آئی فونز 16 سیریز کے چاروں ماڈلز کی قیمتیں کیا ہوں گی؟

ایپل کے صارفین کا انتظار ختم ،آئی فون 16 سیریز کے تمام ماڈلز متعارف کرا دئیے گئے۔آئی فونز 16 سیریز کے چاروں ماڈلز کی قیمتیں کیا ہیں؟
تازہ ترین لیک میں آئی فونز کی نئی سیریز کی قیمتوں کا پتا چل گیا۔آئی فون 16، 16 پلس، 16 پرو اور 16 پرو میکس ایپل کمپنی کے اولین سمارٹ فونز ہیں،جو جنریٹیو آرٹی فیشل انٹیلی جنس (اے آئی) ماڈل ایپل انٹیلی جنس پر مبنی ہیں۔ان ڈیوائسزکے بارے میں لیکس کا سلسلہ مہینوں سے ہے، تاہم ایک نئی لیک میں آئی فون 16 سیریز کی قیمتوں کے بارے میں بتایا گیا ہے۔
تازہ ترین لیک کے مطابق آئی فونز کی اس سیریز کے انٹری ماڈل آئی فون 16 کی قیمت 799 ڈالر سے شروع ہوگی اور آئی فون 16 پلس کی قیمت 899 ڈالر سے شروع ہوگی۔آئی فون 15 اور 15 پلس کی قیمتیں بھی یہی تھیں،مگر آئی فون 16 پرو کی قیمت گزشتہ سال کے ماڈل کے مقابلے میں زیادہ ہے۔آئی فون 15 پرو کی قیمت 999 ڈالر سے شروع ہوئی تھی، مگر آئی فون 16 پرو کی قیمت 1099 ڈالر سے شروع ہوگی۔البتہ آئی فون 16 پرو میکس کی قیمت 1199 ڈالر یعنی گزشتہ سال کے ماڈل جتنی ہی ہے۔
ایپل کی جانب سےآج متعارف کرائے جانے کے بعد یہ نئے آئی فونز صارفین کو 20 ستمبر کو دستیاب ہوں گے۔