پی آئی اے کا یورپ میں پیرس کیلئے فضائی آپریشنز محدود کرنے کا فیصلہ

سفر و سیاحت کا سلسلہ ،پاکستان انٹرنیشنل ایئرلائنز پی آئی اے نے یورپ میں پیرس کیلئے فضائی آپریشنز محدود کرنے کا فیصلہ کرلیا۔
ذرائع کے مطابق لاہور اور پیرس کے درمیان فلائٹ آپریشن بند کرنے کا فیصلہ کیا گیا ہے، جبکہ پیرس سے لاہور کیلئے آخری پرواز 12 ستمبر کو روانہ ہوگی۔اسلام آباد سے پیرس کیلئے دو طرفہ فلائٹ آپریشن فعال رہے گا۔
ترجمان کا کہنا ہے کہ ستمبر اور اکتوبر میں جہازوں کی تزئین و آرائش کیلئے آپریشنل بیڑہ محدود کیا جائے گا۔
ذرائع کے مطابق قومی ایئر لائن کے بیڑے میں 12 بوئنگ 777 طیاروں میں سے 7 طیارے پہلے ہی گراؤنڈ ہیں اور پی آئی اے یہ طیارے سعودی عرب، پیرس اور ٹورنٹو کیلئے استعمال کر رہی ہے۔