کھیل – Pakistan Today

ایشین گیمز کی رنگارنگ افتتاحی تقریب کل ہوگی

Omer Zaheer — Fri, 18 Sep 2026 13:30:42 +0000

گزشتہ ایشین گیمز میں پاکستان نے ایک سلور اور دو برانز میڈل جیتے تھےجاپان کے شہر ایچی ناگویا میں ایشین گیمز کی رنگا رنگ افتتاحی تقریب کل ہوگی۔
تفصیلات کے مطابق مارچ پاسٹ میں پاکستانی دستے کی قیادت فاطمہ ثناء اور نور زمان کریں گے4 جون تک جاری رہنے والی ان گیمز میں 45 ممالک کے 17 ہزار سے زائد ایتھلیٹس حصہ لے رہے ہیں۔
230 کھلاڑی اور آفیشلز پاکستانی دستے کا حصہ ہیں جو 23 کھیلوں میں میڈلز پانے کی جدوجہد کریں گےگزشتہ ایشین گیمز میں پاکستان نے ایک سلور اور دو برانز میڈل جیتے تھے۔سافٹ ٹینس مقالبوں میں پاکستان کو ٹیم ایونٹ میں جاپان،کوریا اور کمبوڈیا سےشکست کا سامنا کرنا پڑا ہے جبکہ ویمنز کرکٹ میں پاکستان کی ٹیم سیمی فائنل میں پہنچ گئی ہے۔
دوسری جانب اسکواش ٹیم بھی جاپان روانہ ہوگئی ہے۔

معاذ صداقت تیز ترین سنچری بنانے والے کم عمر کھلاڑی بن گئے

Omer Zaheer — Thu, 17 Sep 2026 13:13:49 +0000

پاکستان کے نوجوان کرکٹر معاذ صداقت نے کیریبین پریمیئر لیگ (سی پی ایل) میں شاندار بیٹنگ کا مظاہرہ کرتے ہوئے لیگ کی تاریخ میں تیز ترین سنچری اسکور کرنے والے کم عمر ترین کھلاڑی بننے کا اعزاز حاصل کر لیا ہے۔
جمیکا کنگز مین کی نمائندگی کرتے ہوئے معاذ صداقت نے بارباڈوس ٹرائیڈنٹس کے خلاف طوفانی اننگز کھیلی اور محض 44 گیندوں پر اپنی سنچری مکمل کی۔
انہوں نے مجموعی طور پر 49 گیندوں پر 8 چھکوں اور 9 چوکوں کی مدد سے 112 رنز کی جارحانہ اننگز تراشی۔

ایشین ہاکی چیمپئنز ٹرافی ،بھارت نے پاکستان کی نیوٹرل وینیو کی درخواست مسترد کردی

Omer Zaheer — Thu, 17 Sep 2026 06:58:52 +0000

پاکستان ہاکی ٹیم کی بھارت میں ایشین ہاکی چیمپئنز ٹرافی میں شرکت کے معاملے پر ہاکی انڈیا نے پاکستان ہاکی فیڈریشن کی نیوٹرل وینیوپرمیچزکی درخواست مستردکردی۔
سیکرٹری ہاکی انڈیا بھولا ناتھ سنگھ کا کہنا ہے کہ ایشین ہاکی چیمپئنز ٹرافی کے وینیو میں تبدیلی نہیں ہوگی، پاکستان نےشرکت کرنی ہےتو اسے بھارت آنا ہوگا۔

محمد رضوان کی این سی سی آئی اےطلبی کیخلاف درخواست خارج ہوگئی

Omer Zaheer — Thu, 17 Sep 2026 05:53:40 +0000

لاہور ہائیکورٹ نے کرکٹر محمد رضوان کی این سی سی آئی اے کی کارروائی کے خلاف درخواست خارج کر دی۔
چیف جسٹس عالیہ نیلم نے محمد رضوان کی درخواست خارج کرتے ہوئے کہا کہ درخواست گزار کو حقائق چھپانے پر جرمانہ ہونا چاہئے۔
سابق کپتان محمد رضوان نے این سی سی ائی اے کی کارروائی کے خلاف درخواست میں مؤقف اپنایا کہ این سی سی آئی اے نے بلاجواز طلبی کے نوٹس جاری کئے، عدالت این سی سی آئی اے کی کارروائی کالعدم قرا دے۔

