پی ایس ایل 10 : لاہور کے سکولوں کے اوقات کار میں تبدیلی، نوٹیفکیشن جاری

طلبا کیلئے اہم خبر، پی ایس ایل کے دوران لاہور کے سکولوں کے اوقات کار میں تبدیلی، نوٹیفکیشن جاری کردیاگیا۔
پاکستان سپر لیگ (پی ایس ایل) کے 10ویں ایڈیشن کے دوران لاہور کے مختلف سکولوں کے اوقات کار میں تبدیلی کر دی گئی ہے، جس کا نوٹیفکیشن محکمہ تعلیم پنجاب نے جاری کر دیا ہے۔
نوٹیفکیشن کے مطابق قذافی سٹیڈیم اور ملحقہ علاقوں میں قائم 56 سکولوں کے نئے اوقات صبح 7 بجے سے 12 بجے تک ہوں گے۔ ان سکولوں کا تعلق لاہور کے مختلف علاقوں سے ہے، جن میں گلبرگ، ماڈل ٹاؤن، اچھرہ، جیل روڈ، فیروز پور روڈ، شادمان، کینال روڈ، اپرمال اور ظہور الٰہی روڈ شامل ہیں۔
نوٹیفکیشن میں پی ایس ایل میچز کے شیڈول کی بھی تفصیلات فراہم کی گئی ہیں، جس کا آغاز11اپریل سے ہوکر18مئی کوایونٹ کافائنل لاہورمیں کھیلاجائےگا۔ ان کا آغاز شام 7 بجے ہو گا۔اس کے علاوہ لاہور میں آئی سی سی ویمنز کرکٹ ورلڈ کپ کوالیفائیر کے پریکٹس میچز بھی شروع ہو گئے ہیں، اور ان کا آخری میچ 19 اپریل کو ہوگا۔