میلوڈی کوئن نازیہ حسن کو مداحوں سےبچھڑے25 برس بیت گئے

پاپ موسیقی کی ملکہ گلوکارہ نازیہ حسن کو مداحوں سے بچھڑے 25 برس بیت گئے۔ کم عمری میں ہی شہرت پانےوالی نازیہ حسن محض 35 برس کی عمر میں دنیا سے رخصت ہوگئیں۔
پاپ موسیقی کی ملکہ اورعالمی شہرت یافتہ گلوکارہ نازیہ حسن کی آج 25 ویں برسی منائی جارہی ہے۔ کم عمری میں ہی شہرت پانےوالی نازیہ حسن محض 35 برس کی عمر میں دنیا سے رخصت ہوگئیں۔
3 اپریل 1965ء کو کراچی میں پیدا ہونے والی نازیہ حسن نے بالی وڈ فلم قربانی میں ’’آپ جیسا کوئی میری زندگی میں آئے‘‘ جیسا منفرد گیت پیش کیا تو گویا پوری دنیا میں ان کی بات بن گئی۔
نازیہ حسن نےاپنے بھائی زوہیب حسن کےساتھ مل کر پاکستانی موسیقی میں ایک نئی جہت متعارف کرائی اور اپنےگیتوں سے دنیا بھر دھوم مچائی۔ ورسٹائل گلوکارہ نے پرائیڈ آف پرفارمنس، بیسٹ فی میل پلے بیک سنگر سمیت متعدد ایوارڈز اپنے نام کئے۔
نازیہ حسن لنگز کینسر جیسے موذی مرض میں مبتلا ہونے کے باعث محض 35 برس کی عمر میں 13 اگست 2000ء کو لندن کے ایک ہسپتال میں انتقال کر گئیں۔