بچوں کی گیمنگ پر نظر رکھنے کیلئے پلے سٹیشن فیملی ایپ متعارف

بچوں کی گیمنگ سرگرمی پر نظر رکھنے کیلئے اہم پیشرفت،جاپانی الیکٹرانکس اور گیمنگ کمپنی سونی کی طرف سے بچوں کی گیمنگ سرگرمی پر نظر رکھنے کیلئے پلے سٹیشن فیملی ایپ متعارف کرادی۔
سونی کی بلاگ پوسٹ کے مطابق پلے سٹیشن فیملی ایپ والدین کو مختلف کسٹمائزیشن کی سہولت دیتی ہے، جیسے کھیلنے کا وقت محدود کرنا، تفصیلی سرگرمی رپورٹس حاصل کرنا اور دیکھنا کہ بچے کون سے کھیل کھیل رہے ہیں؟
کمپنی کے مطابق یہ ایپ ہر عمر کے گیمرز کیلئے محفوظ اور منظم کھیل کو یقینی بنانے کیلئے تیار کی گئی ہے۔اگرچہ پلے سٹیشن 5 اور پلے سٹیشن 6 کنسولز پہلے ہی والدین کو کنٹرولز فراہم کرتے ہیں، لیکن یہ موبائل ایپ والدین کو یہ اختیار براہ راست اپنے موبائل فون سے مینیج کرنے کی سہولت دیتی ہے۔
سونی کے مطابق یہ ایپ آئی او ایس اور اینڈرائیڈ صارفین کیلئے دستیاب ہے،لہٰذا نئے فیچر کے ساتھ والدین کو بچوں کی گیمنگ کی حدود مقرر کرنے اور غیر موزوں مواد تک رسائی محدود کرنے کی بھی سہولت ملے گی،یوں والدین بہتر فیصلے کر سکیں گے۔