ذرائع کے مطابق 30 اپریل کو اضافی ایجنڈے کے ذریعے منظور کیے گئے صحافیوں سے متعلق قانون کو کئی ماہ تک منظر عام پر نہیں لایا گیا۔ اب اس قانون کی تفصیلات سامنے آنے کے بعد صحافتی حلقوں میں اس پر بحث شروع ہوگئی ہے۔

تفصیلات کے مطابق مجوزہ بل میں اسپیکر اسمبلی کو وسیع اختیارات دینے کی تجویز دی گئی ہے، جس کے تحت وہ کسی بھی صحافی کو ایوان کی کارروائی کی کوریج سے روک سکتے ہیں۔ اسپیکر پابندی کا سامنا کرنے والے افراد پر ایک مخصوص مدت کے لیے پابندی عائد کرنے کا اختیار بھی رکھیں گے۔

بل کے مطابق اسپیکر کو یہ اختیار حاصل ہوگا کہ وہ اسمبلی کی کسی بھی کارروائی کو شائع یا نشر کرنے سے روک سکیں۔ خلاف ورزی کی صورت میں متعلقہ شخص یا صحافی کو 6 ماہ تک قید اور 10 لاکھ روپے تک جرمانے کی سزا دی جا سکے گی۔

مجوزہ قانون کے تحت اگر کوئی صحافی یا ادارہ اسمبلی کی کارروائی کو توڑ مروڑ کر پیش کرے گا تو اس کے خلاف کارروائی کی جائے گی۔ ایسی صورت میں صحافی کو 3 سال تک قید اور 3 لاکھ روپے تک جرمانے کا سامنا کرنا پڑ سکتا ہے۔

بل میں یہ بھی شامل ہے کہ اسپیکر پر جانبداری کا الزام لگانے یا ان کے کردار پر تنقید کرنے والے صحافی کو 6 ماہ تک قید اور 10 لاکھ روپے تک جرمانہ کیا جا سکے گا۔

اس کے علاوہ کسی قائمہ کمیٹی کی رپورٹ ایوان میں پیش کیے جانے سے قبل نشر یا شائع کرنے پر 3 ماہ تک قید اور 3 لاکھ روپے تک جرمانہ، جبکہ تحریک التوا کو پیش کیے جانے سے پہلے نشر یا شائع کرنے پر ایک ماہ تک قید اور ایک لاکھ روپے تک جرمانے کی سزا تجویز کی گئی ہے۔

شفیع جان کے مطابق کسی بھی تحریک کو مؤثر انداز میں آگے بڑھانے کے لیے تنظیم سازی بنیادی اہمیت رکھتی ہے۔ انہوں نے کہا کہ تمام صوبائی صدور کی ذمہ داری ہے کہ وہ تنظیمی عمل کو مکمل کریں، جبکہ خیبرپختونخوا میں تنظیم سازی کا مرحلہ آخری مراحل میں داخل ہوچکا ہے۔

انہوں نے مزید کہا کہ آئی ایس ایف، یوتھ، ویمن، مائنارٹی، آئی ڈی ایف اور آئی ایل ایف سمیت مختلف تنظیموں کی تکمیل ضروری ہے۔ ان کا کہنا تھا کہ اسٹریٹ موومنٹ کی ذمہ داری سہیل آفریدی نے بھرپور انداز میں نبھائی، جبکہ پنجاب، سندھ، بلوچستان اور خیبرپختونخوا میں اس کے اثرات نمایاں رہے۔

ترجمان خیبرپختونخوا نے کہا کہ صوبہ ہر قسم کے آئندہ لائحہ عمل کے لیے تیار ہے اور پارٹی کی جانب سے جو بھی فیصلہ کیا جائے گا، اس پر عمل کیا جائے گا۔ انہوں نے کہا کہ اڈیالہ جیل احتجاج میں شرکت کسی ایک صوبے کی نہیں بلکہ تمام کارکنوں کی مشترکہ ذمہ داری ہے۔

