پاکستان – Pakistan Today

غیر قانونی بھرتیوں اور بے ضابطگیوں کامعاملہ، سابق وفاقی وزیر اسعد محمودنیب میں طلب

Omer Zaheer — Thu, 05 Nov 2026 09:55:38 +0000

غیر قانونی بھرتیوں اور بے ضابطگیوں کامعاملہ، سابق وفاقی وزیر اسعد محمودکونیب اورایف آئی اےنےطلب کرلیا۔

قومی احتساب بیورو (نیب) اور ایف آئی اے نے پاکستان پوسٹ آفس میں مبینہ غیر قانونی بھرتیوں اور بے ضابطگیوں کے معاملے پر سابق وفاقی وزیر اسعد محمود کو طلب کر لیا ہے۔ نیب راولپنڈی نے انہیں 10 نومبر کو پیش ہونے کا نوٹس جاری کیا ہے، جبکہ ایف آئی اے بھی بھرتیوں میں مبینہ بدعنوانی کی تحقیقات کر رہا ہے۔ تحقیقات کے مطابق منظور شدہ 3 ہزار 938 آسامیوں کے مقابلے میں 4 ہزار 252 افراد بھرتی کیے گئے، جبکہ ختم شدہ آسامیوں پر تقرریوں سمیت دیگر بے ضابطگیوں کے الزامات بھی سامنے آئے ہیں۔

سرکاری ملازمین کی موجیں ، رواں ماہ ایک ساتھ مسلسل 3 چھٹیاں

Omer Zaheer — Thu, 05 Nov 2026 09:52:44 +0000

نومبر میں طلبا اور سرکاری ملازمین کو ایک ساتھ 3 چھٹیاں ملنے کا امکان ہے۔
تفصیلات کے مطابق پاکستان بھر میں 9 نومبر کو مصورِ پاکستان، شاعرِ مشرق ڈاکٹر علامہ محمد اقبال کے یومِ ولادت کی مناسبت سے عام تعطیل ہوتی ہے۔اس سال سرکاری کیلنڈر کے تحت یومِ اقبال کی تعطیل پیر کو ہوگی، جبکہ اس سے پہلے ہفتہ اور اتوار کی ہفتہ وار چھٹیاں ہونے کے باعث سرکاری ملازمین کو مسلسل تین روز کی چھٹیاں ملیں گی۔تعلیمی اداروں میں بھی 7 سے 9 نومبر تک تعطیلات ہوں گی، جس کے باعث طلبا کو بھی تین روز چھٹیوں کا موقع ملے گا۔

الیکشن کمیشن نے پنجاب میں بلدیاتی انتخابات کی تاریخ کا اعلان کر دیا

Omer Zaheer — Thu, 05 Nov 2026 09:50:10 +0000

الیکشن کمیشن نے پنجاب میں بلدیاتی انتخابات کی تاریخ کا اعلان کر دیا۔

الیکشن کمیشن نے پنجاب میں بلدیاتی انتخابات کے پہلے مرحلے کے انعقاد کے لیے 7 فروری 2027 کی تاریخ مقرر کر دی ہے۔ اس بات کا فیصلہ الیکشن کمیشن میں پنجاب بلدیاتی انتخابات سے متعلق کیس کی سماعت کے دوران کیا گیا۔
چیف الیکشن کمشنر سکندر سلطان راجا کی سربراہی میں چار رکنی بینچ نے کیس کی سماعت کی۔ اس موقع پر الیکشن کمیشن کو بتایا گیا کہ پنجاب حکومت نے ابتدائی طور پر بلدیاتی انتخابات اپریل 2027 میں کرانے کی درخواست کی تھی، تاہم بعد ازاں حکومت نے موسم کی صورتحال کو مدنظر رکھتے ہوئے انتخابی شیڈول میں تبدیلی کی درخواست دی۔الیکشن کمیشن کے مطابق پنجاب حکومت نے فروری میں بہتر موسم کے پیش نظر بلدیاتی انتخابات جنوری یا فروری 2027 میں کرانے کی نئی درخواست جمع کرائی تھی۔

مولانا فضل الرحمان نے ہم سے کبھی کسی عہدے کا تقاضا نہیں کیا،رانا ثنا اللہ

Omer Zaheer — Thu, 05 Nov 2026 09:44:59 +0000

وزیراعظم کےسیاسی مشیررانا ثنا اللہ مولانا فضل الرحمان نے ہم سے کبھی کسی عہدے کا تقاضا نہیں کیا۔

