سائنس/فیچر – Pakistan Today

واٹس ایپ اکاؤنٹ کے بغیر بھی اب دوستوں کی کالز کا حصہ بننا ممکن

Omer Zaheer — Fri, 16 Oct 2026 13:40:46 +0000

واٹس ایپ میں میسجنگ اور کالنگ کے لیے اب تک ایک اکاؤنٹ بنانے کی ضرورت ہوتی ہے۔مگر اب واٹس ایپ نے ہر ایک کے لیے کالز کا حصہ بننا آسان کر دیا ہے اور بغیر اکاؤنٹ کے بھی ایسا ممکن ہوسکے گا۔جی ہاں واٹس ایپ نے کالنگ کی سہولت کو مزید آسان بناتے ہوئے ایسے افراد کو بھی کالز کا حصہ بننے کا موقع فراہم کیا ہے جن کا اس پلیٹ فارم پر اکاؤنٹ موجود نہیں۔ایک بلاگ پوسٹ میں واٹس ایپ نے بتایا کہ اب صارفین کال لنک شیئر کرکے ایسے افراد کو بھی گفتگو میں شامل کرسکتے ہیں جو واٹس ایپ استعمال نہیں کرتے۔جس فرد کو آپ کی جانب سے لنک ملے گا وہ ویب براؤزر کے ذریعے کال میں شامل ہوسکے گا۔یہ سہولت انفرادی اور گروپ دونوں طرح کی کالز کے لیے دستیاب ہے، جن میں بیک وقت 32 افراد شرکت کرسکتے ہیں۔
کمپنی کے مطابق لنک کے ذریعے شامل ہونے والے افراد کی کالز کو بھی اینڈ ٹو اینڈ انکرپشن کا تحفظ حاصل ہوگا۔اس کے علاوہ صارفین کو ہاتھ اٹھانے، اسکرین شیئرنگ اور دیگر بنیادی فیچرز بھی دستیاب ہوں گے۔واٹس ایپ کالز کی طرح یہ سہولت بھی مفت ہوگی اور کال کے دورانیے پر کوئی حد مقرر نہیں کی گئی۔
کال لنک کیسے بنایا جائے؟واٹس ایپ کے مطابق کال شروع کرنے کے لیے صارفین کو ایپ میں کالز کے ٹیب پر جانا ہوگا، پھر ’پلس (+)‘ کے آئیکون پر کلک کرکے کال لنک بنانا ہوگا۔اس کے بعد یہ لنک ان افراد کو بھیجا جاسکتا ہے جن سے بات کرنا چاہتے ہیں۔لنک موصول کرنے والے افراد اپنے کمپیوٹر کے ویب براؤزر میں اسے کھول کر اپنا نام درج کرسکیں گے اور میزبان کی اجازت ملنے کے بعد انفرادی یا گروپ کال میں شامل ہوسکیں گے۔
یہ واضح رہے کہ کال لنک بنانے کے لیے واٹس ایپ اکاؤنٹ ہونا ضروری ہے۔بلاگ پوسٹ میں مزید بتایا گیا کہ مستقبل قریب میں واٹس ایپ پلگ ان کے ذریعے ان کال لنکس کو گوگل کیلنڈر اور مائیکروسافٹ آؤٹ لک کے ساتھ بھی مربوط کیا جائے گا، جس سے میٹنگز اور گفتگو کا شیڈول بنانا مزید آسان ہوجائے گا۔

چین میں ٹریفک سگنلز پر ڈرون اسٹیشنز قائم، نئی ٹیکنالوجی نے دنیا کو حیران کردیا

Omer Zaheer — Thu, 15 Oct 2026 17:31:01 +0000

چین میں جدید ٹیکنالوجی کے استعمال سے شہری نظام کو مزید بہتر بنانے کے لیے ٹریفک سگنلز کے اوپر ڈرونز کے خصوصی اسٹیشنز قائم کیے گئے ہیں۔ ان اسٹیشنز سے ڈرونز خودکار انداز میں اڑان بھریں گے اور اپنا کام مکمل کرنے کے بعد واپس آکر چارج بھی ہوں گے۔
اس جدید نظام کے تحت ڈرونز کو ٹریفک سگنلز پر نصب مخصوص اسٹیشنز سے کنٹرول کیا جاسکے گا۔ ڈرونز کو ضرورت کے مطابق روانہ کیا جائے گا اور واپسی پر ان کی بیٹری چارج ہونے کا انتظام بھی انہی اسٹیشنز پر موجود ہوگا۔
اس ٹیکنالوجی سے شہری نگرانی، ٹریفک کی صورتحال کا جائزہ لینے اور ہنگامی حالات میں امدادی سرگرمیوں کو تیز کرنے میں مدد مل سکتی ہے۔ ڈرونز کے ذریعے مختلف علاقوں کی فضائی نگرانی اور معلومات جمع کرنے کا عمل بھی زیادہ مؤثر بنایا جاسکتا ہے۔
چین میں ٹریفک سگنلز پر ڈرون اسٹیشنز کا قیام جدید شہری ٹیکنالوجی کی جانب ایک منفرد قدم قرار دیا جارہا ہے۔ تاہم، اس نظام کے عملی فوائد اور استعمال کی تفصیلات کا انحصار اس بات پر ہوگا کہ اسے کن مقاصد کے لیے اور کس پیمانے پر استعمال کیا جاتا ہے۔