ان کا کہنا تھا کہ عمران خان کی رہائی فورس کے 60 ہزار سے زائد ارکان کا ڈیٹا مرتب کرکے متعلقہ نظام کے حوالے کر دیا گیا ہے، جبکہ پارٹی قیادت آئندہ حکمت عملی پر مشاورت کر رہی ہے۔ انہوں نے کہا کہ سیاسی کمیٹی میں غور جاری ہے اور خواہش ہے کہ تین سال مکمل ہونے سے پہلے ہی آئندہ کا لائحہ عمل سامنے آجائے۔

اس فیصلے کی منظوری سندھ کابینہ کے کراچی میں ہونے والے اجلاس کے دوران دی گئی، جس کے تحت سندھ رینجرز 20 جولائی 2026 سے 19 جولائی 2027 تک اپنی ذمہ داریاں انجام دیتی رہے گی۔

سرکاری حکام کے مطابق کابینہ کی منظوری کے بعد معاملہ وفاقی وزارت داخلہ کو بھجوایا جائے گا، جہاں سے توسیع کے حوالے سے باقاعدہ نوٹیفکیشن جاری کیا جائے گا۔ اس اقدام کا مقصد صوبے میں سیکیورٹی انتظامات اور امن و امان کی صورتحال کو مؤثر انداز میں برقرار رکھنا ہے۔

ان نئے قوانین کے تحت ممبران اور ان کے شریکِ حیات کو تاحیات بلیو پاسپورٹ، سالانہ مفت فضائی و زمینی سفر کے لیے واؤچرز، ٹیلی فون الاؤنس، اور خاندان (بشمول بچوں اور والدین) کے لیے ہسپتال میں داخلے کی صورت میں مفت طبی سہولیات کے ساتھ ماہانہ میڈیکل الاؤنس دیا جائے گا۔
اسی طرح قائدِ حزبِ اختلاف (اپوزیشن لیڈر) کا درجہ اور مراعات صوبائی وزیر کے برابر لازمی قرار دی گئی ہیں، جبکہ اسپیکر کو دو فلیگ گاڑیوں کے ساتھ ایک بلٹ پروف گاڑی، سرکاری ہیلی کاپٹر یا چارٹرڈ طیارہ استعمال کرنے کا اختیار، اور ڈپٹی اسپیکر کو دو سرکاری گاڑیاں ملیں گی۔
مزید برآں، اسپیکر اور ڈپٹی اسپیکر مع شریکِ حیات ہوائی سفر کے لیے بزنس یا فرسٹ کلاس اور ان کے دو ذاتی ملازمین اکانومی کلاس کے حقدار ہوں گے۔

این ڈی ایم اے کے مطابق گلگت بلتستان، خیبرپختونخوا، آزاد کشمیر، شمال مشرقی پنجاب اور بلوچستان کے مختلف علاقوں میں واقع دریاؤں اور برساتی ندی نالوں میں طغیانی اور مقامی سیلاب کا خدشہ موجود ہے۔

ادارے نے مزید بتایا کہ آئندہ 48 گھنٹوں کے دوران دریائے سوات، دریائے پنجکوڑہ اور ان سے ملحقہ معاون دریاؤں میں پانی کے بہاؤ میں اضافے کا امکان ہے۔ اس کے علاوہ دریائے کابل میں نوشہرہ کے مقام پر، دریائے سندھ میں تربیلا ڈیم کے بالائی علاقوں اور دریائے چناب کے مرالہ، خانکی اور قادرآباد کے مقامات پر نچلے درجے کے سیلاب کی صورتحال پیدا ہو سکتی ہے۔

این ڈی ایم اے نے متعلقہ اداروں کو ہدایت جاری کی ہے کہ وہ مکمل طور پر الرٹ رہیں، ہنگامی اقدامات کو یقینی بنائیں اور حساس مقامات کی مسلسل نگرانی جاری رکھیں۔

شہریوں کو بھی مشورہ دیا گیا ہے کہ غیر ضروری سفر سے گریز کریں، برساتی ندی نالوں اور گزرگاہوں کو عبور کرنے سے احتیاط برتیں اور مقامی انتظامیہ کی ہدایات پر عمل کریں۔ مزید برآں، تازہ ترین موسمی اطلاعات اور حفاظتی رہنمائی حاصل کرنے کے لیے پاک این ڈی ایم اے ڈیزاسٹر الرٹ موبائل ایپ استعمال کرنے کی بھی سفارش کی گئی ہے۔