وزیراعظم کے مشیر برائے سیاسی امور رانا ثنا اللہ کا کہنا ہے کہ مولانا فضل الرحمان نے حکومت سے کبھی گورنر شپ یا کسی عہدے کا مطالبہ نہیں کیا۔
ان کے مطابق خیبر پختونخوا میں دہشتگردی کے خلاف مولانا کا تعاون حاصل کرنا چاہیے۔
رانا ثنا اللہ نے مزید کہا کہ بانی پی ٹی آئی سے ملاقاتیں پیغامات اور سیاسی بیانیے بنانے کے باعث بند کی گئیں، جبکہ پی ٹی آئی کو بارہا ٹرولنگ سے روکنے کی ہدایت بھی کی گئی تھی۔

اپوزیشن کی باہمی اختلافات ختم کرنے کیلئے کمیٹی قائم

Omer Zaheer — Thu, 05 Nov 2026 09:33:14 +0000

اپوزیشن نے باہمی اختلافات ختم کرنے کیلئے کمیٹی قائم کردی۔

جمعیت علمائے اسلام پاکستان کے سربراہ مولانا فضل الرحمان نے اپوزیشن کے اجلاس کے بعد قائد حزب اختلاف محمود خان اچکزئی اور علامہ راجا ناصر عباس اور دیگر کے ہمراہ میڈیا سے بات کرتے ہوئے کہا کہ اپوزیشن کا مشاورت کے عمل کو مزید آگے بڑھانے پر اتفاق ہوا ہے اور باہمی اختلافات کو دور کرنے کے لیے کمیٹی بنا دی گئی ہے۔

پنجاب میں کرپشن سے متعلق اپنے بیان پر قائم ہیں،وفاقی وزیرچوہدری سالک حسین

Omer Zaheer — Wed, 04 Nov 2026 05:01:07 +0000

وفاقی وزیر چوہدری سالک حسین نے کہا ہے کہ وہ پنجاب میں کرپشن سے متعلق اپنے بیان پر قائم ہیں۔
انہوں نے کہا کہ اللّٰہ غرور اور تکبر سے بچائے، بیان پرقائم ہوں، پنجاب میں کرپشن ہورہی ہے، ڈی سی لگوانے کی کوئی بات نہیں، ڈی سی پہلے ہی لگا ہوا تھا۔
چوہدری سالک نے کہا کہ انسان کے پاس اختیار آتا ہے تو اسے عاجز رہنا چاہیے، میں نے سچائی سے جواب دیا، پنجاب میں بالکل کرپشن ہورہی ہے، ان معاملات کا تعلق صوبوں کے حوالے سے نہیں۔
خیال رہے کہ وزیراعلیٰ پنجاب مریم نواز نے وفاقی وزیر چوہدری سالک کو ہرجانےکا نوٹس بھجوانے کا اعلان کردیا۔
مریم نواز نے اٹک میں تقریب سے خطاب کرتے ہوئے کہا کہ چوہدری سالک کے پاس ثبوت ہے تو سامنےلائیں ورنہ عدالت میں گھسیٹوں گی، آپ وفاقی وزیر ہیں، الزام نہ لگائیں، ثبوت پیش کریں، چوہدری سالک کو ہرجانےکا نوٹس بھجواؤنگی۔
وزیراعلیٰ پنجاب نے کہا کہ چوہدری سالک کہتےہیں سب سےبہترین حکومت پرویزالہیٰ کی تھی مگر جب بارش میں گجرات گئی تو اتنا پانی تھا کہ میری گاڑی ڈوب گئی۔
مریم نواز نے کہا کہ حکومت اتنی کرپٹ ہے تو وزیر بن کر کیوں بیٹھےہیں، میں کسی کی نہیں سنتی، پنجاب میں افسران کو میرٹ پر لگاتی ہوں، جو سفارش پرآتا ہے تو ملک اور عوام کا بیڑا غرق کرتا ہے۔

سابق سینیٹر مشتاق احمد کی اہلیہ نےفیملی کورٹ سے خلع حاصل کر لی

Omer Zaheer — Wed, 04 Nov 2026 04:55:40 +0000

سابق سینیٹر مشتاق احمد کی اہلیہ نے فیملی کورٹ سے خلع حاصل کر لی۔ عدالت نے خلع کی ڈگری جاری کر دی۔
ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے سابق سینیٹر مشتاق احمد کی اہلیہ حمیرا طیبہ کے حق میں خلع کی ڈگری جاری کر دی، عدالت نے حمیرا طیبہ اور مشتاق احمد کے درمیان نکاح خلع کی بنیاد پر ختم کرنے کا حکم دیا۔

