یومِ دفاع : پاک فوج کا شہداء کو شاندار خراجِ عقیدت

مسلح افواج نے 60 ویں یوم دفاع پراپنےپیغام میں پاک فوج کےشہداء کوخراج عقیدت پیش کیا۔

دن کےآغازپرپاک فوج کی جانب سے وفاقی دارلحکومت میں 31جبکہ صوبائی دارلحکومتوں میں21 توپوں کی سلامی دی گئی۔سلامی کے بعد پاک فوج کے جوانوں نے نعرہ تکبیر بلند کیا اور فضا اللہ اکبر اور پاک فوج زندہ باد کے نعروں سے گونج اٹھی۔
پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل سید عاصم منیر نے شہداء اور ان کے خاندانوں کو بھرپور خراج عقیدت پش کیا، چیئرمین جوائنٹ چیفس آف سٹاف کمیٹی، نیول اور ایئر چیفس نے بھی عقیدت کا اظہار کیا۔
آئی ایس پی آرکاکہناہےکہ 6 ستمبر 1965ء شجاعت اور قربانی کے یہ کارنامے لازوال نقش چھوڑ گئے،یہ دن پاکستانی قوم کے اٹل عزم اور ناقابلِ تسخیر جذبے کی علامت ہے، متحد قوم کو کبھی شکست نہیں دی جا سکتی، ہمارے بے خوف ہیروز کی جرات آنے والی نسلوں کے لئے ہمیشہ مشعلِ راہ بنی رہے گی۔ اس تاریخی دن ہمارے بہادر سپاہیوں نے قوم کی حمایت سے ڈٹ کر مقابلہ کیا، ایک ایسے دشمن کے ناپاک عزائم کو ناکام بنایا جو اسلحے اور تعداد میں کہیں زیادہ طاقتور تھا۔
پاک فوج کے شعبہ تعلقات عامہ کا کہنا ہے کہ ہمارے شہدا اور ہیروز کا عظیم ورثہ ہمیشہ زندہ رہے گا، آج پوری قوم اپنے شہدا، غازیوں اور اُن کے خاندانوں کو سلام پیش کرتی ہے، شہدا اور ان کے خاندانوں نے اس عظیم ملک کے دفاع کے لئے بے مثال قربانیاں دی ہیں۔
آئی ایس پی آرکاکہناہےکہ مسلح افواج بیرونی جارحیت اور دہشت گردی کے خلاف ڈٹی ہے، قدرتی آفات اور مصیبتوں کے وقت بھی پاکستانی عوام کا ساتھ دیا، افواج ملک بھر میں جاری سیلاب سے متاثرہ عوام کی بھرپور مدد جاری رکھیں گی، یوم دفاع و شہداء انتہائی عاجزی و انکساری کے ساتھ منایا جائے گا۔

 پاک فوج کے شعبہ تعلقات عامہ کا مزید کہنا تھا کہ اس مقدس ذمہ داری کو نبھانے کے عہد کی تجدید کرتے ہیں جو قوم نے ہمیں سونپی ہے، مسلح افواج ہر دم چوکس اور ہر قسم کے خطرے کے مقابلے کے لیے تیار ہیں۔امن کو سبوتاژ کرنے کی ہر کوشش کا منہ توڑ اور فیصلہ کن جواب دیا جائے گا، اللہ تعالیٰ پاکستان کو ہمیشہ امن، استحکام اور قوت عطا فرمائے۔