قائداعظم نیشنل ویٹ لفٹنگ چیمپئن شپ ،پاک آرمی نےمیدان مارلیا

قائداعظم نیشنل ویٹ لفٹنگ چیمپئن شپ کامقابلہ پاک آرمی نےاپنےنام کرلیا۔
لاہورمیں قائد اعظم نیشنل ویٹ لفٹنگ چیمپئن شپ کےمقابلوں کامیلہ سجا،3دن تک جاری ر ہنےوالی چیمپئن شپ میں ملک بھرسےویٹ لیفٹرزنےحصہ لیا۔
چیمپئن شپ کےتیسرےاورآخری روزپاکستان آرمی نے78پوائنٹس کے ساتھ پہلی پوزیشن جیت لی،دوسری پوزیشن پاکستان وپڈانے 71 پوائنٹس کے ساتھ حاصل کی جبکہ پنجاب نے36 پوائنٹس کے ساتھ تیسری پوزیشن حاصل کی، آزاد کشمیر نے شاندار کارکردگی کا مظاہرہ کرتے ہوئے چوتھی پوزیشن حاصل کی۔
کرنل آصف ڈار، پاکستان باڈی بلڈنگ فیڈریشن کے صدر شیخ فاروق اور آکسیی جم کے سی ای اور بیرسٹر ابتسام ، میاں اعظم بھی اس موقع پر موجود تھے جنھوں نے نہ صرف کھلاڑیوں کی کارکردگی کو سراہا بلکہ انعامات تقسیم کرنے کی تقریب میں بھی شرکت کی۔
اختتامی تقریب میں فاتح کھلاڑیوں کو شیلڈز، ٹرافیاں اور میڈلز دیئے گئے جس سے کھلاڑیوں میں خوشی کی لہر دوڑ گئی۔