نوازشریف طبی معائنہ کیلئےلندن روانہ،اہم ملاقاتیں بھی شیڈول

صدرمسلم لیگ (ن)میاں محمدنوازشریف طبی معائنے کے لئے لندن روانہ ہوگئے۔ سابق وزیراعظم کی اہم ملاقاتیں بھی شیڈول ہیں۔
ذرائع کے مطابق میاں محمدنوازشریف سےلاہور سے لندن کے لئےقطر ایئرویز کی پرواز کے ذریعے روانہ ہوئے، صدرمسلم لیگ کا یہ دورہ تقریباً2ہفتوں پرمشتمل ہوگا۔
ذرائع کا کہنا ہے کہ نواز شریف لندن میں اپنا معمول کا طبی معائنہ بھی کرائیں گے، اوراہم ملاقاتیں بھی کریں گے۔
اس سے قبل سابق وزیراعظم نواز شریف رواں سال جون میں لندن گئے تھے۔
یاد رہے کہ کچھ روز قبل صدر مسلم لیگ ن میاں نواز شریف نے پنجاب انسٹی ٹیوٹ آف نیوروسائنسز میں اپنا چیک اپ بھی کرایا تھا، جہاں ان کی گردن کی ایم آر آئی بھی کی گئی تھی، نواز شریف کو پٹھوں میں درد کی شکایت سامنے آئی تھی۔