Uncategorized – Pakistan Today

شان مسعود کی چھٹی، قومی ٹیسٹ ٹیم کی حکمرانی کا تاج کس کے سر؟

Omer Zaheer — Sat, 04 Jul 2026 18:59:13 +0000

قومی ٹیم کے نامور بیٹر بابر اعظم کو ایک بار پھر ٹیسٹ ٹیم کی قیادت سونپے جانے کا امکان ظاہر کیا جا رہا ہے۔

ذرائع کے مطابق بابر اعظم کو ٹیسٹ ٹیم کا نیا کپتان بنانے پر غور کیا جا رہا ہے، جس کا باقاعدہ اعلان پاکستان کرکٹ بورڈ کی سلیکشن کمیٹی کل لاہور میں پریس کانفرنس کے دوران کر سکتی ہے۔

اس پریس کانفرنس میں ویسٹ انڈیز کے خلاف ٹیسٹ سیریز کے لیے اسکواڈ کا اعلان بھی متوقع ہے، جبکہ انگلینڈ کے دورے کے لیے ٹیم کا اعلان بعد میں کیا جائے گا۔

پاکستان ٹیم ویسٹ انڈیز میں دو اور انگلینڈ میں تین ٹیسٹ میچز کی سیریز کھیلے گی۔

واضح رہے کہ اس وقت ٹیسٹ ٹیم کی قیادت شان مسعود کے پاس ہے، تاہم ان کی کپتانی میں پاکستان کو حالیہ سیریز میں بنگلا دیش کے خلاف ہوم اور ڈھاکا دونوں مقامات پر شکست کا سامنا کرنا پڑا۔

دوسری جانب سوشل میڈیا پر بھی گزشتہ روز سے یہ قیاس آرائیاں جاری ہیں کہ بابر اعظم کو دوبارہ ٹیسٹ ٹیم کی قیادت سونپی جا سکتی ہے۔

عمران خان کے علاج سے متعلق اپوزیشن کا مطالبہ، اپوزیشن نے استعفوں کی دھمکی دیدی

Omer Zaheer — Sat, 27 Jun 2026 18:24:46 +0000

لاہور میں پنجاب اسمبلی کے باہر میڈیا سے گفتگو کرتے ہوئے معین ریاض قریشی نے مطالبہ کیا کہ بانی پی ٹی آئی کا علاج ان کی فیملی کی موجودگی میں الشفا اسپتال میں کرایا جائے۔

انہوں نے کہا کہ اگر حکومت نے یہ مطالبہ منظور نہ کیا تو اپوزیشن پنجاب اسمبلی سے اجتماعی استعفوں پر بھی غور کرے گی۔

معین ریاض قریشی کا کہنا تھا کہ بانی پی ٹی آئی کو مناسب طبی سہولتیں فراہم کی جائیں اور علاج کے دوران اہلِ خانہ کو بھی ان کے ساتھ رہنے کی اجازت دی جائے۔ انہوں نے حکومت سے مطالبہ کیا کہ اس معاملے پر فوری اور مثبت فیصلہ کیا جائے۔

پی ٹی آئی نے گلگت بلتستان کے انتخابی نتائج کو مسترد کر دیا

Omer Zaheer — Mon, 08 Jun 2026 12:56:54 +0000

پاکستان تحریک انصاف نے گلگت بلتستان کے انتخابات کو مسترد کرتے ہوئے دھاندلی کیخلاف احتجاج اور وائٹ پیپر جاری کرنے کا اعلان کردیا۔

چیئرمین پی ٹی آئی بیرسٹر گوہر نے پریس کانفرنس کرتے ہوئے کہا کہ ہم اسے جعلی اور دھاندلی زدہ انتخابات قرار دیتے ہیں، حلف والے دن گلگت بلتستان میں یوم سیاہ منائیں گے۔

بیرسٹر گوہر نے کہا کہ اس وقت تک ہمارے پاس 3 حلقوں کے فارم 47 موجود ہیں، ہم 8 نشستوں پر 100 فیصد جیت رہے تھے جن کا ہمیں فارم 47 ملنا چاہیے تھا۔

انہوں نے مزید کہا کہ ووٹ میں ہیرا پھیری کرنا اور لوگوں کو اپنا حق استعمال کرنے سے روکنا جمہوریت کے خلاف سازش ہے، پری پول دھاندلی کی گئی، خاص منصوبے کے تحت پی ٹی آئی کو اس پورے عمل سے باہر نکالا گیا، اس وقت 70 فیصد پاکستانی پی ٹی آئی کے ساتھ ہیں۔

یااللہ خیر!لاہوراور گردو نواح میں زلزلے کے جھٹکے

Omer Zaheer — Fri, 05 Jun 2026 16:50:18 +0000

یااللہ خیر!لاہوراور گردو نواح میں زلزلے کے جھٹکے محسوس کیےگئے۔
صوبائی دارالحکومت لاہور اور گرد و نواح میں زلزلے کے جھٹکے محسوس کیے گئے، جس کے باعث شہریوں میں خوف و ہراس پھیل گیا۔ متعدد افراد کلمۂ طیبہ کا ورد کرتے ہوئے گھروں اور دفاتر سے باہر نکل آئے۔ تاحال کسی جانی یا مالی نقصان کی اطلاع موصول نہیں ہوئی۔