ٹی 20 آل راؤنڈرز کی رینکنگ صائم ایوب دوسرے نمبر پر موجود

Omer Zaheer — Wed, 16 Sep 2026 12:42:12 +0000

انٹرنیشنل کرکٹ کونسل (آئی سی سی) نے کھلاڑیوں کی تازہ رینکنگ جاری کردی، جس میں پاکستانی کھلاڑیوں کی پوزیشنز میں بھی نمایاں تبدیلیاں ہوئی ہیں۔
ٹیسٹ بیٹرز کی رینکنگ میں انگلینڈ کے ہیری بروک کی پہلی پوزیشن برقرار ہے، جبکہ پاکستان کے اسٹار بیٹر بابر اعظم دو درجے ترقی کے بعد 13ویں نمبر پر آگئے ہیں۔
پاکستان کے سعود شکیل بھی دو درجے بہتری کے بعد 16ویں پوزیشن پر پہنچ گئے، جبکہ شان مسعود نے چار درجے ترقی کرکے 37ویں نمبر پر جگہ بنالی۔
ٹیسٹ باؤلرز کی رینکنگ میں آسٹریلیا کے فاسٹ باؤلر مچل اسٹارک بدستور پہلے نمبر پر ہیں، جبکہ انگلینڈ کے اولی رابنسن تیسرے نمبر پر موجود ہیں۔ پاکستان کے نعمان علی ایک درجے تنزلی کے بعد 10ویں جبکہ محمد عباس ایک درجہ نیچے آکر 16ویں نمبر پر آگئے ہیں۔
ون ڈے باؤلرز کی رینکنگ میں پاکستان کے کپتان شاہین شاہ آفریدی ایک درجے ترقی کے بعد ساتویں نمبر پر پہنچ گئے ہیں، جبکہ ون ڈے بیٹرز میں سلمان علی آغا ایک درجہ بہتری کے بعد 14ویں پوزیشن پر آگئے۔
ٹی20 باؤلرز کی رینکنگ میں افغانستان کے راشد خان پہلے اور پاکستان کے ابرار احمد دوسرے نمبر پر ہیں۔ پاکستان کے محمد نواز ایک درجے ترقی کے بعد آٹھویں جبکہ سلمان مرزا دو درجے تنزلی کے بعد 18ویں نمبر پر آگئے ہیں۔
ٹی20 بیٹرز کی رینکنگ میں بھارت کے ابھیشیک شرما دوسرے نمبر پر آگئے ہیں، جبکہ پاکستان کے صاحبزادہ فرحان دوسری سے تیسری پوزیشن پر چلے گئے۔
ٹی20 آل راؤنڈرز کی رینکنگ میں زمبابوے کے سکندر رضا پہلی پوزیشن پر جبکہ پاکستان کے صائم ایوب دوسرے نمبر پر موجود ہیں۔

رضوان اور امام الحق کے موبائل فونز سے کوئی مشکوک مواد نہیں ملا،ابتدائی رپورٹ جاری

Omer Zaheer — Wed, 16 Sep 2026 12:23:38 +0000

قومی کرکٹرز محمد رضوان اور امام الحق کے موبائل فونز کی ابتدائی فرانزک تحقیقات کے دوران ڈریسنگ روم کی معلومات مبینہ طور پر لیک کرنے کے حوالے سے کوئی اہم یا مشکوک معلومات نہیں ملی ہیں۔
نیشنل سائبر کرائم انویسٹی گیشن ایجنسی (NCCIA) نے انگلینڈ کے خلاف حالیہ ٹیسٹ سیریز کے دوران میڈیا پر ہونے والے افواہوں اور ڈسپلن کی خلاف ورزیوں کے الزامات کے بعد کھلاڑیوں کے فونز کو تحویل میں لیا تھا۔
اب ان آلات کو مزید گہرے فرانزک تجزیے کے لیے اسلام آباد منتقل کر دیا گیا ہے، جہاں مالیاتی معاملات اور دیگر ڈیٹا کی باریک بینی سے جانچ پڑتال کی جائے گی، جس کے بعد حتمی رپورٹ پاکستان کرکٹ بورڈ (پی سی بی) کو جمع کرائی جائے گی۔

