شوبز – Pakistan Today

خدا ہر ماں، باپ کو اتنی عمر دے کہ وہ ساری خوشیاں دیکھ سکیں، جو انہوں نے اپنی اولاد کیلئے مانگی ہیں،فہد مصطفیٰ

Omer Zaheer — Fri, 18 Sep 2026 12:35:22 +0000

اداکار فہد مصطفیٰ نے والدین کے حوالے سے ایک جذباتی پیغام شیئر کرتے ہوئے دعا کی کہ اللہ تعالیٰ ہر والدین کو لمبی عمر عطا فرمائے تاکہ وہ اپنی اولاد کے لیے مانگی گئی ہر خوشی کو اپنی آنکھوں سے دیکھ سکیں۔

فہد مصطفیٰ کا کہنا تھا کہ والدین کی سب سے بڑی خوشی یہی ہوتی ہے کہ وہ اپنی اولاد کو کامیاب اور خوشحال دیکھیں، اس لیے ہر والدین کو اتنی عمر ملے کہ وہ اپنی دعاؤں کو حقیقت بنتے دیکھ سکیں۔

مکہ مکرمہ میں نئی زندگی کا آغاز، کرن خان نے اشتیاق بیگ سے نکاح کرلیا

Omer Zaheer — Thu, 17 Sep 2026 13:21:19 +0000

پاکستانی میزبان اور اداکارہ کرن خان نے اشتیاق بیگ کے ساتھ مکہ مکرمہ میں نکاح کرلیا، جس کی خوشخبری دونوں نے عمرہ کی ادائیگی کے دوران سوشل میڈیا کے ذریعے مداحوں کو دی۔

نکاح کی خبر سامنے آنے کے بعد مداحوں اور دوستوں کی جانب سے دونوں کے لیے مبارکباد کے پیغامات کا سلسلہ جاری ہے۔

کرن خان نے اپنی خوشی کا اظہار کرتے ہوئے عمرہ اور نکاح کو زندگی کی دو بڑی نعمتیں قرار دیا۔ اداکارہ کا کہنا تھا کہ مکہ مکرمہ میں عمرہ کی سعادت کے ساتھ نئی زندگی کا آغاز ان کے لیے بڑی برکت اور خوش نصیبی ہے۔

انہوں نے دعا کی کہ اللہ تعالیٰ ان کا عمرہ قبول فرمائے، ازدواجی زندگی میں برکت عطا کرے اور دونوں کو ایک دوسرے کے لیے سکون، محبت اور بھلائی کا ذریعہ بنائے۔

کرن خان اور اشتیاق بیگ نے مکہ مکرمہ میں اپنی حاضری اور عمرہ کی سعادت سے متعلق تصاویر اور پیغامات بھی سوشل میڈیا پر مداحوں کے ساتھ شیئر کیے۔

منٹو کہتے تھے مجھے رات بہت پسند ہے اور جیسے جیسے صبح ہوتی ہے ایک خوف سا آتا ہے،ادا کار نبیل ظفر

Omer Zaheer — Wed, 16 Sep 2026 12:50:18 +0000

پاکستانی شوبزانڈسٹری کےادا کار نبیل ظفرنےمنٹوسےمنسوب پیغام شیئرکیاجس میں انہوں نےکہاکہ منٹو کہتے تھے مجھے رات بہت پسند ہے اور جیسے جیسے صبح ہوتی ہے ایک خوف سا آتا ہے پھر دنیا داری ، پھر مکاری ، پھر اداکاری اور پھر غداری۔
اداکار نبیل ظفرنے منٹو سے منسوب ایک ایسی بات شیئر کی جس میں زندگی کا ایک تلخ سبق چھپا ہے۔ “مجھے رات بہت پسند ہے، جیسے جیسے صبح ہوتی ہے ایک خوف سا آتا ہے، پھر دنیا داری، پھر مکاری، پھر اداکاری اور پھر غداری۔” شاید پیغام یہ ہے کہ دنیا کے بدلتے رنگوں سے خود کو بچاؤ، ہر مسکراہٹ کو خلوص نہ سمجھو اور ہر تعلق کو سچا نہ مانو۔
لوگوں کے رویے جیسے بھی ہوں، ہمیں اپنی سچائی، خلوص اور کردار نہیں چھوڑنا چاہیے، کیونکہ اصل کامیابی دوسروں کی طرح بن جانے میں نہیں بلکہ خود کو ان کے درمیان بھی اچھا انسان رکھنے میں ہے۔

