توشہ خانہ2کیس کی سماعت بغیرکارروائی کےملتوی

بانی تحریک انصاف عمران خان اوراہلیہ بشریٰ بی بی کےخلاف توشہ خانہ2کیس کی سماعت بغیر کارروائی کےملتوی کردی گئی۔
سپیشل سینٹرل جج شاہ رخ ارجمند نے اڈیالہ جیل میں توشہ خانہ ٹو کیس کی سماعت کی، عمران خان اور بشریٰ بی بی کو کمرہ عدالت میں پیش کیا گیا جبکہ وکلاء صفائی عدالت پیش نہ ہوئے۔
آج کی سماعت میں کسٹم اپریزر ثناء سعید اور رابعہ کو بطور گواہ عدالت کی جانب سے طلب کیا گیا تھا ، کیس میں مجموعی طور پر 5 گواہان پر جرح مکمل ہو چکی ہے جبکہ 7 کی شہادت ریکارڈ کی جاچکی ہے۔
عمران خان اور بشریٰ بی بی کے وکلاء کی عدم حاضری پر عدالت نے سخت برہمی کا اظہار کرتے ہوئے آئندہ سماعت پر وکلاء صفائی کو حاضری یقینی بنانے کی ہدایت کردی۔
بعدازاں عدالت نےوکلاء صفائی کی عدم موجودگی کے باعث آئندہ سماعت23جنوری تک ملتوی کردی۔