اسٹیٹ بینک نئی مانیٹری پالیسی کااعلان کب کرےگا؟تاریخ سامنےآگئی

اسٹیٹ بینک نئی مانیٹری پالیسی کااعلان 16دسمبر2024بروزپیرکوکرےگا۔
ترجمان اسٹیٹ بینک کے مطابق مانیٹری پالیسی کا فیصلہ کرنے کے لیے اسٹیٹ بینک آف پاکستان کی مانیٹری پالیسی کمیٹی (ایم پی سی) کا اجلاس پیر 16دسمبر 2024ء کو ہو گا۔ اجلاس کے بعد اسٹیٹ بینک پریس ریلیز کے ذریعے اسی دن مانیٹری پالیسی بیان جاری کرے گا۔
ذرائع کے مطابق افراط زر میں نمایاں کمی کی وجہ سے شرح سود میں 2فیصدتک کمی کا اعلان متوقع ہے ، تاہم کاروباری برادری 4سے 5فیصد کمی کا مطالبہ کر رہی ہے ۔
ماہرین کاکہناہےکہ مانیٹری پالیسی میں شرح سودمیں کمی کی توقع ہے،اسٹیٹ بینک شرح سودمیں150سے200بیسزپوائنٹس کمی کرسکتا ہے۔
ماہرین کامزیدکہناہےکہ نومبرمیں افراط زرکی شرح6سال کی کم ترین سطح 4.9فیصدتک آگئی۔