بیویوں کا دوستوں میں مذاق اُڑانا دیسی مردوں کا کلچر ہے،اداکارہ سنیتا مارشل

Omer Zaheer — Tue, 15 Sep 2026 11:56:22 +0000

پاکستانی اداکارہ و ماڈل سنیتا مارشل نے معاشرے میں بعض مردوں کے اپنی بیویوں کے ساتھ نامناسب رویے پر اظہارِ خیال کیا ہے۔
حال ہی میں ایک مارننگ شو میں گفتگو کرتے ہوئے سنیتا مارشل نے کہا کہ ’’تقریباً 98 فیصد مرد دوستوں میں بیٹھ کر اپنی بیویوں کا مذاق اڑاتے ہیں۔ یہ ہمارے دیسی کلچر میں زیادہ ہے، لیکن مغرب میں ایسا کچھ نہیں ہے۔‘‘
اداکارہ نے کہا کہ اگر بیوی سب کے سامنے کوئی مشورہ دے تو بعض شوہر اسی وقت اسے یہ کہہ دیتے ہیں کہ ’’تم اپنے مشورے اپنے پاس رکھو‘‘، حالانکہ یہی بات بعد میں بھی مناسب انداز میں سمجھائی جا سکتی ہے۔
سنیتا مارشل نے مزید کہا کہ ہمارے معاشرے میں بعض مردوں کی ذہنیت ایسی بنائی جاتی ہے کہ بیویاں شوہروں سے کم تر ہیں۔ ان کے مطابق بعض شوہر بیوی سے ’آپ‘ کے بجائے ’تم‘ کہہ کر بات کرتے ہیں اور خود کو برتر سمجھتے ہیں، جس کی وجہ سے وہ بیوی کا مذاق اڑانا بھی اپنا حق سمجھتے ہیں۔
سنیتا مارشل کا یہ بیان سوشل میڈیا پر وائرل ہوگیا، جہاں صارفین نے ان کے مؤقف پر مختلف آرا کا اظہار کیا۔

مجھےشادی کرنے کا حق ہے اور کوئی بھی اس پر پابندی نہیں لگاسکتا،اداکارہ حمیرابانو

Omer Zaheer — Mon, 14 Sep 2026 12:08:05 +0000

سینئر اداکارہ حمیرا بانو نے شادی پر تنقید کرنے والوں کو جواب دیتے ہوئے لکھا ’’ میری مرضی ہے میں جس بھی عمر میں نکاح کروں، میں نے ایک عمر اکیلئے گزاری ہے ، کسی کو میری زندگی کے بارے میں نہیں معلوم کے میں نے کس قدر مشکلات کا سامنا کیا۔
اداکارہ نے مزید لکھا کہ’’ مجھےشادی کرنے کا حق ہے، یہ حق مجھے اللہ نے دیا ہے اور کوئی بھی انسان اس پر پابندی نہیں لگاسکتا۔‘‘
واضح رہے کہ اداکارہ حمیرا بانو نے 54 سال کی عمر میں شادی کی، ان کی شادی کی خبر سامنے آنے کے بعد مداحوں اور سوشل میڈیا صارفین کی جانب سے انہیں نئی زندگی کے لیے نیک خواہشات اور دعائیں دی جا رہی ہیں۔

زندگی کے اس حصے میں دوبارہ ماں بننے کی توقع نہیں تھی ،ادکارہ ماہرہ خان

Omer Zaheer — Mon, 14 Sep 2026 11:47:41 +0000

اداکارہ ماہرہ خان نے کہا ہے کہ انہیں زندگی کے اس مرحلے پر دوبارہ ماں بننے کی توقع نہیں تھی۔ انہوں نے ٹورنٹو انٹرنیشنل فلم فیسٹیول کے موقع پر ایک انٹرویو میں اپنے حمل اور اس تجربے کے بارے میں گفتگو کی۔
ماہرہ خان نے بتایا کہ جب وہ پہلی بار ماں بنی تھیں تو ان کی عمر 24 سال تھی، جبکہ اب وہ 41 سال کی ہیں اور جسمانی و جذباتی طور پر ایک مختلف عورت ہیں۔ ان کے مطابق اس بار حمل کا تجربہ جسمانی طور پر زیادہ مشکل ہے، جبکہ جذباتی طور پر خوشی کے ساتھ خوف اور تھکن بھی محسوس ہوتی ہے۔
اداکارہ نے کہا کہ انسان اپنی زندگی کے لیے بہت سے منصوبے بناتا ہے، لیکن اللہ کی منصوبہ بندی سب سے بہتر ہوتی ہے۔ انہوں نے مزید کہا کہ اس تجربے نے انہیں حالات کو قبول کرنے اور اللہ کی مرضی کے آگے خود کو سپرد کرنے کا سبق دیا ہے۔
ماہرہ خان نے 2007 میں علی عسکری سے شادی کی تھی، جن سے ان کا بیٹا اذلان 2009 میں پیدا ہوا۔ دونوں کی 2016 میں طلاق ہوگئی۔ بعد ازاں ماہرہ خان نے سلیم کریم سے اکتوبر 2023 میں شادی کی۔

کنوارے ملکی حالات بدل سکتے ہیں، شادی شدہ ٹی وی چینل بھی نہیں،اداکار نبیل ظفر

Omer Zaheer — Sat, 12 Sep 2026 08:09:00 +0000

اداکار نبیل ظفر نے پاکستان کے حالات پر گفتگو کرتے ہوئے شادی شدہ اور غیر شادی شدہ افراد کی زندگی کے فرق پر دلچسپ اور مزاحیہ انداز میں تبصرہ کیا۔

