واٹس ایپ کا نیا جادوئی فیچر متعارف، جو صارفین کویقیناً پسند آئے گا

واٹس ایپ کا نیا جادوئی فیچر متعارف، جو صارفین کو یقیناًپسندآئے گا۔ میٹا کی زیر ملکیت میسجنگ ایپ میں موشن فوٹو فیچر کا اضافہ کیا جا رہا ہے، جو ایسے محسوس ہوتاہے کہ جیسے جادوئی فلم ہیری پوٹر سے متاثر ہے۔
یہ نیا فیچر واٹس ایپ کے اینڈرائیڈ ڈیوائسز کیلئے نئے بیٹا (beta) ورژن میں متعارف کروایا گیا ہے۔اس فیچر کے ذریعے کسی ساکت تصویر کوبالکل آئی فون کے لائیو فوٹوز فیچر کی طرح متحرک کیا جاسکے گا ، جبکہ اس میں ساؤنڈ بھی شامل کیا جاسکے گا،یعنی یہ ایک تصویر سے زیادہ منی ویڈیو ہوگی، جس میں ساکت تصویر میں چیزیں متحرک ہوں گی۔
اس فیچر کو استعمال کرنا بھی بہت آسان ہے ،واٹس ایپ میں جاکر گیلری اوپن کرکے وہاں اوپر بائیں جانب موشن آئیکون پر کلک کرکے اسے استعمال کیا جاسکے گا۔ اس نئے فیچر سے صارفین اب واٹس ایپ میں ہی اپنی پسند کی GIF تصاویر تیار کرکے دوستوں سے شیئر کرسکیں گے۔توقع کی جا رہی ہے کہ یہ فیچر جلد تمام صارفین کیلئے دستیاب ہوگا۔