ضلعی عدالتیں عوام کو فوری اور سستا انصاف فراہم کرنے کا بنیادی ذریعہ ہیں،چیف جسٹس

چیف جسٹس آف پاکستان جسٹس یحییٰ آفریدی نےکہاہےکہ ضلعی عدالتیں عوام کو فوری اور سستا انصاف فراہم کرنے کا بنیادی ذریعہ ہیں۔

چیف جسٹس آف پاکستان جسٹس یحییٰ آفریدی سے کراچی ڈسٹرکٹ بار ایسوسی ایشن کے وفد نے ملاقات کی ، جس میں عدالتی نظام اور ضلعی عدلیہ کے امور پر تبادلہ خیال کیا گیا۔
چیف جسٹس نے اس موقع پر کراچی کی ضلعی عدلیہ اور قانونی ڈھانچے کو مزید مضبوط بنانے کے عزم کا اعادہ کرتے ہوئے کہا کہ ضلعی عدالتیں عوام کو فوری اور سستا انصاف فراہم کرنے کا بنیادی ذریعہ ہیں۔
چیف جسٹس کا کہنا تھا کہ کراچی پاکستان کا معاشی حب ہے، اور یہاں ایک جدید اور مؤثر عدالتی نظام کا قیام نہایت اہمیت رکھتا ہے۔انہوں نے ملاقات کے دوران ہر صوبے میں ایڈیشنل ریزیڈنٹ سیکرٹری تعینات کرنے کا عندیہ بھی دیا، تاکہ عدالتی انتظامات اور عوامی سہولیات کو مزید بہتر بنایا جا سکے۔