حکومت کازیادہ ٹیکس دینےوالےپاکستانیوں کیلئے بلیوپاسپورٹ جاری کرنےکافیصلہ

Omer Zaheer — Mon, 18 May 2026 17:13:09 +0000

حکومت نے ملک کی معیشت میں نمایاں کردار ادا کرنے اور ٹیکس ادائیگی میں بہترین کارکردگی دکھانے والے شہریوں کے اعزاز میں ایک خصوصی اقدام کی منظوری دے دی ہے۔

فیصلے کے مطابق پاکستان کے 42 اعلیٰ ٹیکس دہندگان کو بلیو پاسپورٹس جاری کیے جائیں گے۔ اس اقدام کا مقصد ذمہ دارانہ ٹیکس نظام کو فروغ دینا اور قومی معیشت میں شفاف مالی شراکت کی حوصلہ افزائی کرنا ہے۔

حکام کا کہنا ہے کہ یہ فیصلہ ان افراد کی خدمات کے اعتراف کے طور پر کیا گیا ہے جو مسلسل قومی ٹیکس نظام میں اہم حصہ ڈال رہے ہیں۔

مزید بتایا گیا ہے کہ ایسے اقدامات سے ٹیکس کلچر کو مضبوط بنانے اور معاشی استحکام کے اہداف کے حصول میں مدد ملے گی۔

امریکا کو نقصانات کا ازالہ کیے بغیر موجودہ بحران سے نکلنے نہیں دیں گے،محسن رضائی

Omer Zaheer — Fri, 08 May 2026 10:26:41 +0000

محسن رضائی نے کہا ہے کہ امریکا کو نقصانات کا ازالہ کیے بغیر موجودہ بحران سے نکلنے کی اجازت نہیں دی جائے گی۔
انہوں نے کہا کہ امریکی صدر ڈونلڈ ٹرمپ کو آبنائے ہرمز سے متعلق “من گھڑت منصوبے” کے ذریعے فرار کی اجازت نہیں دی جائے گی، جبکہ امریکا ڈرامائی انداز میں صورتحال سے الگ ہونا چاہتا ہے۔
محسن رضائی کے مطابق ایران امریکا کے کسی بھی ہتھکنڈے کو کامیاب نہیں ہونے دے گا، اور بالواسطہ مذاکرات کا فائدہ ایران کو ہر صورت حاصل ہونا چاہیے۔
انہوں نے مزید کہا کہ امریکا کو ایران میں ہونے والے جانی اور مالی نقصانات کا ہرجانہ ادا کرنا ہوگا، جبکہ امریکی فوج کے خطے سے انخلا کے باوجود ایران اپنے حقوق سے پیچھے نہیں ہٹے گا۔

انسٹا گرام کا خودکار طور پر غائب ہونیوالی فوٹوز کیلئے نیا فیچر متعارف

Omer Zaheer — Sat, 25 Apr 2026 10:08:27 +0000

انسٹا گرام کی جانب سے ایک نئی فوٹو شیئرنگ ایپ انسٹنس کی آزمائش کی جا رہی ہے۔ یہ نئی ایپ اس وقت سپین اور اٹلی میں متعارف کرائی گئی ہے۔
اس ایپ میں صارفین ایسی تصاویر شیئر کر سکتے ہیں جو ایک بار دیکھے جانے کے بعد خودکار طور پر غائب ہو جاتی ہیں اور اگر آپ دیکھتے نہیں تو 24 گھنٹوں تک دستیاب رہتی ہیں۔اس ایپ میں آپ ایک کلک پر فوٹو کھینچ سکتے ہیں، مگر اسے ایڈٹ نہیں کیا جاسکے گا۔
ایپ میں فون گیلری میں موجود تصاویر کو اپ لوڈ کرنے کی اجازت نہیں دی جائے گی اور آپ کو ان ایپ کیمرے سے تصویر کھینچ کر شیئر کرنا ہوگی۔ان تصاویر میں ٹیکسٹ تو ایڈ کیا جاسکتا ہے، مگر مزید کوئی تبدیلی نہیں کی جاسکتی۔
کمپنی کے مطابق انسٹا گرام کے برعکس انسٹنٹس کو حقیقی زندگی کی تصاویر شیئر کرنے کے لیے ڈیزائن کیا گیا ہے۔کمپنی کی جانب سے انسٹنٹس کی آزمائش انسٹا گرام کے اندر بھی ایک فیچر کے طور پر مخصوص خطوں میں کی جا رہی ہے۔

