بانی پی ٹی آئی کی صحت سےمتعلق میڈیکل رپورٹ جاری

بانی تحریک انصاف عمران خان کی صحت سےمتعلق پمزہسپتال نےمیڈیکل رپورٹ جاری کردی۔
رپورٹ کےمطابق عمران خان کاسینٹرل جیل اڈیالہ میں طبی معائنہ کیاگیا،عمران خان مکمل طور پر صحت مند ہیں،بانی پی ٹی آئی کو بخار نہیں، ان کا بلڈ پریشر بھی نارمل ہے،ان کی جانب سے 5 روز سے معدے میں تیزابیت کی شکایت کی گئی،معدے میں تیزابیت کے لیے عمران خان پہلے ہی پی پی آئیز پر ہیں، ان کو کان میں شور سنائی دینے کے مسائل کئی ماہ سے ہیں، کان کے مسائل پر عمران خان پہلے ہی ادویات لے رہے ہیں، ان کے کان کے حوالے سے کوئی تازہ شکایات نہیں ہیں، بانی پی ٹی آئی تندرست اور توانا ہے ان کو مزید دوائی کی ضرورت نہیں۔
رپورٹ کے مطابق بانی پی ٹی آئی کی میڈیکل رپورٹ پی ٹی آئی کو موصول ہوگئی۔بانی پی ٹی آئی کو کان کی بیماری سے متعلق پہلے سے شکایات ہیں جس کا علاج جاری ہے، بانی پی ٹی آئی ہشاش بشاش ہیں بلڈ پریشر نارمل ہے۔