قومی ہیرو ایم ایم عالم کی 12 ویں برسی

قومی ہیرو ایم ایم عالم کی 12 ویں برسی آج منائی جارہی ہے۔ایم ایم عالم کوغیر معمولی جنگی ہوائی مہارتوں پر فالکن ،لٹل ڈریگن جیسے القابات سے نوازا گیا۔
1965 کی جنگ میں بھارت کے خودساختہ سورماؤں سے ایم ایم عالم کا ٹاکرا فضاؤں میں ہزاروں فٹ کی بلندی پر ہوا،ایم ایم عالم نے دشمن کے 5 جنگی طیاروں کو ایک منٹ سے بھی کم وقت میں گرا کر دشمن کے غرور کو چکنا چور کردیا۔
ایم ایم عالم نے سن 65 کی پاک، بھارت کی جنگ میں مختلف محاذوں پر کل 11 بھارتی طیاروں کو تباہی سے دوچار کیا، انہیں وطن عزیز کے تیسرے بڑے فوجی اعزازستارہ جرات سے نوازا گیا تھا۔
ایم ایم عالم کوغیر معمولی جنگی ہوائی مہارتوں پر فالکن ،لٹل ڈریگن جیسے القابات سے نوازاگیا۔ قومی ہیرو 18 مارچ 2013 کو اس دنیائے فانی سے کوچ کرگیا لیکن انہوں نے سن 65 کی جنگ میں اپنی جرات مندانہ صلاحیتوں سے جو تاریخ رقم کی وہ ہمیشہ یاد رہے گی۔