پی سی بی کا 2025-26 کے لیے ویمنز کرکٹ ٹیلنٹ ہنٹ پروگرام کا اعلان

پاکستان کرکٹ بورڈ (پی سی بی) نے خواتین کرکٹ کی ترقی کے لیے 2025-26 سیزن کے ویمنز کرکٹ ٹیلنٹ ہنٹ پروگرام کا اعلان کر دیا ہے۔
انڈر 19 اور ایمرجنگ خواتین کھلاڑیوں کے ٹرائلز 21 اگست سے کراچی میں ہوں گے،پروگرام کے تحت 3 ستمبر تک ملک بھر میں ٹرائلز منعقد ہوں گے۔
ٹرائلز لاہور، کراچی، راولپنڈی، پشاور، مردان، کوئٹہ، ملتان اور بہاولپور میں ہوں گے، لاہور میں ٹرائلز 25 اگست کو ایل سی سی اے گراؤنڈ میں ہوں گے۔منتخب کھلاڑیوں کو نیشنل انڈر 19 ٹورنامنٹ کھیلنے کا موقع ملے گا۔
ٹرائلز میں انڈر 19 کھلاڑیوں کے لیے کم سے کم عمر 12 سال رکھی گئی ہے۔کھلاڑی اپنا ب فارم، برتھ سرٹیفکیٹ یا شناختی کارڈ لازمی ہمراہ لائیں۔