نبیل ظفر کا کہنا تھا کہ ملک کے حالات صرف اور صرف کنوارے افراد ہی بدل سکتے ہیں، کیونکہ شادی شدہ لوگ تو بیچارے گھر کا ٹی وی چینل بھی اپنی مرضی سے تبدیل نہیں کر سکتے۔

اداکار کی اس ہلکے پھلکے تبصرے نے شادی شدہ زندگی کے روزمرہ معاملات کو مزاحیہ انداز میں اجاگر کیا، جسے ناظرین نے بھی دلچسپ اور قابلِ تعلق قرار دیا۔

ثاقب چدھڑ سچے دل سےمجھ سے معافی مانگ لےتو میں معاف کر دوں گی،مومنہ اقبال

Omer Zaheer — Fri, 11 Sep 2026 19:16:05 +0000

پاکستان شوبزانڈسٹری کی معروف اداکارہ مومنہ اقبال نےکہاہےکہ ثاقب چدھڑسچے دل سے مجھ سے معافی مانگ لے تو میں معاف کر دوں گی۔
پاکستان شوبز انڈسٹری کی معروف اداکارہ مومنہ اقبال نے سوشل میڈیا پر جاری حالیہ تنازع کے بعد ایک بیان جاری کر دیا ہے۔
اپنے حالیہ انٹرویو میں بات کرتے ہوئے مومنہ اقبال نے کہا ثاقب چدھڑسچے دل سے مجھ سے معافی مانگ لیتے تو میں معاف کر دیتی۔

ثاقب چدھڑ کے انٹرویو پر مومنہ اقبال برہم

Omer Zaheer — Thu, 10 Sep 2026 12:18:07 +0000

پاکستانی اداکارہ مومنہ اقبال نے مسلم لیگ ن کے ایم پی اے ثاقب چدھڑ کی جانب سے اپنے اور اپنی بہن کے خلاف لگائے گئے الزامات کو مسترد کرتے ہوئے انہیں جھوٹا قرار دے دیا۔
ثاقب چدھڑ کا انٹرویو سوشل میڈیا پر وائرل ہونے کے بعد مومنہ اقبال نے انسٹاگرام اسٹوری کے ذریعے اپنا مؤقف پیش کیا۔
اداکارہ نے ثاقب چدھڑ کا انٹرویو کرنے والی میزبان کے ولیمے کی ویڈیو بھی اپنی اسٹوری میں شیئر کی۔
مومنہ اقبال نے الزام عائد کیا کہ ثاقب چدھڑ نے پوڈکاسٹ اپنی دوست کے ساتھ کیا اوراسی کے سامنے ایسے ثبوت پیش کیے جنہیں اداکارہ نے جعلی قرار دیا۔
ان کے مطابق ان ثبوتوں کی تصدیق بھی میزبان کی دوست سے ہی کروائےگئی۔
اداکارہ نے ثاقب چدھڑ کو مخاطب کرتے ہوئے کہا کہ اگر وہ یہ معاملہ عوامی سطح پر لے کر آئے ہیں تو انہیں مبینہ ثبوت بھی عوام کے سامنے کیمرے پر پیش کرنے چاہئیں تھے، تاکہ لوگ خود فیصلہ کرسکیں کہ حقیقت کیا ہے اور جھوٹ کیا۔

بپاشا باسو 6سال بعدپھر اسکرین پر جلوہ گر ہوں گی

Omer Zaheer — Mon, 07 Sep 2026 12:22:39 +0000

بالی وڈ کی معروف اداکارہ بپاشا باسو تقریباً چھ سال کے وقفے کے بعد ایک بار پھر اداکاری کے میدان میں واپسی کرنے جارہی ہیں۔

بھارتی میڈیا کے مطابق اداکارہ ہدایت کار ہنسل مہتا کی نئی کرائم تھرلر سیریز ’بارابنکی‘ میں مرکزی کردار نبھائیں گی۔ بپاشا باسو نے ممبئی میں سیریز کی شوٹنگ بھی شروع کردی ہے، جو طویل وقفے کے بعد ان کا پہلا بڑا اسکرین پروجیکٹ ہوگا۔

’بارابنکی‘ کی کہانی ریٹائرڈ آئی پی ایس افسر آلوک لال کی کتاب ’دی بارابنکی نارکوز، بسٹنگ انڈیاز موسٹ نوٹوریئس ڈرگ کارٹل‘ سے ماخوذ ہے۔

سیریز میں اترپردیش میں منشیات کے ایک طاقتور گروہ کے خلاف ہونے والے حقیقی آپریشن کو موضوع بنایا گیا ہے، جس کے ذریعے افیون کے بڑے نیٹ ورک کے خاتمے کی کوشش کی گئی تھی۔