واٹس ایپ صارفین ہوشیار! پرانے موبائل فونز پر سروس بند ہونے کا خدشہ

Omer Zaheer — Tue, 13 Oct 2026 10:36:02 +0000

واٹس ایپ استعمال کرنے والے صارفین کے لیے اہم خبر سامنے آگئی ہے۔ میٹا کی زیرِ ملکیت مقبول میسجنگ ایپ پرانے آپریٹنگ سسٹمز والے موبائل فونز کی سپورٹ ختم کرنے کے حوالے سے خبروں میں ہے، جس کے باعث بعض صارفین کو واٹس ایپ استعمال کرنے میں مشکلات پیش آسکتی ہیں۔

رپورٹس کے مطابق، پرانے اینڈرائیڈ اور آئی فون آپریٹنگ سسٹمز پر واٹس ایپ کی سروس متاثر ہوسکتی ہے۔ ایسے صارفین کو ایپ میں لاگ اِن کرنے، اسے اپ ڈیٹ کرنے یا معمول کے مطابق استعمال جاری رکھنے میں دشواری کا سامنا کرنا پڑ سکتا ہے۔

واٹس ایپ کے سرکاری ہیلپ سینٹر کے مطابق، 8 ستمبر 2026 سے اینڈرائیڈ 6.0 سے پرانے ورژنز کی سپورٹ ختم ہوچکی ہے، جبکہ 30 نومبر 2026 سے آئی فون پر واٹس ایپ چلانے کے لیے iOS 15.5 یا اس سے نیا ورژن درکار ہوگا۔

WhatsApp Help Center

صارفین کو مشورہ دیا گیا ہے کہ وہ اپنے موبائل فون کا آپریٹنگ سسٹم چیک کریں اور اگر اپ ڈیٹ دستیاب ہو تو اسے انسٹال کرلیں۔ اس کے ساتھ ہی واٹس ایپ چیٹس کا بیک اپ بنانا بھی ضروری ہے تاکہ کسی ممکنہ مسئلے کی صورت میں اہم گفتگو محفوظ رہے۔

اگر کسی پرانے فون کے لیے مطلوبہ سافٹ ویئر اپ ڈیٹ دستیاب نہیں تو صارف کو واٹس ایپ استعمال جاری رکھنے کے لیے نیا فون لینا پڑ سکتا ہے۔ تاہم، آئی فون صارفین میں سے بہت سے افراد صرف سافٹ ویئر اپ ڈیٹ کرکے سروس جاری رکھ سکیں گے۔

انسٹا گرام میں ایک نئی تبدیلی کی آزمائش

Omer Zaheer — Sun, 11 Oct 2026 16:53:40 +0000

انسٹا گرام کی جانب سے ریلز کو ایپ کا بنیادی فیچر بنانے کے لیے ایک نیا فیصلہ کیا گیا ہے۔
میٹا کی زیر ملکیت فوٹو شیئرنگ ایپ کے اندر ایک متبادل یوزر انٹرفیس کی آزمائش کی جا رہی ہے۔اس کے تحت صارفین کو ایپ اوپن کرنے پر روایتی فیڈ کی بجائے براہ راست ریلز فیڈ اوپن کرنے کا آپشن دیا جائے گا۔
ایک رپورٹ میں بتایا گیا کہ کمپنی کی جانب سے اس کی آزمائش محدود صارفین میں کی جا رہی ہے۔
رپورٹ کے مطابق انسٹا گرام کی جانب سے صارفین کو آپشن دیا جائے گا کہ وہ ریلز کو مین فیڈ بنا دیں۔ایسا کرنے پر اسٹوریز بدستور ہوم اسکرین کے اوپر نظر آئیں گی جبکہ صارفین روایتی فیڈ پر بھی جاسکیں گے۔
انسٹا گرام کی جانب سے اس پر کافی عرصے سے کام کیا جا رہا ہے۔مگر اب اس کی صارفین میں آزمائش شروع کی گئی ہے۔میٹا کی جانب سے ریلز پر زیادہ توجہ اس لیے مرکوز کی جا رہی ہے کیونکہ اب 50 فیصد سے زائد صارفین کا وقت ریلز ویڈیوز دیکھتے ہوئے گزرتا ہے۔

