گوتریس نے اعلان کیا ہے کہ وہ جلد پاکستان کا دورہ کریں گے اور امریکی ایرانی تنازع کے حل کے لیے اسلام آباد کے اہم ثالثی کردار کو سراہا ہے۔
اقوام متحدہ کے سربراہ کا دورہ پاکستان حکومت کی دعوت پر متوقع ہے اور امکان ہے کہ یہ اگلے ماہ ہوگا۔

ٹرمپ کا بڑایوٹرن،ایران جنگ کےجلد خاتمے کی نوید سنادی

Omer Zaheer — Thu, 17 Sep 2026 07:20:03 +0000

امریکی صدر ڈونلڈ ٹرمپ نے ایران جنگ کے جلد خاتمے کی امید ظاہر کردی۔
امریکی صدر ڈونلڈ ٹرمپ نے کہا ہے کہ امید ہے امریکا ایران جنگ کے اختتام کی جانب بڑھ رہا ہے، ایران بری طرح متاثر ہو رہا ہے اور معاہدہ کرنا چاہتا ہے،جنگ جلد ختم ہوگی،ہم چاہیں تو کسی بھی وقت معاہدہ ہو سکتا ہے،دیکھتے ہیں معاملہ کیسے آگے بڑھتا ہے۔
ٹرمپ نے ایران جنگ کے باعث تیل کی بڑھتی قیمتوں پر بھی بات کی اور کہا کہ تیل کی قیمتوں میں اضافہ حاصل ہونے والی کامیابیوں کے مقابلے میں کچھ نہیں۔

23ستمبر کو عام تعطیل کااعلا ن

Omer Zaheer — Thu, 17 Sep 2026 06:04:08 +0000

سعودی عرب نے اپنے 96ویں قومی دن کے موقع پر 23 ستمبر 2026 کو سرکاری تعطیل کا اعلان کردیا۔
عرب میڈیا کےمطابق سعودی وزارتِ انسانی وسائل و سماجی ترقی نے نجی اور سرکاری شعبے میں کام کرنے والے ملازمین کے لیے قومی دن کی تعطیل کی تاریخ جاری کردی ہے۔
وزارت کےمطابق بدھ 23 ستمبر 2026، بمطابق 12 ربیع الثانی 1448 ہجری کو نجی اور سرکاری شعبے کے ملازمین کے لیے سرکاری تعطیل ہوگی۔
حکام کا کہنا ہے کہ قومی دن کی تعطیل کا فیصلہ سعودی لیبرقانون کے ایگزیکٹو ریگولیشنز کے آرٹیکل 24 کے تحت کیا گیا۔
واضح رہے کہ سعودی عرب میں ہر سال 23 ستمبر کو قومی دن منایا جاتا ہے، جس کے موقع پر مختلف تقریبات کا انعقاد کیا جاتا ہے۔

حالیہ سیکیورٹی خطرات کے پیش نظر ، حرمین شریفین کی حفاظت اور سلامتی کیلئے خصوصی دعاؤں کا سلسلہ جاری

Omer Zaheer — Wed, 16 Sep 2026 12:32:57 +0000

سعودی عرب میں حالیہ سیکیورٹی خطرات کے پیش نظر مکہ مکرمہ کی مسجد الحرام میں حرمین شریفین کی حفاظت اور سلامتی کے لیے خصوصی اور رقت آمیز دعاؤں کا سلسلہ جاری ہے۔
نماز کے بعد ائمہ کرام شیوخ اور ہزاروں زائرین نے اللہ رب العزت کے حضور ہاتھ اٹھا کر مقدس مقامات کے امن و امان کے لیے گریہ و زاری کی ۔یہ دعائیں ایک ایسے وقت میں مانگی جا رہی ہیں جب یمن کے حوثی باغیوں کی جانب سے فضائی حملوں کی کوششوں کے بعد سعودی عرب کے متعدد شہروں بشمول جده، طائف اور پہلی بار مکہ مکرمہ کی فضائی حدود میں قلیل مدتی سیکیورٹی الرٹ جاری کیا گیا۔
اگرچہ سعودی دفاعی فورسز کی مستعدی کے باعث صورتحال مکمل قابو میں ہے اور زائرین امن و سکون کے ساتھ عبادات میں مصروف ہیں، تاہم ان سیکیورٹی خدشات نے دنیا بھر کے مسلمانوں کو تشویش میں مبتلا کر دیا ہے۔

امریکی حکومت حوثیوں کےساتھ براہ راست رابطے میں ہے،جے ڈی وینس

Omer Zaheer — Tue, 15 Sep 2026 12:01:45 +0000

امریکی نائب صدر جے ڈی وینس کا کہنا ہے کہ امریکی حکومت حوثیوں کے ساتھ براہ راست رابطے میں ہے۔
کینساس سٹی میں انتخابی ریلی کے موقع پر رپورٹرز سے بات کرتے ہوئے انہوں نے کہا کہ امریکا کو آبنائے باب المندب کے جزیرے مایوں پر حوثیوں کے قبضے پر تشویش ہے۔
جے ڈی یونس نے مزید کہاکہ امریکا سعودی عرب اور متحدہ عرب امارات کے علاوہ خطے میں متاثر ہونے والے دیگر ملکوں کے ساتھ بھی رابطے میں ہے۔

شام کا اپنا قدرتی یورینیم عالمی ایٹمی ایجنسی کی نگرانی میں دینے کا اعلان

Omer Zaheer — Tue, 15 Sep 2026 11:52:30 +0000

شام کے وزیر خارجہ اسد الشیبانی نے اعلان کیا ہے کہ دمشق نے 73 ٹن قدرتی یورینیم کو بین الاقوامی ایٹمی توانائی ایجنسی (IAEA) کے حفاظتی اقدامات کے تحت رکھ دیا ہے۔
ان کے مطابق یہ اقدام شام کی 15 سالہ جوہری عدم تعمیل کی فائل کے خاتمے اور آئی اے ای اے کے ساتھ نئے تعاون کی جانب اہم پیش رفت ہے۔
اسد الشیبانی نے بتایا کہ آئی اے ای اے کے بورڈ آف گورنرز نے 9 ستمبر کو شام کی جوہری فائل بند کرنے کا متفقہ فیصلہ کیا، جبکہ دمشق نے جولائی میں جوہری مواد سے متعلق معلومات اور تعاون کا روڈ میپ فراہم کیا تھا۔
شامی اور آئی اے ای اے کے ماہرین نے تنصیب میں ری ایکٹر کی باقیات سے متعلق کام بھی شروع کر دیا ہے۔

مکہ مکرمہ میں فضائی حملے کا ہنگامی الرٹ جاری

Omer Zaheer — Tue, 15 Sep 2026 11:47:59 +0000

سعودی عرب کے مختلف شہروں میں فضائی حملےکا ہنگامی الرٹ جاری۔
سعودی عرب کے شہر مکہ مکرمہ میں شہری دفاع نے ممکنہ خطرے کے پیش نظر فضائی حملے کا انتباہ جاری کرتے ہوئے شہریوں اور رہائشیوں کو گھروں کے اندر رہنے اور کھڑکیوں سے دور رہنے کی ہدایت کی۔
جدہ، طائف، ینبع اور ابہا میں بھی اسی نوعیت کے الرٹس جاری کیے گئے، تاہم مکہ مکرمہ میں تقریباً 8 منٹ بعد خطرہ ٹلنے کا اعلان کردیا گیا۔