قومی کرکٹر محمد رضوان نے (این سی سی آئی اے) کو بذریعہ کورئیر جواب ارسال کردیا

Omer Zaheer — Tue, 15 Sep 2026 12:11:43 +0000

قومی کرکٹر محمد رضوان نے نیشنل سائبر کرائم انویسٹی گیشن ایجنسی (این سی سی آئی اے) کو بذریعہ کورئیر جواب ارسال کردیا۔
جواب میں کئی سوال اٹھائے گئے ہیں جس میں پوچھا ہےکہ آپ نےمجھےبلایا کیوں تھا؟ میرا موبائل ابھی تک واپس کیوں نہیں کیا گیا؟میں نے کون سے ڈسپلن کی خلاف ورزی کی ہے بتایاجائے؟
ذرائع کا کہنا تھا کہ محمد رضوان نے خط میں یہ بھی سوال کیا ہے کہ میں پوچھناچاہتا ہوں کہ آپ لوگ مجھےکس وجہ سے بلا رہے ہیں؟

انگلینڈ کے ہاتھوں وائٹ واش کے بعد پاکستانی ٹیم کو سلو اوور ریٹ پر بھاری جرمانہ

Omer Zaheer — Mon, 14 Sep 2026 12:21:14 +0000

انگلینڈ کے خلاف ایجبسٹن ٹیسٹ میں سلو اوور ریٹ پر پاکستان کرکٹ ٹیم کو بھاری نقصان اٹھانا پڑ گیا، قومی ٹیم پر میچ فیس کا 50 فیصد جرمانہ عائد کردیا گیا جبکہ ورلڈ ٹیسٹ چیمپئن شپ کے 11 پوائنٹس بھی کم کردیئے گئے۔
آئی سی سی ایلیٹ پینل آف میچ ریفریز کے رنجن مدوگالے نے پاکستان کے خلاف کارروائی کرتے ہوئے قومی ٹیم کو مقررہ اوورز کے ہدف سے 11 اوورز کم قرار دیا۔
آئی سی سی کوڈ آف کنڈکٹ کے آرٹیکل 2.22 کے تحت مقررہ وقت میں ہر کم اوور پر کھلاڑیوں پر میچ فیس کا 5 فیصد جرمانہ عائد کیا جاتا ہے، تاہم اس جرمانے کی زیادہ سے زیادہ حد میچ فیس کا 50 فیصد ہے۔
سلو اوور ریٹ کے باعث پاکستان کو ورلڈ ٹیسٹ چیمپئن شپ میں بھی نقصان اٹھانا پڑا۔ ڈبلیو ٹی سی پلیئنگ کنڈیشنز کے آرٹیکل 16.11.2 کے مطابق مقررہ اوورز سے ہر ایک اوور کم ہونے پر ایک پوائنٹ کی کٹوتی کی جاتی ہے، جس کے تحت پاکستان کے 11 ڈبلیو ٹی سی پوائنٹس کم کردیئے گئے۔
آئی سی سی کے مطابق پاکستان کے کپتان بابر اعظم نے سلو اوور ریٹ کی خلاف ورزی کا اعتراف کرتے ہوئے عائد کردہ سزا قبول کرلی، جس کے باعث معاملے پر باقاعدہ سماعت کی ضرورت پیش نہیں آئی۔

باتیں کرلیں گے مگر ٹرافی نہیں لیں گے کھیل میں سیاست گھسیٹنے پر بھارت کا دوغلا معیار بے نقاب

