فیس بک پر اب کون سے صارفین پیسے نہیں کما سکیں گے؟

معروف سوشل میڈیا پلیٹ فارم کےصارفین کیلئے اہم خبر،فیس بک پر اب کون سے صارفین پیسے نہیں کما سکیں گے؟ تمام ترتفصیلات سامنے آ گئیں۔
فیس بک پر دیگر افراد کی پوسٹس کاپی پیسٹ کرنےوالوں کیخلاف کمپنی نے سخت اقدامات کرنے کا اعلان کر دیا۔میٹا پر صارفین کی جانب سے شدید تنقید کی جا رہی تھی، کیونکہ صارفین کے اوریجنل مواد کو چوری کرکے دیگر افراد زیادہ پیسے کما لیتے ہیں۔اپریل 2025 میں میٹا کی جانب سے فیس بک میں کئی تبدیلیوں کا اعلان کیا گیا تھا، جس کا مقصد سپام مواد کی پوسٹنگ میں کمی لانا قرار دیا گیا،اب ان تبدیلیوں کا باقاعدہ اطلاق کیا جا رہا ہے۔
عام طور پر صارفین کی جانب سے دیگر افراد کے مواد کو زیادہ ویوز، فالوورز کی تعداد میں اضافے یا آمدنی کے حصول کیلئے استعمال کیا جاتا ہے،مگر کمپنی کے مطابق اس طرح کی چوری سے فیس بک استعمال کرنے کا تجربہ متاثر ہوتا ہے۔
میٹا کے مطابق چوری شدہ مواد کو پوسٹ کرنیوالے اکاؤنٹس کیخلاف اقدامات کیے جائیں گے۔میٹا کی جانب سے یہ اعلان اس وقت کیا گیا ہے جب یوٹیوب میں بھی اس طرح کے مواد کیخلاف کریک ڈاؤن کا اعلان کرتے ہوئے آمدنی کے حوالے سے پالیسیوں کو اپ ڈیٹ کیا گیا ہے۔
میٹا کے مطابق فیس بک پر اب سپام اکاؤنٹس یا خود کو اصل کریٹیر ظاہر کرکے مواد پوسٹس کرنیوالے صارفین کیخلاف اقدامات کیے جائیں گے،جن اکاؤنٹس کی جانب سے بار بار دیگر افراد کے مواد کو استعمال کیا جائے گا، ان کیلئے فیس بک موناٹائزیشن پروگرامز تک رسائی مخصوص وقت کیلئے ختم کر دی جائے گی، جبکہ ان کی پوسٹس کی رسائی بھی بہت کم افراد تک ہوگی۔
کمپنی کی جانب سے ایک اے آئی سسٹم کی بھی آزمائش بھی کی جا رہی ہے، جو اس طرح کی چوری شدہ ویڈیوز میں اصلی مواد کے حوالے سے لنکس کا اضافہ کرے گا۔