ایران امریکامذاکرات،ایرانی وزیرخارجہ کی آج رات اسلام آباد آمدمتوقع

Omer Zaheer — Fri, 24 Apr 2026 11:33:50 +0000

حکومتی ذرائع کے مطابق پاکستانی مصالحتی ٹیم کے ساتھ اہم رابطوں اور بات چیت کے بعد امریکا اور ایران کے درمیان اسلام آباد میں امن مذاکرات کے دوسرے دور کے انعقاد کا امکان ظاہر کیا جا رہا ہے۔
ذرائع کا کہنا ہے کہ امریکی لاجسٹک اور سیکیورٹی ٹیم پہلے ہی اسلام آباد میں موجود ہے تاکہ ممکنہ مذاکراتی عمل کی تیاری مکمل کی جا سکے۔
اس سے قبل ترجمان دفتر خارجہ نے بتایا تھا کہ ایرانی وزیر خارجہ عباس عراقچی نے پاکستان کی سیاسی اور عسکری قیادت سے رابطے کیے ہیں۔
ترجمان کے مطابق نائب وزیراعظم و وزیر خارجہ اسحاق ڈار سے ٹیلیفونک گفتگو میں خطے کی صورتحال، جنگ بندی اور امریکا ایران رابطوں سے متعلق سفارتی کوششوں پر تبادلہ خیال کیا گیا۔
اسحاق ڈار نے گفتگو میں کہا کہ خطے میں امن اور استحکام کے لیے فوری پیش رفت ضروری ہے۔
ایرانی خبر ایجنسی کے مطابق عباس عراقچی نے فیلڈ مارشل عاصم منیر سے بھی ٹیلیفونک رابطہ کیا، جس میں خطے کی صورتحال اور جنگ بندی کے امور زیر بحث آئے۔

آبنائےہرمزکی بندش سےتوانائی کےبعدعالمی غذائی نظام کوبھی خطرہ

Omer Zaheer — Wed, 22 Apr 2026 14:33:33 +0000

ماہرین کے مطابق آبنائے ہرمز میں جاری کشیدگی کے اثرات صرف تیل کی عالمی سپلائی تک محدود نہیں رہیں گے بلکہ اس سے خوراکی نظام بھی متاثر ہو سکتا ہے۔
اعداد و شمار کے مطابق دنیا کا تقریباً 20 فیصد تیل اسی اہم آبی گزرگاہ سے گزرتا ہے، تاہم اس کے ساتھ ساتھ کھاد (فِرٹیلائزر) کی بڑی مقدار بھی اسی راستے سے عالمی منڈیوں تک پہنچتی ہے، جو زرعی پیداوار کے لیے انتہائی اہم سمجھی جاتی ہے۔
رپورٹ میں بتایا گیا ہے کہ عالمی سطح پر یوریا کا ایک بڑا حصہ، جو فصلوں کی افزائش کے لیے بنیادی حیثیت رکھتا ہے، بھی اسی راستے سے منتقل ہوتا ہے، اور موجودہ کشیدگی کے باعث اس کی ترسیل متاثر ہونے کے خدشات بڑھ گئے ہیں۔
ماہرین کے مطابق اگر کھاد کی سپلائی متاثر ہوتی ہے تو اس کے نتیجے میں زرعی پیداوار میں کمی، خوراک کی قیمتوں میں اضافہ اور بعض علاقوں میں غذائی قلت جیسے مسائل پیدا ہو سکتے ہیں۔
اقوام متحدہ کے ورلڈ فوڈ پروگرام نے بھی خبردار کیا ہے کہ صورتحال طویل ہونے کی صورت میں دنیا بھر میں مزید لاکھوں افراد شدید غذائی عدم تحفظ کا شکار ہو سکتے ہیں۔
رپورٹ کے مطابق اس وقت عالمی توجہ زیادہ تر توانائی کی قیمتوں پر مرکوز ہے، تاہم ماہرین کے مطابق اصل طویل مدتی اثر خوراک اور زرعی پیداوار پر پڑ سکتا ہے۔

ایک جہازتحویل میں لیاہے،جس میں مشکوک سامان ہےجوچین کی طرف سے تحفہ ہے،ٹرمپ

Omer Zaheer — Wed, 22 Apr 2026 07:37:34 +0000

امریکی صدر ڈونلڈ ٹرمپ نے دعویٰ کیا ہے کہ امریکا نے ایک ایسا جہاز تحویل میں لیا ہے جس میں موجود سامان مشکوک نوعیت کا ہے اور یہ مبینہ طور پر چین کی جانب سے ’’تحفہ‘‘ کے طور پر بھیجا گیا تھا۔
ان کے مطابق اس معاملے پر انہیں حیرت ہوئی، تاہم چین کے ساتھ تعلقات کو مثبت قرار دیتے ہوئے انہوں نے کہا کہ ان کی چینی صدر شی جن پنگ کے ساتھ ایک بہتر سمجھ بوجھ موجود ہے۔
ٹرمپ نے اپنے بیان میں دوبارہ کہا کہ جہاز میں موجود مواد’’اچھی نوعیت کا نہیں‘‘تھا اور یہ چین کی جانب سے بھیجا گیا تھا۔
واضح رہے کہ اس سے قبل بھی امریکی صدر نے اشارہ دیا تھا کہ اگر چین کی جانب سے ایران کو ہتھیار فراہم کیے گئے تو اس کے سنگین نتائج سامنے آ سکتے ہیں۔