عیدالاضحی 2025 کب ہو گی؟چھوٹی عید گزرتے ہی بڑی عید کی پیشگوئی

چھوٹی عید گزرتے ہی بڑی عید کی پیشگوئی،عیدالاضحی 2025 کب ہو گی؟تفصیلات سامنے آگئیں۔
ماہرین فلکیات نے متحدہ عرب امارات میں عیدالاضحیٰ کی تاریخ کی پیشگوئی کر دی۔اماراتی فلکیاتی سوسائٹی کی جانب سے ہفتہ وار فلکیاتی پیشگوئیوں کے مطابق عید الاضحی 6 جون 2025 بروز جمعہ کو ہونے کی توقع ہے۔اسلامی قمری کیلنڈر میں آخری مہینہ ذی الحجہ کے مہینے کے آغاز کی نشاندہی کرنیوالا ہلال کا چاند 27 مئی کو نظر آنے کی امید ہے ،جو 28 مئی کو مہینے کا پہلا دن بناتا ہے۔
ایمریٹس آسٹرونومی سوسائٹی کے چیئرمین ابراہیم الجروان کے مطابق ہلال 27 مئی کو متحدہ عرب امارات کے وقت کے مطابق سات بجکردو منٹ پر نمودار ہوگا اور غروب آفتاب کے بعد تقریباً 38 منٹ تک نظر آئے گا، جس سے اس شام کو ممکنہ طور پر نظر آنے کا امکان ہے۔
متحدہ عرب امارات کے سرکاری عام تعطیل کے کیلنڈر کے مطابق یوم عرفہ اور عید الاضحی کیلئے وقفہ 9 سے 12 ذی الحجہ (اسلامی سال 1445 ہجری) تک ہے جو چار دن کی عام تعطیل کے برابر ہے۔اگر واقعی عید الاضحی جمعے کو بنتی ہے تو متحدہ عرب امارات کے شہری طویل تعطیلات سے لطف اندوز ہوں گے، جس میں جمعرات اور جمعہ کو سرکاری تعطیلات اور ہفتہ اور اتوار کو باقاعدہ ویک اینڈ کے حصے کے طور پر قرار دیا گیا ہے، جس کے نتیجے میں متحدہ عرب امارات بھر میں چار دن کا ویک اینڈ ہوگا۔