وزیراعظم شہباز شریف سعودی ولی عہد کی دعوت پر ریاض پہنچ گئے
وزیراعظم شہباز شریف سعودی ولی عہد کی دعوت پر ریاض پہنچ گئے،سعودی فضائیہ نے خصوصی خیرمقدم کیا۔
دورےکےدوران وزیراعظم شہبازشریف کےہمراہ نائب وزیرِ اعظم و وزیرِ خارجہ اسحاق ڈار، وزیرِ دفاع خواجہ آصف، وزیرِ خزانہ محمد اورنگزیب، وزیرِ اطلاعات و نشریات عطا تارڑ، وفاقی وزیر ماحولیات مصدق ملک اور معاون خصوصی طارق فاطمی بھی ہیں۔
ریاض آمد پر ڈپٹی گورنر ریاض، شہزادہ محمد بن عبدالرحمان بن عبدالعزیز نے وزیر اعظم کا پرتپاک استقبال کیا۔وزیراعظم کی سعودی ولی عہد شہزادہ محمد بن سلمان سے ملاقات ہو گی، جس میں مشرقِ وسطیٰ کی صورتحال سمیت باہمی دلچسپی کے دیگر اہم امور پر تبادلہ خیال متوقع ہے۔
وزیراعظم کے طیارے کو سعودی فضائیہ کے ایف-15 لڑاکا طیاروں نے سعودی فضائی حدود میں داخل ہوتے ہی اپنی حفاظت میں لے لیا۔
وزیراعظم شہبازشریف سعودی عرب کےدورےکےبعدکل برطانیہ روانہ ہونگے،برطانیہ میں دوروزقیام کےبعد شہبازشریف امریکاروانہ ہوں گے۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