جو ڈیشل کمیشن نےچاروں ہائیکورٹس کےچیف جسٹسز کےناموں کی منظوری دیدی

جوڈیشل کمیشن نےاسلام آباد ،سندھ ،بلوچستان اورپشاورہائیکورٹس کےچیف جسٹسزکےناموں کی منظوری دےدی۔
چیف جسٹس آف پاکستان یحییٰ آفریدی کی زیرصدارت جوڈیشل کمیشن کااہم اجلاس منعقدہواجس میں اسلام آبادسمیت چارہائیکورٹس کےچیف جسٹسزکے ناموں کی منظوری دی گئی۔
اجلاس میں سندھ، بلوچستان، پشاور اور اسلام آباد ہائی کورٹس کے مستقل چیف جسٹس صاحبان کی تقرری کے لیے ہر ہائی کورٹ کے سینئر ترین تین ججز کے ناموں پر غور کیا گیا۔
جوڈیشل کمیشن نےاسلام آبادہائیکورٹ کےقائم مقام چیف جسٹس سرفراز ڈوگر کومستقل چیف جسٹس کے طورپرمنظوری دےدی۔کمیشن نے پشاور ہائی کورٹ کے چیف جسٹس کے لیے جسٹس عتیق شاہ کے نام کی منظوری دی ۔
جوڈیشل کمیشن نےسندھ ہائیکورٹ کےلئےجسٹس جنیدغفارکےنام کی منظوری دی اورجوڈیشل کمیشن نے بلوچستان ہائی کورٹ کے چیف جسٹس کے لیے جسٹس روزی خان کےنام کومنظورکرلیا۔
جوڈیشل کمیشن نے ہائی کورٹس کے چیف جسٹسز کی تقرری سے وزیراعظم کو آگاہ کر دیا ۔ سیکرٹری جوڈیشل کمیشن نے وزیراعظم کے پرنسپل سیکرٹری کو مراسلہ لکھ دیا ہے۔
مراسلے میں کہا گیا ہے کہ وزیراعظم آرٹیکل 175 اے کی ذیلی شق 8 کے تحت ججز کے تقرر کی کارروائی مکمل کریں۔
واضح رہے کہ جوڈیشل کمیشن کے13مستقل اراکین ہیں تاہم ہائی کورٹ کے چیف جسٹس کے لیے کمیشن کے ممبران کی تعداد 16 ہوتی ہے جبکہ کم ازکم 9 ممبران کی اکثریت سے چیف جسٹس کا تقرر ہوتا ہے۔
جوڈیشل کمیشن کے اجلاس میں چیف جسٹس پاکستان، سپریم کورٹ کے 4 ججز، اٹارنی جنرل، 2 حکومتی اراکین اور 2 اپوزیشن اراکین شریک ہوئے۔ ہر صوبے کے چیف جسٹس کے لیے صوبائی وزیر قانون، ہائی کورٹ بار کانمائندہ اور سابق جج شریک ہوئے۔
پاکستان بارکی جانب سےجوڈیشل کمیشن اجلاس میں احسن بھون نےشرکت کی اورسپیکر قومی اسمبلی کی نامزد روشن خورشید بھروچہ بھی شریک ہوئیں۔