چین نے ایک اور راکٹ خلا میں بھیج دیا انٹرنیٹ سیٹلائٹس کا 27 واں گروپ مدار میں داخل

Omer Zaheer — Sat, 10 Oct 2026 09:39:13 +0000

چین نے ہفتے کی صبح لانگ مارچ 12 راکٹ کامیابی سے خلا میں روانہ کردیا، جس کے ذریعے انٹرنیٹ سیٹلائٹس کا نیا گروپ مدار میں پہنچا دیا گیا۔

چینی راکٹ جنوبی صوبے ہینان میں واقع تجارتی خلائی مرکز سے صبح 3 بج کر 27 منٹ پر روانہ ہوا۔
چینی حکام کے مطابق راکٹ نے اپنا مشن کامیابی سے مکمل کیا اور کم بلندی والے مدار میں انٹرنیٹ سیٹلائٹس کے 27ویں گروپ کو مقررہ مدار میں پہنچا دیا۔

یہ سیٹلائٹس انٹرنیٹ کی سہولت فراہم کرنے والے چینی خلائی منصوبے کا حصہ ہیں۔

فیس بک میں نئی تبدیلی جومکمل طور پر بدل دے گی

Omer Zaheer — Thu, 08 Oct 2026 13:23:48 +0000

فیس بک دنیا کا مقبول ترین سوشل میڈیا پلیٹ فارم ہے اور اب یہ مکمل طور پر بدلنے والا ہے۔
میٹا کی جانب سے فیس بک میں ایسی تبدیلی کی جا رہی ہے جو اس سروس کے استعمال کا تجربہ مکمل طور پر بدل دے گی۔
درحقیقت میٹا کی جانب سے فیس بک کو براہ راست ٹک ٹاک اور یوٹیوب شارٹس کے مقابلے کے لیے تبدیل کیا جا رہا ہے۔
ایک رپورٹ کے مطابق میٹا کی جانب سے فیس بک کے نئے ری ڈیزائن انٹرفیس کی آزمائش کی جا رہی ہے جس میں سوشل میڈیا پلیٹ فارم کے روایتی ٹیکسٹ اور فوٹو پوسٹس کی بجائے ویڈیوز کو ترجیح دی جائے گی۔

مختلف اکاؤنٹس پر ایک ہی پاس ورڈ !صارفین کو ہیکنگ کا شدید خطرہ

Omer Zaheer — Wed, 07 Oct 2026 17:06:45 +0000

پاکستان کے قومی سائبر سیکیورٹی اداروں (NCERT اور NTC) نے ملک بھر کے انٹرنیٹ صارفین کے لیے ایک ہنگامی ایڈوائزری جاری کی ہے، جس میں کمزور پاس ورڈ عادات اور ایک ہی پاس ورڈ کو متعدد ویب سائٹس پر بار بار استعمال کرنے (Password Reuse) کے خلاف سخت وارننگ دی گئی ہے۔
حکام کے مطابق ہیکرز کسی ایک عام ایپ یا ویب سائٹ کا ڈیٹا چوری کرنے کے بعد خودکار اسکرپٹس کے ذریعے اسی پاس ورڈ کو صارفین کے حساس اکاؤنٹس جیسے کہ بینکنگ ایپس، ای میل اور سوشل میڈیا پر آزماتے ہیں، جس سے سیکنڈز میں متعدد اکاؤنٹس ہیک ہو جاتے ہیں۔ اس کے ساتھ ہی، نادرہ (NADRA) اور ایف بی آر (FBR) جیسی آفیشل ویب سائٹس سے ملتی جلتی جعلی (Phishing) ویب سائٹس کے ذریعے بھی ڈیٹا چوری کیے جانے کا انکشاف ہوا ہے۔
اس شدید خطرے سے بچنے کے لیے شہریوں کو سختی سے ہدایت کی گئی ہے کہ وہ اپنے ہر اکاؤنٹ کے لیے بالکل منفرد اور مضبوط پاس ورڈ رکھیں، تمام اکاؤنٹس پر ٹو-فیکٹر اتھینٹیکیشن (2FA) لازمی فعال کریں، اور کسی بھی سرکاری پورٹل پر لاگ ان کرنے سے پہلے لازمی تصدیق کر لیں کہ اس کا ویب ایڈریس صرف .gov.pk پر ہی ختم ہوتا ہو۔

