ان کاکہناتھاکہ انہیں اس بات سے دلچسپی نہیں ہوتی کہ آپ واقعی کیسے ہیں بلکہ وہ جاننا چاہتے ہیں کہ آپ زندگی میں کہاں کھڑے ہیں تا کہ موازنہ کر سکیں، باتیں بنا سکیں یا خاموشی سے مقابلہ کر سکیں اس لیے وقت کے ساتھ انسان سمجھتا ہے کہ رازداری بھی ایک سکون ہے۔
اپنی ہر بات سب کو مت بتائیں اپنے آپ کو Limit میں رکھیں اپنے الفاظ اپنے منصوبے اپنی تکلیف اور اپنی خوشیاں ہر کسی کے ساتھ شیئر نہ کریں کیونکہ ہر شخص آپ کا خیر خواہ نہیں ہوتا اور ہر مسکراہٹ کے پیچھے آپ کی خوشی پر خوش ہونے کا جذبہ نہیں ہوتا۔

بالی ووڈ اداکار اکشے کمار نے کہا ہے کہ میمز اور ریلز کے دور میں لوگوں کو ہنسانا پہلے سے کہیں زیادہ مشکل ہو گیا ہے۔۔

اپنی نئی فلم کی تشہیری مہم کے دوران اکشے کمار نے کہا کہ آج انسٹاگرام، یوٹیوب اور دیگر پلیٹ فارمز پر ہر طرف مزاحیہ مواد موجود ہے، اس لیے ناظرین کو کچھ نیا اور منفرد پیش کرنا ایک بڑا چیلنج بن چکا ہے۔

انہوں نے کہا کہ کامیڈی آج بھی سب سے مشکل فنون میں شمار ہوتی ہے، جبکہ اسٹینڈ اپ کامیڈینز غیر معمولی صلاحیت رکھتے ہیں کیونکہ ایک شخص کا تنہا اسٹیج پر کھڑے ہو کر پورے مجمع کو مسلسل ہنسانا آسان کام نہیں۔

پاکستانی اداکارہ ہاجرہ یامین نے سانحہ کربلا پر ایک انتہائی اثر انگیز اور فکر انگیز پیغام شیئر کیا ہے، جس میں انہوں نے کہا کہ کربلا کے میدان میں جو کچھ بھی ہوا، انہیں اس میں اللہ تعالیٰ کی عظمت اور جلال کے سوا کچھ نظر نہیں آیا۔ انہوں نے تاریخ کی دو اہم شخصیات کا موازنہ کرتے ہوئے اس بات پر زور دیا کہ ایک طرف ظلم و ستم تھا تو دوسری طرف سچائی، قربانی اور راست بازی کا سمندرتھا۔
ان کا یہ بیان معرکہ کربلا کے اس ابدی پیغام کو نمایاں کرتا ہے جہاں انصاف، ظلم و جبر کے سامنے مضبوط دیوار بن کر کھڑا ہو گیا۔
سوشل میڈیا پر ہاجرہ یامین کے ان ریمارکس کو فوری طور پر توجہ ملی اور مداحوں سمیت مذہبی حلقوں میں اس پر گفتگو شروع ہوگئی۔ کثیر تعداد میں لوگوں نے ان کے اس جذباتی اندازِ بیاں کو سراہا اور جس طرح انہوں نے تاریخی اسباق کو روحانی بصیرت سے جوڑا، اس نے لوگوں کو یاد دلایا کہ آج کے مشکل دور میں بھی سچائی کے ساتھ کھڑے رہنا کتنا ضروری ہے۔

خاندانی ذرائع کے مطابق طارق طافو کو پیٹ میں شدید تکلیف کے باعث فوری طور پر ایک نجی اسپتال منتقل کیا گیا، جہاں وہ دورانِ علاج انتقال کر گئے۔

ان کے اچانک انتقال کی خبر سامنے آنے کے بعد شوبز اور موسیقی سے وابستہ شخصیات نے گہرے دکھ اور افسوس کا اظہار کیا ہے۔

طارق طافو اپنے مقبول گیت ’’لاہور لاہور اے‘‘ کے باعث پاکستان سمیت دنیا بھر میں پہچانے جاتے تھے۔ ان کی گائیکی نے انہیں موسیقی کے شائقین میں ایک منفرد مقام دلایا۔

مرحوم معروف غزل گائیک استاد غلام علی کے داماد بھی تھے۔ انہوں نے سوگواران میں اہلیہ، دو بیٹیاں اور ایک بیٹا چھوڑا ہے۔

فن اور موسیقی کے حلقوں میں طارق طافو کے انتقال کو ایک بڑا نقصان قرار دیا جا رہا ہے، جبکہ مداح ان کی فنی خدمات کو خراجِ عقیدت پیش کر رہے ہیں۔