Omer Zaheer — Mon, 14 Sep 2026 12:17:06 +0000

بھارتی کرکٹ ٹیموں کا یہ طرزِ عمل “باتیں کرلیں گے مگر ٹرافی نہیں لیں گے” کے مصداق بھارت کے دوغلے معیار اور کھیل میں سیاست کو گھسیٹنے کی واضح مثال بن چکا ہے۔ ایک طرف بھارتی حکام گراؤنڈ پر پاکستانی حکام سے خوش دلی سے ملتے اور باتیں کرتے نظر آتے ہیں، لیکن دوسری طرف عین ٹرافی لینے کے وقت سیاسی ایجنڈے کے تحت پیچھے ہٹ جاتے ہیں۔
کھیل ہمیشہ سے قوموں کو قریب لانے کا ذریعہ رہے ہیں، مگر بھارتی کرکٹ بورڈ (BCCI) کی ضد اور اس قسم کے رویوں نے کھیلوں کے عالمی وقار کو شدید ٹھیس پہنچائی ہے، جہاں میدانِ کھیل کو بھی سیاسی دشمنی اور ہٹ دھرمی کی نذر کر دیا گیا ہے۔
واضح رہے کہ سال 2025 میں بھارتی مینز ٹیم نے ایشیا کپ جیتنے کے بعد مروجہ پروٹوکول کے تحت محسن نقوی سے ٹرافی وصول کرنے سے انکار کیا تھا، اور اب 2026 میں بھارتی ویمنز ٹیم نے بھی اسی سلسلے کو برقرار رکھتے ہوئے ویمنز ایشیا کپ جیتنے کے بعد پوڈیم پر جا کر محسن نقوی کے ہاتھوں ٹرافی لینے سے صاف انکار کر دیا۔
بھارتی میڈیا اور رپورٹس کے مطابق یہ فیصلے بھارتی کرکٹ بورڈ (BCCI) کی سیاسی اور سفارتی پالیسی کا حصہ ہیں، جس کے تحت بھارتی ٹیمیں پاکستان کے اعلیٰ سیاسی و حکومتی عہدیداروں کے ہاتھوں ٹرافی یا انعامات قبول نہیں کر رہیں۔

تیسراٹیسٹ،انگلینڈ نے پاکستان کو 8 وکٹوں سے شکست دے دی

Omer Zaheer — Sat, 12 Sep 2026 12:53:03 +0000

انگلینڈ نے پاکستان کو تین میچز پر مشتمل سیریز میں وائٹ واش کر دیا۔ پاکستان کی جانب سے دیا گیا 130 رنز کا ہدف انگلش ٹیم نے 2 وکٹوں کے نقصان پر حاصل کر کے میچ اپنے نام کر لیا۔

تفصیلات کے مطابق انگلینڈ کی جانب سے جو روٹ نے 62 جبکہ جورڈن نے 59 رنز کی اننگز کھیلی۔ انگلینڈ کے اوپنرز بین ڈکٹ اور ایمیلیو بغیر کوئی رن بنائے پویلین واپس لوٹ گئے، دونوں کھلاڑیوں کو محمد عباس نے آؤٹ کیا۔

اس سے قبل پاکستان کی دوسری اننگز 449 رنز پر اختتام پذیر ہوئی، جس کے بعد انگلینڈ کو کامیابی کے لیے 130 رنز کا ہدف ملا۔ پاکستان کی جانب سے رضا اللہ مشوانی نے شاندار بیٹنگ کرتے ہوئے آٹھویں نمبر پر آ کر 63 گیندوں پر 81 رنز کی جارحانہ اننگز کھیلی، جس میں 9 چھکے اور 4 چوکے شامل تھے۔ ان کی اننگز نے پاکستان کو اننگز کی شکست سے بچایا اور میچ میں واپسی کی امید پیدا کی۔

شان مسعود 95 رنز کے ساتھ پاکستان کے نمایاں بلے باز رہے، جبکہ بابر اعظم نے 76 رنز بنائے۔ اذان اویس نے 59 اور محمد عباس نے 42 رنز کی اننگز کھیل کر ٹیم کے مجموعے کو بہتر بنانے میں اہم کردار ادا کیا۔ صائم ایوب اور عبداللہ شفیق بغیر کوئی رن بنائے آؤٹ ہوئے، جبکہ غازی غوری نے 16 اور محمد عمران نے 4 رنز بنائے۔

انگلینڈ کی جانب سے ایٹکنسن نے 3 وکٹیں حاصل کیں، جبکہ اولی رابنسن، جوش اور لارنس نے 2، 2 کھلاڑیوں کو آؤٹ کیا۔ جوفرا آرچر کے حصے میں ایک وکٹ آئی۔

یاد رہے کہ پاکستان نے پہلی اننگز میں مایوس کن بیٹنگ کا مظاہرہ کرتے ہوئے صرف 133 رنز بنائے تھے، جس کے جواب میں انگلینڈ نے 453 رنز بنا کر پاکستان پر 320 رنز کی برتری حاصل کی تھی۔