انسٹاگرام کا ’’خاموش موڈ‘‘ کیا ہے؟نیا فیچر خاموش براوزنگ کی سہولت دے گا

Omer Zaheer — Wed, 07 Oct 2026 16:23:08 +0000

انسٹاگرام پر خاموشی سے براؤزنگ، نہ لائک، نہ کمنٹ، نہ فالو اورنہ ہی کوئی نشان،بڑی سہولت متعارف کرادی۔
انسٹاگرام کا ایک خفیہ فیچر سامنے آگیا، جو صارفین کو ایسا براؤزنگ تجربہ دے سکتا ہے جس میں ان کی سرگرمی دوسروں کو نظر نہیں آئے گی۔ ریڈ اونلی موڈ۔نئے فیچر کے ذریعے صارف انسٹاگرام پر موجود تصاویر، ویڈیوز اور دیگر مواد دیکھ تو سکے گا، لیکن لائک، کمنٹ، فالو یا پیغام بھیجنے کی اجازت نہیں ہوگی۔ یہاں تک کہ اسٹوریز دیکھنے کی سہولت بھی بند رہے گی۔یعنی صارف انسٹاگرام پر موجود تو ہوگا۔ مگر اس کی موجودگی کا کوئی عام سرگرمی والا نشان نظر نہیں آئے گا۔
ٹیکنالوجی سے متعلق معلومات سامنے لانے والے ریورس انجینئر الیساندرو پالوزی کی جانب سے شیئر کیے گئے اسکرین شاٹس کے بعد اس ممکنہ فیچر نے صارفین کی توجہ حاصل کرلی ہے۔
ابتدائی معلومات کے مطابق ریڈ اونلی موڈ ممکنہ طور پر انسٹاگرام پلس صارفین کیلئے زیرِ غور ہے۔ تاہم یہاں ایک اہم موڑ بھی ہے۔انسٹاگرام نے واضح کیا ہے کہ یہ فیچر فی الحال عام صارفین کیلئے ٹیسٹ نہیں کیا جا رہا۔ بلکہ صرف اندرونی سطح پر ایک تجربہ ہے۔

ایلون مسک ایک بارپھر کھرب پتی بن گئے

Omer Zaheer — Tue, 06 Oct 2026 19:41:59 +0000

معروف امریکی کمپنی ٹیسلا کے بانی ایلون مسک ایک بار پھر دنیا کے پہلے کھرب پتی بن گئے۔
بلوم برگ بلینیئرز انڈیکس کے مطابق ایلون مسک کی دولت میں 1 ہی دن میں 65 ارب ڈالرز کا اضافہ ہوا اور ان کی دولت کی مجموعی مالیت 1.04 کھرب ڈالرز تک پہنچ گئی۔
رپورٹ میں بتایا گیا ہے کہ ایلون مسک کی دولت میں اضافے کی بڑی وجہ اسپیس ایکس اور ٹیسلا کے شیئرز کی قیمتوں میں اضافہ ہے۔

ایلون مسک کا اسپیس ایکس اے آئی“ کا نام تبدیل کرنے کا اعلان

Omer Zaheer — Mon, 05 Oct 2026 12:20:38 +0000

اسپیس ایکس کے سربراہ ایلون مسک نے اپنی کمپنی کے اے آئی یونٹ ’اسپیس ایکس اے آئی‘ کا نام بدلنے کا اعلان کر دیا۔
ایلون مسک سے سوشل میڈیا ویب سائٹ ایکس پر ایک صارف نے یہ سوال کیا کہ کیا آپ اسپیس ایکس اے آئی کا نام تبدیل کر کے اسپیس ایکس ایس آئی رکھنے والے ہیں؟
اُنہوں نے صارف کے اس سوال کا جواب دیتے ہوئے لکھا کہ جی ہم یہ تبدیلی کریں گے۔
ایلون مسک نے صارف کے سوال کا جواب دیتے ہوئے نہ تو کمپنی کے اے آئی یونٹ کا نام تبدیل کرنے کی حتمی تاریخ بتائی اور نہ ہی زیادہ تفصیلات سے آگاہ کیا۔
واضح رہے کہ یہ فیصلہ ایسے وقت میں سامنے آیا ہے جب ڈونلڈ ٹرمپ ’آرٹیفیشل انٹیلیجنس‘ کے بجائے ’سُپر انٹیلیجنس‘ کی اصطلاح استعمال کرنے پر زور دے رہے ہیں۔
امریکی صدر نے گزشتہ ماہ اقوامِ متحدہ کی جنرل اسمبلی سے خطاب میں امریکی سرکاری دستاویزات میں یہ نئی اصطلاح استعمال کرنے کی خواہش ظاہر کی تھی۔