کیا2025 تعلیم کے میدان کیلئے خوشخبریوں کا سال ثابت ہوگا؟

طلبا و طالبات کیلئے اہم خبر،2025 تعلیم کے میدان کیلئے خوشخبریوں کا سال ہوگا۔
وزیر تعلیم پنجاب رانا سکندر حیات نے 2025 کو تعلیم کے میدان میں خوشخبریوں کا سال قرار دیتے ہوئے کہا ہے کہ رواں سال پنجاب میں تعلیمی نظام کی مزید بہتری آئےگی۔ رواں سال نوجوانوں کیلئے لیپ ٹاپ سکیم لانچ ہونے جا رہی ہے، جبکہ اس سال سکالر شپ پروگرام میں سکالرسپش کی تعداد 30 ہزار سے بڑھا کر 50 ہزار اور طالبات کیلئے سکوٹی سکیم میں سکوٹیز کی تعداد 1 لاکھ تک بڑھا دی گئی ہے۔
نئی ایس ایم سی پالیسی اور ایف ایل این پالیسی بھی لانچ کر دی گئی ہے۔ یہ دونوں پالیسیاں نافذ العمل ہوچکی ہیں۔ رواں سال 300 ایڈ ٹیک سکولوں کے قیام کا منصوبہ پایہ تکمیل دیا جائے گا۔ 2025 میں نوجوانوں میں ٹیکنالوجی کے فروغ پر توجہ ہوگی، اسی مناسبت سے تعلیمی اداروں میں مڈل ٹیک، میٹرک اور انٹر ٹیک کا آغاز بھی رواں سال ہو جائے گا۔
رواں سال ارلی چائلڈ ہوڈ ایجوکیشن کے ماڈل ادارے کا بھی افتتاح ہوگا۔ سکول نیوٹریشن پروگرام کا دائرہ کار مزید اضلاع تک پھیلایا جائے گا اور آؤٹ آف سکول بچے اب آئوٹ آف سکول نہیں رہیں گے۔