پاکستان سمیت دنیا بھر میں آج ’’یوتھ سکلز ڈے‘‘ منایا جا رہا ہے

پاکستان سمیت دنیا بھر میں آج ’’یوتھ سکلز ڈے‘‘ منایا جا رہا ہے۔ اس دن کو منانے کا مقصد نوجوانوں میں ہُنر کی اہمیت کو اجاگر کرنا اور انہیں ہنرمند بنانا ہے۔
دنیا بھر میں نوجوانوں کی اکثریتی آبادی کے پیش ِنظر انہیں ہنرمند بنانے کیلئے اقوام متحدہ کے تحت ہر سال 15 جولائی کو’’ورلڈ یوتھ سکلز ڈے‘‘ منایا جاتا ہے۔
یونیسیف کے تحت اس سال کا تھیم ’’اے آئی اور ڈیجیٹل مہارتوں کے ذریعے نوجوانوں کو بااختیار بنانا‘‘ ہے۔
ایک رپورٹ کے مطابق نوجوان آبادی کے لحاظ سے 195 ممالک میں پاکستان کا پانچواں نمبر ہے۔ پاکستان کی 64 فیصد آبادی 30 برس سے کم کے نوجوانوں پر مشتمل ہے، جن میں سے 36 فیصد حصہ 15 سے 29 برس کے نوجوانوں پر مشتمل ہے۔ نوجوان انرجی سے بھرپور اور کچھ کر دکھانے کی لگن رکھتے ہیں، مگر وسائل کی کمی سمیت مختلف وجوہ کی بناء پر انہیں مسائل کا سامنا ہے۔
اگرچہ ملک میں ٹیکنیکل اور انفارمیشن ٹیکنالوجی کی تعلیم دینے والے ادارے تو بہت ہیں، بس ہمیں اپنے نوجوانوں کی کیریئر کونسلنگ کی ضرورت ہے، نوجوانوں کو ہنرمند بناکر معاشی استحکام کا خواب پورا کیا جاسکتا ہے۔