انتظار ختم: سازگار کی مشہو زمانہ گاڑی ہیول کا نیاماڈل متعارف

نئی گاڑی خریدنے کے خواہشمند صارفین کا انتظار ختم، سازگار نے مشہو زمانہ گاڑی ہیول کا نیاماڈل متعارف کروا دیا۔
سازگار انجینئرنگ ورکس لمیٹڈنے بالآخر طویل انتظار کے بعد ہیول ایچ 6 پی ایچ ای وی (Haval H6 PHEV) کو پاکستان میں باضابطہ طور پر لانچ کر دیا ۔ چند ہفتے قبل کمپنی نے اعلان کیا تھا کہ یہ جدید ہائبرڈ ایس یو وی اگست کے وسط میں مقامی مارکیٹ میں متعارف کروائی جائے گی ،کمپنی کی جانب سے اس گاڑی کی ایکس فیکٹری قیمت ایک کروڑ 28 لاکھ 95 ہزار روپے رکھی گئی ہے، جس کی خواہشمند افراد 24 لاکھ روپے ادا کر کے بکنگ کروا سکتے ہیں ۔
یہ نئی ہائبرڈ ایس یو وی اپنی جدید ٹیکنالوجی بہترین کارکردگی اور فیول ایفیشنسی کے باعث پریمیئم گاڑیوں کی کیٹیگری میں شامل ہو گئی ہے اور یہ ان صارفین کیلئے ایک پرکشش آپشن ہے ،جو کارکردگی کے ساتھ جدید فیچرز اور ماحول دوست ٹیکنالوجی والی گاڑی خریدنا چاہتے ہیں۔
ہیول ایچ 6 پی ایچ ای وی میں 5ٹی پی ایچ ای وی انجن دیا گیاہے ۔ ہائبرڈ ٹیکنالوجی والی اس گاڑی میں 360 ہارس پاور، جبکہ 760 نیوٹن میٹر ٹارک پیدا کرتی ہے ، اس میں 55 لیٹر کا بڑا ٹینک نصب کیا گیاہے، جبکہ لیتھیم آئرن فاسفیٹ بیٹری دی گئی ہے ۔