حکومت ان ایکشن،یکم ستمبرسےقبل سکول کھولنےوالوں کیخلاف کارروائی کی وارننگ

پنجاب حکومت نے یکم ستمبر سے قبل سکول کھولنے والوں کے خلاف سخت کارروائی کی وارننگ دےدی۔
پنجاب حکومت نے واضح وارننگ جاری کی ہے کہ صوبے بھر میں یکم ستمبر سے پہلے کوئی بھی تعلیمی ادارہ کھولا گیا تو اس کے خلاف سخت کارروائی کی جائے گی۔
وزیر تعلیم پنجاب رانا سکندر حیات نےسوشل میڈیاپراپنے بیان میں کہا ہے کہ سکولوں میں چھٹیوں کا نوٹیفکیشن تمام سرکاری و نجی تعلیمی اداروں کے لیے یکساں ہے، اور اس پر مکمل عمل درآمد کروایا جائے گا۔
انہوں نے خبردار کیا کہ جو بھی ادارہ حکومتی احکامات کی خلاف ورزی کرے گا، اس کے خلاف زیرو ٹالرنس پالیسی کے تحت قانونی کارروائی کی جائے گی۔
واضح رہےکہ صوبائی وزیرتعلیم راناسکندرحیات نے چندروزقبل اپنے سوشل میڈیااکاؤنٹ پرسکولوں میں گرمیوں کی تعطیلات میں اضافےکااعلان کرتےہوئےلکھاتھاکہ سکول میں گرمیوں کی چھٹیوں میں اضافہ کیاجارہا ہے ،لاہور سمیت پنجاب بھر میں سرکاری ونجی سکول اب یکم ستمبر کو کھلیں گے۔جس پرآل پاکستان پرائیویٹ سکولز منیجمنٹ ایسوسی ایشن نے پنجاب میں گرمیوں کی تعطیلات میں31 اگست تک توسیع کا فیصلہ بلاجواز قرار دیتے ہوئے واپس لینےکا مطالبہ کیا تھا۔
خیال رہےکہ اس سے قبل پنجاب کے سکولوں میں موسم گرما کی تعطیلات 14 اگست تک تھیں۔