حکومت کا انسداد دہشتگردی کیلئےانٹیلی جنس آپریشنز بڑھانےکا فیصلہ

Omer Zaheer — Wed, 04 Nov 2026 04:51:14 +0000

حکومت نے انسداد دہشتگردی کےلیے انٹیلی جنس آپریشنز کا دائرہ کار بڑھانے کا فیصلہ کرلیا۔
وزیراعظم شہبازشریف کی زیر صدارت قومی اور داخلی سلامتی سے متعلق اجلاس ہوا جہاں گورنر خیبر پختونخوا فیصل کنڈی نے مختلف شعبوں میں اب تک کے اقدامات پر تفصیلی بریفنگ دی۔
اجلاس میں خیبر پختونخوا کے 12 اضلاع میں امن و امان کی صورت حال کا جائزہ لیا گیا، ذرائع کے مطابق اے آر ڈی سی کی اب تک کی کارکردگی بھی زیر غور آئی۔
وزیراعظم نے وفاقی اور صوبائی اور قانون نافذ کرنے والے اداروں کے درمیان کوآرڈی نیشن بہتر بنانے کی ہدایت کی، اجلاس میں وفاق کی طرف سے خیبر پختونخوا کےلیے 160 ارب کے پیکیج پر عمل درآمد کا بھی جائزہ لیا گیا۔

کارسرکار میں مداخلت کا کیس، ایمان مزاری اور ہادی علی کی ضمانت منظور

Omer Zaheer — Tue, 03 Nov 2026 06:04:12 +0000

کارسرکار میں مداخلت کا کیس،عدالت نے ایمان مزاری اور ہادی علی کی ضمانت منظورکرلی۔

اسلام آباد کی انسداد دہشت گردی عدالت نے پولیس کے ساتھ جھگڑے اور کارسرکار میں مداخلت کے مقدمے میں ایمان مزاری اور ہادی علی کی ضمانت منظور کرلی۔

کیس کی سماعت انسداد دہشت گردی عدالت کے جج ابوالحسنات ذوالقرنین نے کی، جس کے دوران پولیس نے مقدمے کا ریکارڈ عدالت میں پیش کیا۔

سماعت کے دوران وکیل ریاست علی نے عدالت کو بتایا کہ مقدمے کا ریکارڈ آگیا ہے۔ اس پر جج ابوالحسنات ذوالقرنین نے ریمارکس دیے کہ اگر آج بھی ریکارڈ پیش نہ کیا جاتا تو وہ متعلقہ حکام کو جواب دہ ٹھہراتے۔

بعدازاں جج نے فریقین سے مزید دلائل طلب کیے، تاہم ضمانت کی درخواستیں منظور کرنے کا حکم سنا دیا۔

عدالت نے ایمان مزاری اور ہادی علی کو 5، 5 ہزار روپے کے مچلکوں کے عوض ضمانت پر رہا کرنے کا حکم دیا۔

واضح رہے کہ دونوں کے خلاف تھانہ کوہسار اسلام آباد میں کارسرکار میں مداخلت کا مقدمہ درج ہے۔

پاکستان کو اتنا نقصان مسٹر پتلونے نہیں پہنچایا، جتنا عمران خان نے پہنچایا،جواد احمد

Omer Zaheer — Tue, 03 Nov 2026 05:28:09 +0000

گلوکار اور سماجی شخصیت جواد احمدنےکہاہےکہ پاکستان کو اتنا نقصان مسٹر پتلونے نہیں پہنچایا، جتنا عمران خان نے پہنچایا۔
گلوکار اور سماجی شخصیت جواد احمد نے عمران خان اور پاکستان تحریک انصاف (پی ٹی آئی) کو کڑی تنقید کا نشانہ بناتے ہوئے کہا ہے کہ سو غریب مسٹر پتلو بھی مل کر ایک ارب پتی عمران خان جیسے شخص کا مقابلہ نہیں کر سکتے، جنہیں انہوں نے منافقت اور مذہب کے نام پر سیاست کرنے کے الزامات سے تعبیر کیا۔
جواد احمد نے پی ٹی آئی پر تنقید کرتے ہوئے کہا کہ وہ پتلو اور دیگر ٹک ٹاکرز کے خلاف غیر ضروری تنقید کر رہی ہے۔
ان کا کہنا تھا کہ پاکستان کو اتنا نقصان پتلو نے نہیں پہنچایا،جتنانقصان عمران خان اور پی ٹی آئی کے نفرت اور تقسیم پر مبنی بیانیے نے پہنچایا ہے۔
انہوں نے عمران خان اور پی ٹی آئی کے سیاسی طرزِ عمل کو بھی تنقید کا نشانہ بناتے ہوئے اسے ملک میں انتشار اور تقسیم کا باعث قرار دیا۔